UPSC Exam : મેમાં યોજાશે સિવિલ સર્વિસની પરીક્ષા, જાણો IAS અધિકારીઓ પાસેથી UPSC પાસ કરવાની ટિપ્સ

UPSC Civil Service Exam 2023 : UPSC સિવિલ સર્વિસ પરીક્ષામાં દર વર્ષે લાખો ઉમેદવારો અરજી કરે છે, જે દેશની સૌથી અઘરી પરીક્ષા કહેવાય છે. આમાંથી અમુકને જ સફળતા મળે છે. આ વર્ષે UPSC Civil Service 2023 માટેની અરજી પ્રક્રિયા પૂર્ણ થઈ ગઈ છે. હવે ઉમેદવારો પરીક્ષાની રાહ જોઈ રહ્યા છે. આવી સ્થિતિમાં કેટલાક IAS Officers ઉમેદવારોને પ્રોત્સાહિત કરવા માટે ટિપ્સ અને સૂચનો આપ્યા છે.

આ પણ વાંચો : UPSC Recruitment 2023 : કેટલી વાર આપી શકો છો UPSC સિવિલ સર્વિસ એક્ઝામ, શું હોવી જોઈએ ઉંમર, જાણો બીજું ઘણું બધું

આ વર્ષે UPSC સિવિલ સર્વિસીસ પરીક્ષા દ્વારા કુલ 1,255 જગ્યાઓ પર ભરતી કરવામાં આવશે. આ પરીક્ષાની સારી તૈયારી માટે જેટલો અભ્યાસક્રમ અને પરીક્ષાની પેટર્નને સમજીને તૈયારી કરવી જરૂરી છે, તેટલું જ જરૂરી છે કે પરીક્ષા માટે તમારી જાતને એક્ટિવ રાખવી જોઈએ. આ માટે UPSC ટોપર્સ દ્વારા આપવામાં આવેલી ટિપ્સને ધ્યાનમાં રાખો.

IAS Toppers ટિપ્સ આપી હતી

IAS ઓફિસર તરુણ પીથોડે પોતાના ટ્વિટર હેન્ડલ પરથી એક પોસ્ટ શેર કરીને કહ્યું કે, UPSC ક્રેક કરવા માટે કોઈ શોર્ટકટ નથી. આ માટે એક જ રસ્તો છે, તે છે સખત મહેનત.

તે જ સમયે IAS દિવ્યાંશુ નિગમે પોસ્ટ શેર કરીને પોતાનો અનુભવ શેર કર્યો છે. તેણે એક પ્રેરક પોસ્ટ લખી છે, જેમાં તેણે કહ્યું છે કે દરેક વ્યક્તિને જીવનમાં એવા તબક્કામાંથી પસાર થવું પડે છે જ્યારે તમે કંઈ કરી શકતા નથી. આવી ક્ષણોમાં તમારે તમારા વિચારો પર નિયંત્રણ રાખવું પડશે અને તમારી જાતને શાંત રાખવી પડશે.

UPSC સિવિલ સર્વિસ પરીક્ષા મે મહિનામાં

યુનિયન પબ્લિક સર્વિસ કમિશન દ્વારા સિવિલ સર્વિસ એક્ઝામ 2023ની પરીક્ષાની તારીખ પહેલાથી જ જાહેર કરવામાં આવી છે. આ વર્ષે UPSC IAS પરીક્ષા 28 મે 2023 ના રોજ યોજાશે. પરીક્ષામાં ભાગ લેતાં પહેલા, ઉમેદવારોએ ઓફિશિયલ વેબસાઇટ upsc.gov.in પર UPSC સિવિલ સર્વિસ સિલેબસ અને પરીક્ષા પેટર્ન તપાસવી જોઈએ.