Career in Real Estate : રિયલ એસ્ટેટ અર્થતંત્રના મુખ્ય ક્ષેત્રો હેઠળ આવે છે. રિયલ એસ્ટેટ ક્ષેત્ર ખૂબ જ ઝડપથી આગળ વધી રહ્યું છે. આવી સ્થિતિમાં આ ક્ષેત્રમાં યુવાનો માટે કરિયરની ઘણી સંભાવનાઓ છે. હાલમાં આ ક્ષેત્રમાં નોકરીઓની ભરમાર છે. લગભગ તમામ મોટી કંપનીઓ આ ક્ષેત્રમાં કામ કરી રહી છે અને રોજગારની નવી તકો પણ પૂરી પાડી રહી છે.
રિયલ એસ્ટેટમાં ડિગ્રી અથવા ડિપ્લોમા કોર્સ ધરાવતા વિદ્યાર્થીઓ માટે કરિયરની ઘણી સંભાવનાઓ છે. રિયલ એસ્ટેટમાં માસ્ટર અથવા એમબીએની ડિગ્રી ખૂબ ફાયદાકારક બની શકે છે. ચાલો જાણીએ કે, કયું કામ કરીને તમે રિયલ એસ્ટેટ સેક્ટરમાં સારી કરિયર બનાવી શકો છો.
આ પણ વાંચો : Career Tips : સમુદ્ર અને જહાજો સાથે છે પ્રેમ, તો કરો બીટેક-મરીન એન્જિનીયરિંગ, લાખોમાં છે સેલરી
રિયલ એસ્ટેટ સેક્ટરમાં કરિયર બનાવવા માટે 12મા પછી ડિપ્લોમા અને ગ્રેજ્યુએશન પછી એમબીએ જેવા ઘણા કોર્સ છે, જેના દ્વારા યુવાનો આ સેક્ટરમાં કરિયર બનાવી શકે છે. ડિપ્લોમા સાથે ઘણા સર્ટિફેક્ટ કોર્સ પણ છે, જે કર્યા પછી આ ક્ષેત્રમાં સરળતાથી નોકરી મેળવી શકાય છે. સિવિલમાં એન્જિનિયરિંગ કરીને પણ તમે આ ક્ષેત્રમાં નોકરી મેળવી શકો છો.
આ ક્ષેત્રમાં મુખ્યત્વે મકાન, પ્લોટ, ઓફિસ, ઔદ્યોગિક જમીનના (Industrial Land) ખરીદ-વેચાણનું કામ થાય છે. તમારી પાસે માર્કેટિંગ ક્ષમતા હોવી જોઈએ અને તમે ખરીદનારને સરળતાથી સમજાવી શકો. તમારી કોમ્યુનિકેશન સ્ટાઈલ એટલે કે કોમ્યુનિકેશન સ્કીલ્સ (Communication Skills) સારી હોવી જોઈએ અને તમારા શબ્દો ખરીદનારને આકર્ષી શકે છે.
રિયલ એસ્ટેટ ક્ષેત્રમાં કરિયર બનાવવા માટે તમે કોઈપણ માન્ય યુનિવર્સિટીમાંથી સિવિલ એન્જિનિયરિંગમાં ડિગ્રી અથવા ડિપ્લોમા કરી શકો છો. આ ઉપરાંત તમે નેશનલ ઇન્સ્ટિટ્યૂટ ઑફ કન્સ્ટ્રક્શન મેનેજમેન્ટ એન્ડ રિસર્ચ, મુંબઈ (NICMAR) અને નેશનલ ઇન્સ્ટિટ્યૂટ ઑફ રિયલ એસ્ટેટ મેનેજમેન્ટ, નવી દિલ્હી (NIREM) દ્વારા ચલાવવામાં આવતા ઘણા અભ્યાસક્રમો કરી શકો છો, જે તમને કરિયર બનાવવામાં મહત્વપૂર્ણ યોગદાન આપશે.