​Agriculture University Recruitment 2023: ધોરણ 10 પાસથી લઈને ગ્રેજ્યુએટ પાસ યુવાનો માટે નોકરીઓ, આ દિવસ પહેલા કરો અરજી

​Bihar Agriculture University Recruitment 2023 : જો તમે 10મું પાસ છો અને સરકારી નોકરી કરવા માંગો છો તો આ સમાચાર તમારા માટે છે. બિહાર એગ્રીકલ્ચર યુનિવર્સિટી દ્વારા ભરતીની સૂચના બહાર પાડવામાં આવી છે. જે મુજબ સંસ્થામાં બમ્પર પદ પર ભરતી કરવામાં આવશે. જેના માટે અરજી પ્રક્રિયા શરૂ કરી દેવામાં આવી છે. રસ ધરાવતા અને લાયક ઉમેદવારો આ ભરતી માટે અધિકૃત સાઈટ bausabour.ac.in પર જઈને અરજી કરી શકે છે. આ ભરતી અભિયાન માટે અરજી કરવાની છેલ્લી તારીખ 19 મે, 2023 નક્કી કરવામાં આવી છે.

આ પદ માટે બહાર પડી નોકરીઓ

આ ભરતી અભિયાન બિહાર કૃષિ યુનિવર્સિટીમાં કુલ 147 બિન-શૈક્ષણિક પદો પર ભરતી માટે હાથ ધરવામાં આવી રહી છે. 147 પદમાં લેખપાલ, ગાર્ડનર, ડ્રાઈવર વગેરેનો સમાવેશ થાય છે. ભરતી માટે અરજી કરનારા ઉમેદવારોએ માન્યતા પ્રાપ્ત સંસ્થામાંથી 10મું/સ્નાતક/ડિપ્લોમા પાસ કરેલ હોવું જોઈએ.

વય મર્યાદા

અરજી કરનારા ઉમેદવારોની વય મર્યાદા વિશે વાત કરીએ તો ઉમેદવારોની લઘુત્તમ વય 18 વર્ષ અને મહત્તમ વય જૂથ અનુસાર 37/40/42 વર્ષ નક્કી કરવામાં આવી છે.

કેટલો મળશે પગાર

આ પદ પર પસંદ કરાયેલ ઉમેદવારોને 5,200 રૂપિયાથી 34,800 રૂપિયા સુધીનો પગાર આપવામાં આવશે.

આ રીતે થશે પસંદગી

આ જગ્યાઓ માટે ઉમેદવારોની પસંદગી માટે લેખિત કસોટી / સ્કિલ ટેસ્ટ / ઈન્ટરવ્યુનું આયોજન કરવામાં આવશે.

અરજી ફી ભરવાની રહેશે

ભરતી માટે અરજી કરનારા ઉમેદવારોએ અરજી ફી ચૂકવવાની રહેશે. ઉમેદવારો માટે અરજી ફી 800 રૂપિયા રાખવામાં આવી છે. જ્યારે અનામત કેટેગરીના ઉમેદવારો માટેની ફી માત્ર 200 રૂપિયા નક્કી કરવામાં આવી છે.

આ પણ વાંચો: UPSC CDS I Result 2023 જાહેર, 6516 ઉમેદવારો સફળ થયા, અહીં પરિણામો તપાસો

કેવી રીતે કરવી અરજી

ભરતી માટે અરજી કરવા માટે ઉમેદવારોએ ઓફિશિયલ સાઈટ bausabour.ac.in પર જઈને 19 મે સુધી અરજી કરવી જોઈએ. આ પછી અરજી કરનારા ઉમેદવારોએ જરૂરી દસ્તાવેજો સાથે ભરેલું અરજીપત્ર 05 જૂન 2023 સુધીમાં ઓફિસર-ઈન-ચાર્જ (નિયુક્તિ), ભરતી શાખા, બિહાર કૃષિ યુનિવર્સિટી, સબૌર- 813210 પર મોકલવાનું રહેશે.

એજ્યુકેશન, કરિયર, કરન્ટ અફેર્સ, જોબ ક્ષેત્રે શું ચાલી રહ્યું છે? Tv9gujrati.com પર લેટેસ્ટ ગુજરાતી સમાચાર વાંચો અને જુઓ