GOOD NEWS ! રોકાણકારો થઇ જાવ તૈયાર, સોમવારથી શરૂ થતા સપ્તાહમાં આવી રહ્યા છે 4 IPO, જાણી લો કંપનીના નામ
IPOs Next Week : સોમવારથી શરૂ થતા અઠવાડિયે ઘણી કંપનીઓના IPO રોકાણ માટે ખુલવાના છે. જો તમે ગયા અઠવાડિયે કોઈપણ IPO પર સટ્ટો લગાવી શક્યા ન હોવ, તો નવા સપ્તાહમાં રોકાણ માટે નાણાં તૈયાર કરો.
Upcoming ipo : આ અઠવાડિયે શેરબજાર(Share Market) પ્રારંભિક જાહેર ઓફર (IPO)થી ધમધમતું હતું. એકંદરે રોકાણકારો ખૂબ વ્યસ્ત રહ્યા હતા. સોમવારથી શરૂ થતા નવા સપ્તાહમાં પણ શેરબજાર ફરી એકવાર IPOથી ધમધમી રહ્યું છે. ઘણી કંપનીઓ તેમના ઈશ્યુ લોન્ચ કરશે. તેથી જો તમે અત્યાર સુધી આવેલા IPO પર દાવ લગાવી શક્યા નથી, તો આવતા અઠવાડિયા નાણા રાખજો તૈયાર. અમે તમને કેટલાક IPO વિશે જણાવી રહ્યા છીએ, જે આવતા અઠવાડિયે ખુલવા જઈ રહ્યા છે.
SBFC ફાયનાન્સ IPO
નોન-બેંકિંગ ફાઇનાન્સ કંપની SBFC ફાઇનાન્સનો IPO 3 ઓગસ્ટ, ગુરુવારથી રોકાણ માટે ખુલશે. SBFC ફાઇનાન્સ IPO દ્વારા 600 કરોડના નવા ઇક્વિટી શેર ઇશ્યૂ કરશે. SBFC ફાયનાન્સ IPOની કુલ ઓફર કદ હવે રૂ. 1,025 કરોડ છે. તેણે ઇશ્યૂ માટે પ્રતિ શેર રૂ. 54-57ની પ્રાઇસ બેન્ડ નક્કી કરી છે. SBFC ફાઇનાન્સ IPO માટે એન્કર રોકાણકારોને ફાળવણી મંગળવાર, 2 ઓગસ્ટના રોજ થવાની છે અને ઇશ્યૂ 7 ઓગસ્ટના રોજ બંધ થશે. SBFC ફાઇનાન્સ એ મેઇનબોર્ડ IPO છે અને તેના શેર સ્ટોક એક્સચેન્જ BSE અને NSE પર લિસ્ટ થશે.
કોનકોર્ડ બાયોટેક IPO
બાયોટેકનોલોજી ફર્મ કોનકોર્ડ બાયોટેક શુક્રવાર, 4 ઓગસ્ટના રોજ સબસ્ક્રિપ્શન માટે તેનો IPO લોન્ચ કરવા માટે તૈયાર છે. આ ઈસ્યુ દ્વારા, ક્વાડ્રિયા કેપિટલ દ્વારા સંચાલિત ખાનગી ફંડ હેલિક્સ ઈન્વેસ્ટમેન્ટ હોલ્ડિંગ્સ Pte Ltd દ્વારા માત્ર 2.09 કરોડ ઈક્વિટી શેરો વેચાણ માટે મૂકવામાં આવશે. ઈસ્યુ ખુલવાના એક દિવસ પહેલા એટલે કે 3 ઓગસ્ટે એક દિવસ માટે એન્કર બુક લોન્ચ કરવામાં આવશે. કંપની 8 ઓગસ્ટે તેનો ઈશ્યુ બંધ કરશે.
ઓરિયાના પાવર IPO
ઓરિયાના પાવર સ્મોલ એન્ડ મીડિયમ એન્ટરપ્રાઇઝ આઇપીઓ. આ ઇશ્યૂ 1 ઓગસ્ટ મંગળવારના રોજ સબસ્ક્રિપ્શન માટે ખુલશે. કંપનીએ તેના IPO માટે ઈક્વિટી શેર દીઠ 115 થી 118 ની પ્રાઇસ બેન્ડ નક્કી કરી છે. કંપની આઈપીઓ દ્વારા આશરે રૂ. 60 કરોડ એકત્ર કરવાની યોજના બનાવી રહી છે. ઈસ્યુ ગુરુવાર, 3 ઓગસ્ટના રોજ બંધ થશે.
વિન્સિસ આઈટી આઈપીઓ
Vinsys IT IPO પણ એક MSME ઇશ્યૂ છે, તે મંગળવાર, ઓગસ્ટ 1 ના રોજ રોકાણ માટે ખુલશે. IPO સંપૂર્ણપણે 38.94 લાખ ઇક્વિટી શેરનો તાજો ઇશ્યુ છે. કંપનીએ આ ઈસ્યુ માટે 121-128 રૂપિયાની પ્રાઇસ બેન્ડ નક્કી કરી છે. રોકાણકારો એક લોટમાં 1,000 સુધીના શેર માટે બિડ કરી શકે છે. ઈસ્યુ શુક્રવાર, 4 ઓગસ્ટના રોજ બંધ થશે.
