ફેબ્રુઆરી મહિનો પૂરો થવા જઈ રહ્યો છે અને માર્ચ મહિનો ટૂંક સમયમાં શરૂ થવાનો છે ત્યારે 1લી માર્ચથી ઘણા નવા નિયમો અમલી બનશે અને કેટલાક નિયમો તમારા ખર્ચની યોજનાને અસર કરી શકે છે. 1 માર્ચે સોશિયલ મીડિયા, બેંક લોન, એલપીજી સિલિન્ડર અને અન્ય મોટા ફેરફારો થઈ શકે છે. તે જ સમયે, ભારતીય રેલ્વેના સમયપત્રકમાં પણ ફેરફાર કરવામાં આવ્યો છે. અમને જણાવો કે માર્ચમાં કયા નવા નિયમો લાગુ થશે અને તે તમારા માસિક ખર્ચને કેવી રીતે અસર કરી શકે છે.
રિઝર્વ બેંક ઓફ ઈન્ડિયાએ તાજેતરમાં રેપો રેટમાં વધારો કર્યો છે. જે બાદ ઘણી બેંકોએ તેમના MCLR દરમાં વધારો કર્યો છે. જેની સીધી અસર લોન અને EMI પર પડશે. EMIનો બોજ અને લોનના વ્યાજદરમાં વધારો સામાન્ય માણસને પરેશાન કરી શકે છે. ત્યારે બેન્ક લોન મોંઘી થતા સામાન્ય માણસને તેની સીધી અસર થશે.
LPG, CNG અને PNG માટે ગેસના ભાવ દર મહિનાની શરૂઆતમાં નક્કી કરવામાં આવે છે. જો કે ગત વખતે એલપીજી સિલિન્ડરની કિંમતમાં વધારો કરવામાં આવ્યો ન હતો, પરંતુ આ વખતે તહેવારને કારણે કિંમતોમાં વધારો થઈ શકે છે તેવું અનુમાન લગાવવામાં આવી રહ્યું છે. માર્ચમાં હોડી જેવા તહેવારો આવી રહ્યા છે ત્યારે મહિનાની શરુઆતમાં ભાવ વધારો જીકી દેવામાં આવશેનો માહિતી મળી રહી છે.
ઉનાળો આવતાની સાથે જ ભારતીય રેલવે ટ્રેનોના સમયપત્રકમાં કેટલાક ફેરફાર કરી શકે છે. આ યાદી માર્ચમાં જાહેર કરવામાં આવી શકે છે. મીડિયા સૂત્રોના જણાવ્યા અનુસાર 1 માર્ચથી 5,000 ગુડ્સ ટ્રેન અને હજારો પેસેન્જર ટ્રેનોના શેડ્યૂલમાં ફેરફાર થઈ શકે છે.
તહેવારોના આ આવતા માર્ચ મહિનામાં હોળી અને નવરાત્રી સહિત 12 દિવસ બેંકો બંધ રહેશે. આમાં સાપ્તાહિક બેંક રજાઓનો પણ સમાવેશ થાય છે.
ભારત સરકારે તાજેતરમાં IT નિયમોમાં સુધારો કર્યો છે. હવે, ટ્વિટર, ફેસબુક, યુટ્યુબ અને ઇન્સ્ટાગ્રામ જેવી સોશિયલ મીડિયા સાઇટ્સે નવા ભારતીય નિયમોનું પાલન કરવું પડશે. નવી નીતિ ધાર્મિક લાગણીઓને ઉશ્કેરતી પોસ્ટ માટે અસરકારક રહેશે. નવો નિયમ માર્ચમાં લાગુ થઈ શકે છે. ખોટી પોસ્ટના કારણે યુઝર્સને દંડ પણ થઈ શકે છે.
Published On - 2:43 pm, Mon, 27 February 23