ટાટાએ ચા-કોફી અને મીઠું વેચીને કર્યો 268 કરોડનો નફો, જાણો કેવી રીતે
ટાટા કન્ઝ્યુમર બોર્ડે નાણાકીય વર્ષ 022-23 માટે 8.45 રૂપિયાના અંતિમ ડિવિડન્ડની જાહેરાત કરી છે. તે એજીએમમાં મંજૂરીની તારીખથી 30 દિવસની અંદર ચૂકવવામાં આવશે.
ટાટા ગ્રુપ પાણીથી લઈને એરોપ્લેન સુધીના બિઝનેસ કરે છે. દેશમાં એવી કોઈ વસ્તુ નથી કંપની બનાવતી ન હોય અને વેચતી ન હોય,અને ટાટા કંપની જે વેચતી નથી અથવા ઉત્પાદન નથી કરતી તેને બિઝનેસમાં ઝંપલાવા માટે ચોક્કસ મહેનત કરે છે.ટાટા ગ્રુપ ચા, કોફી અને મીઠું વેચીને કરોડો રૂપિયાનો નફો કરી રહ્યું છે.ટાટા કન્ઝ્યુમર પ્રોડક્ટ્સના ત્રિમાસિક પરિણામો જાહેર કરવામાં આવ્યા છે. જેમાં કંપનીને રૂ.268 કરોડનો નફો થયો છે. જે પાછલા વર્ષના સમાન ક્વાર્ટરમાં રૂ. 217 કરોડના નુકસાન કરતાં 23 ટકા વધુ છે.
ચોથા ક્વાર્ટર દરમિયાન, ઓપરેશનલ આવકમાં વાર્ષિક ધોરણે 14 ટકાનો વધારો થયો છે અને તે વધીને રૂ. 3,619 કરોડ થયો છે. એક વર્ષ અગાઉના સમાન સમયગાળામાં તે રૂ. 3,175 કરોડ હતી. બોર્ડે નાણાકીય વર્ષ 2022-23 માટે 8.45 રૂપિયાનું વચ્ચગાળાનું ડિવિડન્ડ જાહેર કર્યું છે. આ AGM પછી 30 દિવસમાં ચૂકવવામાં આવશે.
આ પણ વાંચો : Gold Price Today : સોના-ચાંદીના ભાવમાં ઉતાર – ચઢાવ,આજે કયા ભાવે ખરીદવું સોનું?
ભારતથી આંતરરાષ્ટ્રીય સ્તરે વૃદ્ધિમાં વધારો
છેલ્લા ક્વાર્ટરમાં બ્રાન્ડ ઈન્ડિયા બિઝનેસમાં રૂ. 2,246 કરોડની આવક જોવા મળી હતી, જે ગયા વર્ષના સમાન ગાળામાં રૂ. 1,953 કરોડ કરતાં 15 ટકા વધુ છે. દરમિયાન,આંતરરાષ્ટ્રીય બ્રાન્ડેડ બિઝનેસે આવકમાં 20 ટકાનો વધારો કરીને રૂ. 984 કરોડ હાંસલ કર્યા છે. જ્યારે એક વર્ષ અગાઉના ગાળામાં તે રૂ. 890 કરોડ હતો. ચોથા ક્વાર્ટરમાં નોન-બ્રાન્ડેડ બિઝનેસ રેવન્યુ રૂ. 385 કરોડ હતી, જે પાછલા વર્ષના ગાળાની સરખામણીમાં 12 ટકા વધુ છે. કંપનીએ વાર્ષિક ધોરણે 13 ટકાની વૃદ્ધિ સાથે રૂ. 518 કરોડનો ઓપરેટિંગ નફો હાંસલ કર્યો છે.
કોફી વેચીને રેકોર્ડ આવક મેળવી
ટાટા સ્ટારબક્સે ત્રિમાસિક ગાળામાં 48 ટકા આવક હાંસલ કરી છે. નાણાકીય વર્ષ 2023 ની વૃદ્ધિને 71 ટકા પર લાવી. આ બિઝનેસ માટે ઐતિહાસિક વર્ષ રહ્યું છે, કંપનીએ એક રિલીઝમાં જણાવ્યું હતું. ટાટા સ્ટારબક્સે વર્ષ દરમિયાન 71 નવા સ્ટોર્સ ખોલ્યા અને 15 નવા શહેરોમાં પ્રવેશ કર્યો – જે અત્યાર સુધીનો સૌથી વધુ વાર્ષિક સ્ટોરનો ઉમેરો છે. આ 41 શહેરોમાં સ્ટોર્સની કુલ સંખ્યા 333 થઇ ગઇ છે. કંપનીના જણાવ્યા અનુસાર, ભારતના પેકેજ્ડ બેવરેજીસ બિઝનેસે ક્વાર્ટરમાં આવકમાં 1 ટકા અને વોલ્યુમમાં 3 ટકા વૃદ્ધિ નોંધાવી છે. કંપનીએ જણાવ્યું હતું કે તેના સોલ્ટ પોર્ટફોલિયોએ તેની મજબૂત ગતિ ચાલુ રાખી હતી અને ત્રિમાસિક અને વર્ષ દરમિયાન આવકમાં બે આંકડામાં વૃદ્ધિ જોવા મળી હતી.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ સમાચાર વાંચવા માટે જોડાયેલા રહો…