દેશની સૌથી મોટી IT કંપની ટાટા કન્સલ્ટન્સી સર્વિસીસ એટલે કે TCS (Tata Consultancy Services) એ તેના ચાલુ નાણાકીય વર્ષ (2022-23) ના બીજા ક્વાર્ટરના નાણાકીય પરિણામો સોમવારે જાહેર કર્યા છે. બીજા ક્વાર્ટરમાં TCSનો નફો વાર્ષિક ધોરણે 8.4 ટકા વધીને રૂપિયા 10,431 કરોડ થયો છે.છેલ્લા નાણાકીય વર્ષમાં 2021-22ના બીજા ક્વાર્ટરમાં કંપનીનો નફો રૂપિયા 9,624 કરોડ હતો. 30 સપ્ટેમ્બર 2022 ના રોજ પૂરા થયેલા ક્વાર્ટરમાં કંપનીની રૂપિયામાં એકીકૃત આવક 55309 કરોડ રૂપિયા હતી જે ગયા વર્ષના સમાન ક્વાર્ટરમાં 52758 કરોડ રૂપિયા હતી.
કંપનીએ શેરધારકોને ડિવિડન્ડ(Dividend) આપવાની પણ જાહેરાત કરી છે. કંપની તેના શેરધારકોને શેર દીઠ રૂપિયા 8નું વચગાળાનું ડિવિડન્ડ ચૂકવશે.
સપ્ટેમ્બર ક્વાર્ટરમાં કંપનીની ડૉલરમાં આવક ત્રિમાસિક ધોરણે 1.4 ટકા વધીને 6877 મિલિયન ડોલર થઈ છે જે અગાઉના નાણાકીય વર્ષના બીજા ક્વાર્ટરમાં 6780 મિલિયન ડોલર હતી. 30 સપ્ટેમ્બર 2022 ના રોજ પૂરા થયેલા ક્વાર્ટર માટે TCSનું કોન્સોલિડેટેડ Ebit ત્રિમાસિક ધોરણે રૂપિયા 12186 કરોડથી વધીને રૂપિયા 13279 કરોડ થયું છે જ્યારે Ebit માર્જિન 23.1 ટકાથી વધીને 24 ટકા થયું છે.
બીજા ક્વાર્ટરમાં કંપની છોડવાના દરમાં વધારો થયો છે. સપ્ટેમ્બર ક્વાર્ટરમાં ક્વાર્ટર દર ક્વાર્ટરના આધારે કંપનીનો એટ્રિશન રેટ 19.70 ટકાથી વધીને 21.5 ટકા થયો છે.
એક ટ્વિટર યુઝરે Quora પર એક પોસ્ટ શેર કરી છે. આમાં તેણે જણાવ્યું છે કે ટાટા કન્સલ્ટન્સી સર્વિસ (TCS)માં કામ કરવાના ફાયદાનો ઉલ્લેખ કરવામાં આવ્યો છે, જેમાં નોકરીની સુરક્ષા, સમયસર પગાર, અમર્યાદિત વિરામ અને મફત સમયનો સમાવેશ થાય છે.
યુઝર મુજબ TCSમાં નોકરીના 8 લાભ
30 સપ્ટેમ્બર 2022 ના રોજ પૂરા થયેલા બીજા ક્વાર્ટરમાં કંપનીની સતત ચલણ આવક વૃદ્ધિ પ્રથમ ક્વાર્ટરમાં 3.5 ટકાની સામે 4 ટકા રહી છે. બીજા ક્વાર્ટરમાં કંપની પાસે 8.1 બિલિયન ડોલરના ઓર્ડર હતા જ્યારે તે જ વર્ષના પ્રથમ ક્વાર્ટરમાં કંપની પાસે 8.2 બિલિયન ડોલરના ઓર્ડર હતા.