Multibagger Stock: આ શેરે રોકાણકારોના રૂપિયા 1 લાખને 2.68 કરોડ બનાવ્યા, જાણો રોકાણકારોને કેટલું મળ્યું રિટર્ન

Multibagger Stock: શેરબજારમાં કમાણી કરવા માટે વૃદ્ધિનો સારો અવકાશ ધરાવતો શેર શોધવો અને તેમાં યોગ્ય સમયે રોકાણ અને વેચાણ મહત્વનું છે. શેરબજારમાં પૈસા કમાવવાની આ ચાવી છે. જેઓ આ વ્યૂહરચનામાં વિશ્વાસ રાખે છે તેમના માટે HDFC બેંક(HDFC BANK)નો સ્ટોક એક ઉત્તમ ઉદાહરણ છે. આ બેકિંગ સ્ટોક 1 જાન્યુઆરી 1999ના રોજ NSE પર રૂ. 5.52 પર નોંધાયો હતો. 31 ડિસેમ્બર, 2021ના રોજ તેનો બંધ ભાવ રૂ. 1481. 23 છે જે મુજબ શેરમાં 268 ગણો વધારો જોવા મળ્યો છે.

HDFC બેંકના શેરની પ્રાઇસ હિસ્ટ્રી

જો તમે એચડીએફસી બેંકના શેરના ભાવ ઇતિહાસ પર નજર નાખો તો આ બેંકિંગ શેર છેલ્લા 6 મહિનાથી વેચવાલીના દબાણ હેઠળ છે. છેલ્લા એક મહિનામાં શેરમાં 1.50 ટકાનો ઘટાડો જોવા મળ્યો છે. જ્યારે છેલ્લા 1 વર્ષમાં તે માત્ર 4 ટકાનો વધારો દર્શાવવામાં સફળ રહ્યો છે.

5 વર્ષમાં શેરની કિંમત બમણી

છેલ્લા 5 વર્ષમાં આ સ્ટોક રૂપિયા 596 થી વધીને રૂપિયા 1481 થઇ છે. આ સમયગાળા દરમિયાન શેરમાં લગભગ 150 ટકાનો વધારો જોવા મળ્યો છે. એ જ રીતે એચડીએફસી બેંકનો શેર છેલ્લા 10 વર્ષમાં આશરે રૂ. 215 થી થી વધીને રૂ 1481 થયો છે. આ સ્ટૉક આ સમયગાળા દરમિયાન 7 ગણો ઉછળ્યો છે. એ જ રીતે છેલ્લા 20 વર્ષમાં શેર રૂ. 22 થી રૂ. 1481 સુધી 67 ગણો ઊછળ્યો છે. છેલ્લા 23 વર્ષોમાં શેર રૂ. 5.52 થી વધીને રૂ. 1481 થયો છે. આ સમયગાળા દરમિયાન તેણે તેના શેરધારકોને 26,725 ટકા રિટર્ન આપ્યું છે.

રોકાણકારોના 1 લાખ રૂપિયા 2.68 કરોડ થયા

જે રોકાણકારે 5 વર્ષ પહેલા એચડીએફસી બેંકમાં 1 લાખ રૂપિયાનું રોકાણ કર્યું હશે તો આજે તેને 2.5 લાખ રૂપિયા મળી રહ્યા હશે. બીજી તરફ જો કોઈએ 10 વર્ષ પહેલા આ સ્ટૉકમાં 1 લાખ રૂપિયાનું રોકાણ કર્યું હોય તો તેને આજે 7 લાખ રૂપિયા મળશે. તેવી જ રીતે જો કોઈએ 20 વર્ષ પહેલાં આ સ્ટોકમાં રૂ. 1 લાખનું રોકાણ કર્યું હોય તો આજે તેને રૂ. 67 લાખ મળશે.જો કોઈ વ્યક્તિએ 23 વર્ષ પહેલાં એચડીએફસી બેંકમાં 5.52 રૂપિયા પ્રતિ શેરના ભાવે 1 લાખ રૂપિયાનું રોકાણ કર્યું હોય અને તે અત્યાર સુધી આ સ્ટૉકમાં જ રહ્યા હોય તો તેને આજે રૂપિયા 2.68 કરોડ મળશે.

નોંધ : શેરમાં રોકાણ શેરબજારના જોખમને આધીન છે. અહેવાલનો હેતુ માત્ર તમારા સુધી માહિતી પહોંચાડવાનો છે. રોકાણ દ્વારા નફા કે નુકસાન સાથે અહેવાલનો કોઈ સંબંધ રહેશે નહિ. કૃપા કરી રોકાણ પહેલા તમારા આર્થિક સલાહકારની મદદ અવશ્ય લેવી.

આ પણ વાંચો : ITR : શું 31 ડિસેમ્બરની ડેડલાઇન ચુકી ગયા છો? જાણો હવે શું કરવું પડશે

આ પણ વાંચો : Sensex ની Top-10 કંપનીઓમાંથી 9 ની માર્કેટ કેપમાં રૂપિયા 1.11 લાખ કરોડનો વધારો થયો, ટ્રેન્ડથી વિપરીત RIL ને 2700 કરોડનું નુકસાન