આ કંપનીઓના શેરનું ડિવિડન્ડ જોઈને તમે ભૂલી જશો રિટર્ન, તેને કહેવામાં આવે છે માર્કેટના ‘હીરો સ્ટોક’

આજે 2023 નું વર્ષ પૂરું થવાનું છે, જેને હવે ગણતરીના કલાકો જ બાકી છે. આ વર્ષે હવે કોઈ ટ્રેડ થશે નહીં. હવે આગામી ટ્રેડિંગ 2024 ના વર્ષમાં થશે. 2023માં અનેક રોકાણકારોએ કમાણી કરી છે. કઈ કંપનીના શેરે રોકાણકારોને સૌથી વધારે વળતર આપ્યું છે? આ વર્ષે કઈ કંપનીના શેરે જબરદસ્ત કમાણી કરી છે? આ બાબતે ઘણા લેખમાં તેના વિશે જણાવ્યું છે. આજે આપણે એવા કેટલાક શેર વિશે જાણીશું જેણે આ વર્ષે સૌથી વધારે ડિવિડન્ડ આપ્યું છે. ઘણા રોકાણકારો આ શેર્સને ‘હીરો સ્ટોક’ પણ કહે છે.

અહીં જુઓ આ શેર્સનું લિસ્ટ

• કોલ ઈન્ડિયાએ 2023માં 6.54 ટકા એટલે કે 24.50 રૂપિયાનું ડિવિડન્ડ આપ્યું છે.
• ભારત પેટ્રોલિયમ કોર્પોરેશન લિમિટેડ એટલે કે BPCL એ વર્ષ 2023માં 5.56 ટકા એટલે કે કુલ 25 રૂપિયાનું ડિવિડન્ડ આપ્યું છે.
• ઓઈલ એન્ડ નેચરલ ગેસ કોર્પોરેશન લિમિટેડ ONGC એ 2023 માં 5.10 ટકા એટલે કે 10.25 રૂપિયાનું ડિવિડન્ડ આપ્યું છે.
• પાવર ગ્રીડ કોર્પોરેશન ઓફ ઈન્ડિયા લિમિટેડ, એક ‘મહારત્ન’ કંપનીએ 2023માં 5.79 ટકા એટલે કે 13.75 રૂપિયાનું ડિવિડન્ડ આપ્યું છે.
• ઓઈલ ઈન્ડિયા લિમિટેડે આ વર્ષે 5.10 ટકા એટલે કે 19 રૂપિયાનું ડિવિડન્ડ આપ્યું છે.
• મુખ્ય વીજળી કંપની PTC ઈન્ડિયાએ 2023માં 4.10 ટકા એટલે કે 7.80 રૂપિયાનું ડિવિડન્ડ આપ્યું છે.

આ પણ વાંચો : જો તમે IPO ભરો છો તો નવા વર્ષમાં વધારે રૂપિયા તૈયાર રાખજો, દર અઠવાડિયે આવશે 1 કંપનીનો આપીઓ!

• ભારતીય તેલ અને ગેસ કંપની પેટ્રોનેટ એલએનજીએ 2023માં 10 રૂપિયાનું ડિવિડન્ડ આપ્યું છે.
• ગુજરાત સ્ટેટ ફર્ટિલાઇઝર્સ એન્ડ કેમિકલ્સના શેરે 2023માં 4.14 ટકા એટલે કે 10 રૂપિયાનું ડિવિડન્ડ આપ્યું છે.
• નેશનલ એલ્યુમિનિયમ કંપનીએ 2023માં 5.50 રૂપિયાનું ડિવિડન્ડ આપ્યું છે.
• REC લિમિટેડ, જે અગાઉ રૂરલ ઈલેક્ટ્રિફિકેશન કોર્પોરેશન લિમિટેડ હતું, તેણે આ વર્ષે 14.10 રૂપિયાનું ડિવિડન્ડ રોકાણકારોને આપ્યું છે, તેનું ડિવિડન્ડ યીલ્ડ 3.4 ટકા છે.

બિઝનેસ સહિતના સમાચાર વાંચવા અહીં ક્લિક કરો