રિઝોલ્યુશનની મંજૂરી બાદ જેટ એરવેઝનો શેર જેટ ગતિએ વૃદ્ધિ કરતા ૮ દિવસમાં ૪૭ ટકા વધ્યો

રિઝોલ્યુશન પ્લાનને મંજૂરી મળ્યા બાદ બીએસઈમાં જેટ એરવેઝનો શેર પણ જેટ ગતિએ ઉપર ઉઠ્યો હતો.  જેટ એરવેઝના શેરમાં સતત ૮ દિવસ વૃદ્ધિ દેખાઈ છે. આ સમયગાળામાં  શેરમાં 47% નો વધારો થયો છે.

17 ઓક્ટોબરે  રિઝોલ્યુશનને ઠરાવ દ્વારા મંજૂરી મળી છે જે અંતર્ગત લંડનની કાલરોક કેપિટલ અને યુએઈના રોકાણકાર મુરારી લાલ જાલાન કંપનીના નવા માલિકો હશે. આજે શેરબજારમાં જેટ એરવેઝનો શેર પ્રારંભિક સત્રમાં ૪૪.૩૦ રૂપિયાના ભાવે ટ્રેડ કરી રહ્યો છે.

જેટ એરવેઝ કંપની મૂડીની તંગીનો સામનો કરી રહી છે. હાલત બગડતા 17 એપ્રિલ 2019થી તેની બધી ફ્લાઇટ્સ બંધ કરવી પડી હતી. જેટ એરવેઝની ધિરાણ સમિતિની ક્રેડિટર્સએ નાદારી અને નાદારી કોડ ની કલમ 30 (4) હેઠળ કંપની માટે  રિઝોલ્યુશન યોજનાને મંજૂરી આપી યુકેની કંપની કાલરોક કેપિટલ અને યુએઈના ઉદ્યોગપતિ મુરારી લાલ જલાન કન્સોર્ટિયમની  બોલીઓને મંજૂરી આપવામાં આવી હતી. વાર્ષિક દર મુજબ આ વર્ષે જેટ એરવેઝના શેરમાં વધારો થયો છે.   વર્ષની વાત કરીએ તો અત્યાર સુધી જેટ એરવેઝના શેર 45 ટકાની તેજી આવી ચુકી છે.