Adani Group આ કંપનીમાં ખરીદી શકે છે હિસ્સેદારી ! શેર બની ગયો રોકેટ, એક દિવસમાં 20 નો નોંધાયો ઉછાળો
ITD Cementation India share Price:ITD સિમેન્ટેશન ઇન્ડિયાના શેરમાં આજે 20 સપ્ટેમ્બરે 20 ટકાથી વધુનો મોટો ઉછાળો જોવા મળ્યો હતો. ઉદ્યોગપતિ ગૌતમ અદાણીની આગેવાની હેઠળના અદાણી જૂથ આ કંપનીનો 46.64% હિસ્સો ખરીદવાની યોજના બનાવી રહ્યું છે તેવા સમાચાર પછી આ વધારો થયો છે.
ITD Cementation India share Price: ITD સિમેન્ટેશન ઇન્ડિયાના શેરમાં આજે 20 સપ્ટેમ્બરે 20 ટકાથી વધુનો મોટો ઉછાળો જોવા મળ્યો હતો. ઉદ્યોગપતિ ગૌતમ અદાણીની આગેવાની હેઠળનું અદાણી જૂથ આ(Adani Group) કંપનીમાં 46.64% હિસ્સો ખરીદવાની યોજના બનાવી રહ્યું છે તેવા સમાચાર પછી આ વધારો થયો છે. આ હિસ્સો કંપનીના પ્રમોટર પાસેથી ખરીદવામાં આવશે. આઇટીડી સિમેન્ટેશનનો શેર નેશનલ સ્ટોક એક્સચેન્જ (NSE) પર રૂ. 555 પર પહોંચ્યો હતો. અદાણી એન્ટરપ્રાઈઝના શેર પણ 1.7%ના વધારા સાથે રૂ. 2,977.45 પર ટ્રેડ થઈ રહ્યા હતા.
સુત્રોના હવાલાથી આ સમાચાર પ્રાપ્ત થયા છે કે આ ડીલ લગભગ રૂ. 5,888.57 કરોડની હોઈ શકે છે. ઉપરાંત, હિસ્સો ખરીદ્યા પછી, અદાણી જૂથ કંપનીના લઘુમતી શેરધારકો માટે ઓપન ઓફર પણ કરી શકે છે. આ એક્વિઝિશનનો મુખ્ય ઉદ્દેશ્ય અદાણી ગ્રુપની સિવિલ એન્જિનિયરિંગ ક્ષમતાઓને મજબૂત કરવાનો છે. અહેવાલમાં એમ પણ કહેવામાં આવ્યું છે કે બંને પક્ષો આ અઠવાડિયાની શરૂઆતમાં સમજૂતી પર પહોંચી ગયા છે, અને ટૂંક સમયમાં આ સોદાની ઔપચારિક જાહેરાત થઈ શકે છે.
ITD સિમેન્ટેશનની વર્તમાન બજાર મૂડી રૂ. 8,097 કરોડ છે, જ્યારે અદાણી એન્ટરપ્રાઇઝિસનું કુલ બજાર મૂલ્ય રૂ. 3.3 લાખ કરોડથી વધુ છે.
જૂન ક્વાર્ટર સુધીના ડેટા અનુસાર, ITD સિમેન્ટેશનના પ્રમોટર, ઇટાલિયન-થાઇ ડેવલપમેન્ટ પબ્લિક કંપની, 46.64% હિસ્સો ધરાવે છે. કંપનીએ જુલાઈમાં સ્ટોક એક્સચેન્જોને મોકલેલા સંદેશાવ્યવહારમાં જણાવ્યું હતું કે "ITD સિમેન્ટેશનના પ્રમોટર શેરધારકો તેમનો હિસ્સો વેચવાનું વિચારી રહ્યા છે."
જો પ્રમોટરો હિસ્સો વેચવાનું નક્કી કરે છે, તો કંપનીના વધારાના 26% શેર માટે ઓપન ઓફર પણ કરવામાં આવશે. ITD સિમેન્ટેશનની આવક મુખ્યત્વે દરિયાઈ માળખાં અને એન્જિનિયરિંગ પ્રોજેક્ટ્સમાંથી આવે છે. જેમાં દિલ્હી અને કોલકાતા મેટ્રો સિસ્ટમ જેવા પ્રોજેક્ટનો સમાવેશ થાય છે.
આ સમાચાર લખાઇ રહ્યા છે ત્યારે ITD સિમેન્ટેશન ઈન્ડિયાના શેરમાં 20 ટકાનો વધારા સાથે રૂ. 566 પર ટ્રેડ થઈ રહ્યા હતા. આ વર્ષની શરૂઆતથી કંપનીના શેરમાં લગભગ 89.68 ટકાનો વધારો થયો છે. છેલ્લા એક વર્ષમાં, તેણે તેના રોકાણકારોને 150 ટકાથી વધુનું મલ્ટિબેગર વળતર આપ્યું છે.