Petrol-Diesel Price Today : ઇંધણના સતત વધતા ભાવ આમ આદમીની કમર તોડી રહ્યા છે, જાણો આજે કેટલું મોંઘુ થયું પેટ્રોલ – ડીઝલ

Petrol-Diesel Price Today : ભારતમાં પેટ્રોલ અને ડીઝલના ભાવ દરરોજ નવા રેકોર્ડ બનાવી રહ્યા છે. પહેલી નવેમ્બરે દિલ્હીમાં પેટ્રોલની કિંમત પહેલીવાર વધીને 110 રૂપિયા પ્રતિ લિટરની નજીક પહોંચી ગઈ છે તો મુંબઈમાં એક લિટર પેટ્રોલની કિંમત હવે 115 રૂપિયાને પાર કરી ગઈ છે. નિષ્ણાતોનું કહેવું છે કે જો સરકાર કોઈ મોટું પગલું નહીં ભરે તો ટૂંક સમયમાં પેટ્રોલની કિંમત 120 રૂપિયા પ્રતિ લિટરને પાર કરી શકે છે. જોકે, ક્રૂડ ઓઈલ ઉત્પાદક સંસ્થા OPEC+ની બેઠક આ અઠવાડિયે મળવા જઈ રહી છે. આ બેઠકમાં ઉત્પાદન વધારવાનો નિર્ણય લેવામાં આવી શકે છે. જો આમ થશે તો ભાવ નીચે આવશે. જેથી ભારત જેવા દેશોને તેનો લાભ મળશે. કારણ કે ભારત તેના 80 ટકા ક્રૂડ ઓઈલ વિદેશમાંથી ખરીદે છે.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ રૂ. 109.69 અને ડીઝલ રૂ. 98.42 પ્રતિ લીટર
• મુંબઈમાં પેટ્રોલ રૂ. 115.50 અને ડીઝલ રૂ. 106.62 પ્રતિ લીટર
• ચેન્નાઈ પેટ્રોલ રૂ. 106.35 અને ડીઝલ રૂ. 102.59 પ્રતિ લીટર
• કોલકાતા પેટ્રોલ રૂ. 110.15 અને ડીઝલ રૂ. 101.56 પ્રતિ લીટર

ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 106.53 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 106.33 રૂપિયા પ્રતિ લીટર છે. દેશમાં સૌથી મોંઘુ ઇંધણ રાજસ્થાન શ્રીગંગાનગર માંછે જ્યાં પેટ્રોલ 122.32 રૂપિયા પ્રતિ લીટર અને ડીઝલ 113.21 રૂપિયા પ્રતિ લીટર વેચાઈ રહ્યું છે.

ગુજરાતના ચાર મહાનગરોમાં પેટ્રોલ – ડીઝલના લેટેસ્ટ રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.

આ પણ વાંચો :  Railway New Time Table: આજથી રેલવેનું બદલાયું ટાઈમટેબલ, સફર પહેલા ધ્યાનમાં રાખજો આ ફેરફાર

આ પણ વાંચો : IPO : Policybazaar સહીત 3 કંપનીઓ લાવી છે કમાણીની તક, 3 નવેમ્બર સુધી સબ્સ્ક્રિપશન માટે ખુલ્લા રહેશે IPO