Petrol Diesel Price Today : સતત વધી રહ્યા છે ક્રૂડના ભાવ!!! શું પેટ્રોલ – ડીઝલ મોંઘા થશે? જાણો આજના લેટેસ્ટ રેટ

ક્રૂડ ઓઈલ(Crude Oil)ના ભાવમાં સતત વધારો થઈ રહ્યો છે જેના કારણે સ્થાનિક ઓઈલ કંપનીઓ પર પણ દબાણ વધ્યું છે. જો કે રાહતની વાત એ છે કે કાચા તેલમાં થયેલા વધારાની અસર હાલ પેટ્રોલ અને ડીઝલના ભાવમાં જોવા મળી રહી નથી. ઓઈલ માર્કેટિંગ કંપનીઓએ આજે ગુરુવાર 28 જુલાઈ માટે પેટ્રોલ અને ડીઝલના નવા ભાવ (Petrol Diesel Price Today) જાહેર કર્યા જેમાં પેટ્રોલ અને ડીઝલના ભાવમાં કોઈ ફેરફાર થયો નથી. મુંબઈ સિવાય દેશમાં પેટ્રોલ અને ડીઝલના ભાવમાં બે મહિનાથી વધુ સમયથી કોઈ ફેરફાર થયો નથી. આ જ મહિનામાં મુંબઈમાં તેલની કિંમતો પર ટેક્સમાં ઘટાડો કરવામાં આવ્યો હતો. રાજધાની દિલ્હીમાં પેટ્રોલની કિંમત 96.72 રૂપિયા પ્રતિ લીટર છે.

ક્રૂડ ઓઈલના ભાવમાં વધારો

ક્રૂડ ઓઈલના સપ્લાય પર અસર થવાની આશંકાને કારણે ક્રૂડ ઓઈલના ભાવમાં વધારો જોવા મળી રહ્યો છે. બુધવારે ટ્રેડિંગ દરમિયાન બ્રેન્ટ ક્રૂડ પ્રતિ બેરલ 106 ડોલરની ઉપર પહોંચી ગયું હતું. ડબ્લ્યુટીઆઈ ક્રૂડમાં પણ વધારો નોંધાયો હતો અને કિંમત બેરલ દીઠ 97 ડોલરથી 2 ટકાથી વધુ વધી હતી. ભારતના ક્રૂડ બાસ્કેટ પર બ્રેન્ટ ક્રૂડના ભાવની અસર દેખાઈ રહી છે. છેલ્લા કેટલાક સમયથી કાચા તેલમાં તેજીનો ટ્રેન્ડ જોવા મળી રહ્યો છે. અને બ્રેન્ટ સતત બેરલ દીઠ 100 ડોલરના સ્તરથી ઉપર છે. જો નિષ્ણાતોનું માનીએ તો ક્રૂડ ઓઈલના પુરવઠાની ચિંતા ક્રૂડના ભાવમાં વધારો કરી રહી છે જ્યારે મંદીનો ભય ભાવમાં ઘટાડો લાવી શકે છે.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર
• મુંબઈમાં પેટ્રોલ રૂ. 106.35 અને ડીઝલ રૂ. 94.28 પ્રતિ લીટર
• ચેન્નાઈ પેટ્રોલ રૂ. 102.63 અને ડીઝલ રૂ. 94.24 પ્રતિ લીટર
• કોલકાતા પેટ્રોલ રૂ. 106.03 અને ડીઝલ રૂ. 92.76 પ્રતિ લીટર

ગુજરાતમાં (Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.

ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.