Nykaa IPO : આજથી ખુલ્યો ઓનલાઇન ફેશન બ્રાન્ડનો આઈપીઓ, એક શેરની કિંમત રૂ 1125 , રોકાણ પહેલા જાણો કંપની વિશે વિગતવાર

જો તમે પ્રારંભિક પબ્લિક ઓફર (IPO) થી પૈસા કમાવવાનું વિચારી રહ્યા છો તો તમારા માટે એક મોટી તક આવી છે જ્યાં તમને કરોડોની કમાણી કરતી કંપનીમાં રોકાણ કરવાની તક મળશે. અમે બ્યુટી અને પર્સનલ કેર પ્રોડક્ટ્સની લોકપ્રિય ઓનલાઈન બ્રાન્ડ Nykaa વિશે વાત કરી રહ્યા છીએ. તમને જણાવી દઈએ કે Nykaa ઇપો આજે 28 ઓક્ટોબરે ખુલ્યો છે. FSN E-Commerce Ventures એ Nykaa ની માલિકી ધરાવે છે. આ ઈસ્યુમાંથી 5,352 કરોડ રૂપિયા એકત્ર કરવાની કંપની તૈયારી કરી રહી છે. તેની બે બ્રાન્ડ Nykaa અને Nykaa Fashion છે.

Nykaa 2012 માં લોન્ચ કરવામાં આવી હતી. તે દેશની સૌથી અલગ સ્ટાર્ટઅપ કંપની હતી. તેમાં પ્રારંભિક ભંડોળ ખાનગી ઇક્વિટી ફર્મ TPG તરફથી છે. કંપનીની શરૂઆત ઇન્વેસ્ટમેન્ટ બેન્કર ફાલ્ગુની નાયરે કરી હતી. રસપ્રદ વાત એ છે કે, Nykaa એ દેશના કેટલાક ઓનલાઈન રિટેલર્સમાંની એક છે જે નફામાં ચાલી રહી છે.

Nykaa IPO Details
IPO Opening Date                 Oct 28, 2021
IPO Closing Date                   Nov 1, 2021
Issue Type                              Book Built Issue IPO
Face Value                              ₹1 per equity share
IPO Price                                ₹1085 to ₹1125 per equity share
Market Lot                             12 Shares
Min Order Quantity             12 Shares

FSN E-Commerce Venturesનો જે બ્યુટી એન્ડ વેલનેસ પ્રોડક્ટ્સના ઓનલાઇન સેલર Nykaa નું સંચાલન કરે છે તેનો IPO આજે 28 ઓક્ટોબરથી 1 નવેમ્બર સુધી ખુલશે. કંપનીએ રૂ 1,085-1,125 ની પ્રાઇસ બેન્ડ નક્કી કરી છે. તે રૂ 630 કરોડના નવા શેર ઇશ્યૂ કરશે અને પ્રમોટરો અને વર્તમાન શેરધારકો વતી ચાર કરોડથી વધુ શેરની ઓફર ફોર સેલ (OFS) રહશે.

કંપનીને આ મહિનાની શરૂઆતમાં માર્કેટ રેગ્યુલેટર SEBI તરફથી IPO માટે પરવાનગી મળી હતી. IPO માંથી ઉભા થયેલા ભંડોળનો ઉપયોગ નવા રિટેલ સ્ટોર્સ અને વેરહાઉસ ખોલવા ઉપરાંત દેવું ઘટાડવા માટે કરવામાં આવશે.

કંપની 9 વર્ષ પહેલા શરૂ થઈ હતી
Nykaa ની શરૂઆત નવ વર્ષ પહેલા ભૂતપૂર્વ ઇન્વેસ્ટમેન્ટ બેન્કર ફાલ્ગુની નાયર દ્વારા કરવામાં આવી હતી. ફાલ્ગુની ઉપરાંત તેના પ્રમોટર્સમાં સંજય નાયર, ફાલ્ગુની નાયર ફેમિલી ટ્રસ્ટ અને સંજય નાયર ફેમિલી ટ્રસ્ટનો સમાવેશ થાય છે.OFS માં હિસ્સો સંજય નાયર ફેમિલી ટ્રસ્ટ અને કેટલાક શેરધારકો વતી વેચવામાં આવશે. ગત નાણાકીય વર્ષમાં કંપનીની આવક વધીને રૂ 2,441 કરોડ થઈ હતી અને તેણે રૂ 61.9 કરોડનો નફો કર્યો હતો.

માર્ચના અંત સુધીમાં કંપનીની મોબાઈલ એપ્સ લગભગ 4.37 કરોડ ડાઉનલોડ થઈ ગઈ હતી. મોબાઈલ એપ ખરીદી તેના ઓનલાઈન ગ્રોસ મર્ચેન્ડાઈઝ વેલ્યુના 86 ટકાથી વધુ હિસ્સો ધરાવે છે. કોટક મહિન્દ્રા કેપિટલ કંપની, મોર્ગન સ્ટેન્લી, બોફા સિક્યોરિટીઝ, સિટીગ્રુપ ગ્લોબલ માર્કેટ્સ, જેએમ ફાઇનાન્શિયલ અને ICICI સિક્યોરિટીઝ IPO માટે મર્ચન્ટ બેન્કર્સ છે. કંપનીના શેર 11 નવેમ્બરે સ્ટોક એક્સચેન્જમાં લિસ્ટ થઈ શકે છે.

આ પણ વાંચો : સસ્તી વિદેશી ચાએ વધારી દેશી ચાના બગીચાના માલિકોની મુશ્કેલી, આયાતી ચા માટે લઘુત્તમ ભાવની માંગ

આ પણ વાંચો : Upcoming IPO : 7 કંપનીઓ 28000 કરોડ એકત્રિત કરવા IPO લાવશે, જાણો વિગતવાર