વર્ષના અંત સુધીમાં સેન્સેક્સ 75000 ને સ્પર્શી શકે છે : Morgan Stanley
TV9 GUJARATI | Edited By: Ankit Modi
Mar 11, 2022 | 6:40 AM
એક સંશોધન મુજબ તાજેતરના સમયમાં કાચા માલના ભાવમાં ભારે વધારો થયો હોવા છતાં કંપનીઓનો નફો સારો રહેશે અને તે વાર્ષિક 22 ટકાના દરે વધવાની ધારણા છે. રિસર્ચ રિપોર્ટ અનુસાર દેશમાં કોરોના મહામારીના આગમન બાદ રોકાણકારો માટે ખરીદીની તકો વધી છે.
Follow us on
મોર્ગન સ્ટેનલી(Morgan Stanley) માને છે કે બોમ્બે સ્ટોક એક્સચેન્જ(Bombay Stock Exchange)નો મુખ્ય ઇન્ડેક્સ સેન્સેક્સ(Sensex) આ વર્ષના અંત સુધીમાં 75,000ના આંકડાને સ્પર્શી શકે છે. મોર્ગન સ્ટેનલીના ઇકવીટી સ્ટ્રેટેજીસ્ટ રિધમ દેસાઇ માને છે કે જો બજાર માટે બધુ બરાબર રહ્યું તો વર્ષના અંત સુધીમાં સેન્સેક્સ 75,000 (Sensex @ 75000)ના જાદુઈ આંકડા સુધી પહોંચી શકે છે. જે હાલના સેન્સેક્સના બંધ સ્તર કરતાં 37 ટકા કરતા વધુ છે.મોર્ગન સ્ટેનલીના ઇકવીટી સ્ટ્રેટેજીસ્ટ રિધમ દેસાઇના જણાવ્યા અનુસાર તેઓ આ અંદાજ સાચો પડવાની 30 ટકા શક્યતા જુએ છે. સાથે જ તેમણે આવું કેમ થઈ શકે તેના કેટલાક કારણો પણ આપ્યા છે.
સેન્સેક્સમાં જબરદસ્ત તેજી આવવાના અનુમાન પાછળના મુખ્ય કારણ
- જો ભારત global bond indices માં જોડાય છે તો આગામી 12 મહિનામાં દેશમાં 20 અરબ ડોલરનું રોકાણ ભારતમાં આવી શકે છે.
- દેશમાં ફરી જો કોરોના જેવો વૈશ્વિક રોગચાળો દસ્તક ન દે તો અર્થતંત્ર મજબૂત રહેશે
- તાજેતરના સમયમાં ક્રૂડ ઓઈલના ભાવમાં જે વધારો થયો છે તે ભાવ માં ધટાડો થાય તો સમય સારો રહેશે
- વર્ષ 2022-24ની વચ્ચે કંપનીઓની કમાણીમાં વાર્ષિક 25 ટકા ના દરે વધારો થઇ શકે છે.
બેઝ કેસ નું માનવું છે કે સેન્સેક્સ 62,000ના આંકડાને સ્પર્શે તેવી 50 ટકા શક્યતા છે. જે વર્તમાન સ્તરથી 16 ટકાનો ઉછાળો ગણાશે . જોકે વેચવાલીનું સ્તર વધે તો સેન્સેક્સ ઘટીને 45,000 સુધી પણ પહોંચી શકે છે.
એક સંશોધન મુજબ તાજેતરના સમયમાં કાચા માલના ભાવમાં ભારે વધારો થયો હોવા છતાં કંપનીઓનો નફો સારો રહેશે અને તે વાર્ષિક 22 ટકાના દરે વધવાની ધારણા છે. રિસર્ચ રિપોર્ટ અનુસાર દેશમાં કોરોના મહામારીના આગમન બાદ રોકાણકારો માટે ખરીદીની તકો વધી છે. બજાર ટૂંક સમયમાં તેનું પોતાનું ફ્લોર લેવલ શોધી લેશે. જો કે વૈશ્વિક પરિબળો સિવાય સ્થાનિક વ્યાજ દરોમાં થયેલા વધારાને પણ અસ્થિરતાના મુખ્ય કારણ તરીકે રિપોર્ટમાં દર્શાવવામાં આવ્યું છે. જોકે ભારતીય બજારોએ અન્ય બજારો કરતાં વધુ પ્રતિબદ્ધતા દર્શાવી છે.
સંશોધન અહેવાલ દર્શાવે છે કે ભારતીય બજારો બાકીના ઊભરતાં બજારો કરતાં વધુ પ્રતિબદ્ધ છે. મોર્ગન સ્ટેન્લી અશોક લેલેન્ડ, નાયકા, મારુતિ સુઝુકી, મધરસન સુમી, ટાટા કન્ઝ્યુમર્સ, રિલાયન્સ ઈન્ડસ્ટ્રીઝ, એક્સિસ બેંક, ડીએલએફ, એચડીએફસી બેંક, એસબીઆઈ, એસબીઆઈ કાર્ડ્સ, ઈન્ફોસીસ, ઈન્ડિગો, ટેક મહિન્દ્રા સહિતના ઘણા શેરો પર હકારાત્મક દૃષ્ટિકોણ ધરાવે છે.
