મહારાષ્ટ્ર સરકારે (Government of Maharashtra) ઈમ્પોર્ટેડ અથવા આયાતી સ્કોચ વ્હિસ્કી (Imported Scotch whiskey) પરની એક્સાઈઝ ડ્યુટીના (Excise Duty On Liquor) દરમાં 50 ટકાનો ઘટાડો કર્યો છે. આ સાથે રાજ્યમાં તેની કિંમત અન્ય રાજ્યોની સમકક્ષ હશે. એક વરિષ્ઠ અધિકારીએ શુક્રવારે આ જાણકારી આપી. અધિકારીએ જણાવ્યું હતું કે, “સ્કોચ વ્હિસ્કી પરની જકાત ઉત્પાદન ખર્ચના 300થી ઘટાડીને 150 ટકા કરવામાં આવી છે.”
અધિકારીએ જણાવ્યું કે ગુરુવારે આ સંબંધમાં એક નોટિફિકેશન બહાર પાડવામાં આવ્યું હતું. મહારાષ્ટ્ર સરકારને આયાતી સ્કોચના વેચાણ પર વાર્ષિક 100 કરોડ રૂપિયાની આવક થાય છે. અધિકારીએ જણાવ્યું કે આ ઘટાડાથી સરકારની આવક વધીને 250 કરોડ રૂપિયા થવાની ધારણા છે. કારણકે આ નિર્ણયથી વેચાણ એક લાખ બોટલથી વધીને 2.5 લાખ બોટલ થઈ જશે.
ડ્યુટીમાં ઘટાડો થવાને કારણે અન્ય રાજ્યોમાંથી સ્કોચની દાણચોરી અને નકલી દારૂના વેચાણ પર પણ અંકુશ આવશે. એક્સાઇઝ ડ્યુટીમાં ઘટાડાથી મહારાષ્ટ્રમાં આયાતી વ્હિસ્કીના ભાવમાં ઘટાડો થયો છે. તેનાથી રાજ્યની આવકમાં વધારો થશે. સમાચાર અનુસાર હાલમાં એક દિવસમાં 1 લાખ બોટલનું વેચાણ થાય છે, ડ્યૂટીમાં ઘટાડો થવાને કારણે બોટલનું વેચાણ 2.5 લાખ સુધી પહોંચી શકે છે.
જણાવી દઈએ કે મહારાષ્ટ્ર સહિત સમગ્ર દેશમાં સરકારોને દારૂમાંથી સૌથી વધુ આવક થાય છે. મહારાષ્ટ્રમાં આયાતી વ્હિસ્કીના ભાવમાં ઘટાડો કરવામાં આવ્યો છે. મહારાષ્ટ્ર સરકારે એક્સાઈઝ ડ્યુટીમાં 50 ટકાનો ઘટાડો કર્યો છે. આ કારણે વ્હિસ્કીના ભાવમાં ધરખમ ઘટાડો થયો છે. હવે મહારાષ્ટ્રના લોકો ઓછા ભાવે આયાતી સ્કોચ મેળવી શકશે.