Labour law 2021: 1 એપ્રિલથી આવી રહ્યો છે મોટો બદલાવ, કર્મચારીઓને શું લાભ મળશે? જાણો અહેવાલમાં

Labour law 2021: કર્મચારીઓ માટે સારા સમાચાર છે. નવા નાણાકીય વર્ષમાં કર્મચારીઓ માટે નવા નિયમો આવી રહ્યા છે. કેન્દ્ર સરકાર 1 એપ્રિલ 2021 થી કેટલાક શ્રમ કાયદાના નિયમોમાં મોટા ફેરફારો કરવા જઈ રહી છે તેનાથી કર્મચારીઓને સીધો ફાયદો થશે.

નવા નિયમો હેઠળ જો કર્મચારી નિર્ધારિત કલાકો કરતા 15 મિનિટથી વધુ કામ કરે છે, તો તે ઓવરટાઇમમાં ગણવામાં આવશે. આ માટે કર્મચારીઓને ઓટી પેમેન્ટ (Overtime Payment)કરવાનું રહેશે. કંપનીઓએ તેમના કર્મચારીઓને આપવામાં આવતી કંપની (CTC) ની કિંમત બદલવી પડશે. આનો અર્થ એ કે તમારા કુલ પગાર સ્ટ્રક્ચરની રચના બદલાઇ શકે છે.

પગારનું માળખું બદલાશે
નવા નિયમોમાં કંપનીએ કર્મચારીઓના બેઝિક સેલેરી કુલ સીટીસીનો 50 ટકા હિસ્સો રાખવો પડશે. નવા કાયદા હેઠળ કોઈપણ કર્મચારીનું ભથ્થું કુલ પગારના 50 ટકાથી વધુ રાખી શકાશે નહિ. આની અસર એ થશે કે કર્મચારીની ગ્રેચ્યુઇટીમાં વધારો સાથે એચઆરએ, બોનસ, પેન્શન અને પીએફ યોગદાનની સાથે, ઓવરટાઇમને પગારની બહાર રાખવામાં આવશે. આ બધા પરિવર્તનને કારણે 1 એપ્રિલથી કર્મચારીઓના પગાર માળખામાં મોટો ફેરફાર કરવામાં આવશે.

ત્રણ દિવસની રજા મળશે
નવા લેબર નિયમો હેઠળ જો કોઈ કર્મચારી 4 દિવસમાં 48 કલાક કામ કરે છે, તો તેને અઠવાડિયામાં 3 દિવસ રજા લેવાનો અધિકાર હશે. પરંતુ આ માટે કર્મચારીઓએ રોજિંદા કામના કલાકોમાં વધારો કરવો પડશે. પહેલાં તમે દિવસમાં 8 કલાક કામ કરતા હતા પછી તમારે 12 કલાક કામ કરવું પડશે. 48 કલાક 4 દિવસમાં પૂર્ણ થશે. વર્તમાન નિયમો હેઠળ કામના કલાક 8 છે.

15 મિનિટ વધારાનો સમય ઓવરટાઇમ કહેવાશે
નવા કાયદા અનુસાર, જો કોઈ કર્મચારી તેના નિર્ધારિત સમય કરતા 15 મિનિટ વધુ કામ કરે છે તો તે ઓવરટાઇમ તરીકે પણ માનવામાં આવશે. જો કે, હાલના નિયમો અનુસાર કર્મચારીને અડધો કલાક કરતા વધારે સમય કામ કરવા માટે ઓવરટાઇમ માનવામાં આવે છે પરંતુ હવે તે ઘટાડીને 15 મિનિટ કરવામાં આવી છે. આ કેસ સાથે સંકળાયેલા અધિકારીના જણાવ્યા મુજબ, આ પ્રક્રિયા આ મહિનાના અંત સુધીમાં પૂર્ણ થઈ જશે અને નિયમો લાગુ કરવાની પ્રક્રિયા શરૂ થઈ શકે છે.

કોન્ટ્રાકટ લેબરને લાભ અપાશે
નવા લેબર કાયદામાં ઓવરટાઇમ ને લઈ ફેરફારોનો સૌથી વધુ લાભ કોન્ટ્રાકટ લેબરને મળશે. હવે એવી જોગવાઈઓ કરવામાં આવી છે કે કોન્ટ્રાકટ પર કામ કરતા વ્યક્તિને પગાર કાપીને આપી ન શકાય. સરકાર, ટ્રેડ યુનિયન અને ઉદ્યોગ સાથેની બેઠકમાં ચર્ચા કર્યા પછી આ બાબતે સંમતિ થઈ છે કે કંપનીઓ જ તેમને પૂરો પગાર મળે તેની ખાતરી કરશે.