Jupiter Life Line Hospital IPO : 6 સપ્ટેમ્બરે કમાણીની તક મળશે, રોકાણ પહેલા જાણો યોજના વિશે સંપૂર્ણ માહિતી

Jupiter Life Line Hospital IPO : મલ્ટિસ્પેશિયાલિટી હોસ્પિટલ ચેઇન જ્યુપિટર લાઇફ લાઇન હોસ્પિટલ્સ(Jupiter Life Line Hospital))નું પ્રારંભિક શેર વેચાણ 6 સપ્ટેમ્બરે જાહેર સબસ્ક્રિપ્શન(IPO) માટે ખુલશે. રેડ હેરિંગ પ્રોસ્પેક્ટસ અનુસાર ત્રણ દિવસીય પ્રારંભિક જાહેર ભરણું (IPO) 8 સપ્ટેમ્બરે સમાપ્ત થશે.

એન્કર રોકાણકારો માટે બિડિંગ 5 સપ્ટેમ્બરે ખુલશે

Jupiter Life Line Hospital IPO  માટે એન્કર રોકાણકારો માટે બિડિંગ 5 સપ્ટેમ્બરે ખુલશે. IPOમાં રૂ. 542 કરોડના ઇક્વિટી શેરના ફ્રેશ ઇશ્યૂ અને પ્રમોટર ગ્રૂપ એન્ટિટી અને અન્ય શેરધારકો દ્વારા 44.5 લાખ ઇક્વિટી શેરના વેચાણ માટે ઓફર (OFS)નો સમાવેશ થાય છે. આ મહિનાની શરૂઆતમાં જ્યુપિટર હોસ્પિટલે IPO પહેલાના રાઉન્ડમાં સંસ્થાકીય રોકાણકારો પાસેથી રૂ. 123 કરોડ એકત્ર કર્યા હતા અને તે મુજબ ફ્રેશ ઇશ્યૂનું કદ ઘટાડવામાં આવ્યું હતું.

કંપનીની યોજના શું છે?

તાજા ઇશ્યુની આવકનો ઉપયોગ દેવું નિવૃત્ત કરવા માટે કરવામાં આવશે. આ ઉપરાંત ભંડોળનો ઉપયોગ સામાન્ય કોર્પોરેટ હેતુઓ માટે કરવામાં આવશે. ડિસેમ્બર 2022 સુધીમાં કુલ 1,194 બેડની ક્ષમતા સાથે “Jupiter Life Line Hospital” બ્રાન્ડ હેઠળ થાણે, પુણે અને ઇન્દોરમાં હોસ્પિટલ ચેઇન કાર્યરત છે. પશ્ચિમ ભારતના હેલ્થકેર માર્કેટ પર વ્યૂહાત્મક ધ્યાન કેન્દ્રિત કરતી જ્યુપિટર હોસ્પિટલ મહારાષ્ટ્રના ડોમ્બિવલીમાં મલ્ટિસ્પેશિયાલિટી હોસ્પિટલ વિકસાવવાની પ્રક્રિયામાં છે જે 500 થી વધુ બેડને સમાવવા માટે તૈયાર કરવામાં આવી રહી છે.

જાણો કંપની વિશે

દવા અને આરોગ્યસંભાળના ક્ષેત્રમાં 3 દાયકાથી વધુનો અનુભવ ધરાતા સંસ્થાપક, અધ્યક્ષ અને મેનેજિંગ ડિરેક્ટર ડૉ. અજય પી ઠક્કર અને ડૉ. અંકિત ઠક્કર, એક્ઝિક્યુટિવ ડિરેક્ટર અને ચીફ એક્ઝિક્યુટિવ ઑફિસરની આગેવાની હેઠળ કે જેઓ હેલ્થકેર ક્ષેત્રમાં એક દાયકાથી વધુનો અનુભવ ધરાવે છે. કંપનીએ 2007 માં થાણે, મહારાષ્ટ્રમાં એક હોસ્પિટલ સાથે કામગીરી શરૂ કરી હતી અને ભારતના પશ્ચિમી પ્રદેશોમાં કોર્પોરેટ ક્વાટર્નરી કેર હેલ્થકેર સર્વિસ પ્રોવાઈડર તરીકે 15 વર્ષથી વધુ સમયથી કાર્યરત છે.

Jupiter Life Line Hospitals IPO ની અગત્યની તારીખ

ડિસ્ક્લેમર : શેરબજારમાં રોકાણ આર્થિક જોખમને આધીન છે. રોકાણ પહેલા યોજના વિશે સંપૂર્ણ માહિતી મેળવી સલાહકારની મદદ સાથે રોકાણ કરવું જોઈએ.