વૈશ્વિક બજારો આજે નકરાત્મક મૂડમાં દેખાય છે જેના કારણે શરૂઆતમાં ઉછાળા સાથે કારોબાર શરૂ કરવા છતાં ભારતીય બજારોમાં પણ ઉતારચઢાવ રહ્યો હતો. અમરિકી બજારોના કારોબારી સત્રમાં ડાઓ જોંસ 1.44 ટકાની નબળાઈ સાથે 410.89 અંક ગગડી 28195.42 ના સ્તર પર બંધ થયો હતો.
નાસ્ડેક 192.67 અંક ઘટ્યો છે. નાસ્ડેકમાં 1.65 ટકાની નબળાઈ નોંધાઈ છે જેના કરને બજાર 11,478.88 ના સ્તર પર બંધ થયા છે. S & P 500 ઈન્ડેક્સ 56.89 અંક એટલે કે 1.63 ટકાના ઘટાડાની સાથે 3,426.92 ના સ્તર પર બંધ થયા છે.
અમેરિકાના બજારની હાલત નબળી રહી તો એશિયન બજાર પણ નરમાશનો સામનો કરવાની બચી શક્યા ન હતા. એશિયાઈ બજારોમાં આજે મંદ કારોબાર જોવાને મળી રહ્યો છે. જાપાનના બજાર નિક્કેઈ 74.64 અંક નીચે ગગડ્યું છે. બજાર 0.32 ટકા ઘટીને 23,596.૪૯ની સપાટીએ કારોબાર કર્યો છે. SGX નિફ્ટી 46.50 અંક ઘટાડાની સાથે 11,862.50 ના સ્તર પર પહોંચ્યો હતો. આજે સ્ટ્રેટ્સ ટાઇમ્સ 0.42 ટકા તૂટ્યો છે. નકરાત્મક ટ્રેન્ડ સામે હેંગ સેંગમાં 0.07 ટકાની નજીવી મજબૂતી પણ જોવા મળી હતી.
કોરિયાઈ બજાર કોસ્પી 0.86 ટકા ઘટી 2326.56 જ્યારે તાઇવાનના બજાર 0.29 ટકા ઘટીને કારોબાર કરી રહ્યા છે. શંધાઈ કંપોઝિટ 10.38 અંક મુજબ 0.31 ટકા ગગડીને 3304.73 ના સ્તર પર નોંધાયા હતા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો