High Return Stock : આ શેરે રોકાણકારોના 1 લાખ રૂપિયાને 3 મહિનામાં બનાવ્યા 15.98 લાખ, જાણો કંપની વિશે અહેવાલમાં
આ સ્ટોકે તેના શેરધારકોને માત્ર ત્રણ મહિનામાં આશરે 1,500 ટકા વળતર આપ્યું છે. 24 જૂન, 2021 ના રોજ આ શેર રૂ 21.49 થી વધીને રૂ 343.5 થયો છે. છેલ્લા ત્રણ મહિનામાં શેરએ 1,497.25% વળતર આપ્યું છે.
ભારતીય શેરબજાર(Share market) નવી રેકોર્ડ સપાટીએ પહોંચી ગયું છે. સેન્સેક્સ 60 હજારનો આંકડો પાર કરી ગયું છે. આ સાથે એવા ઘણા શેર(High Return Stock) છે જેણે તેમના શેરધારકોને મલ્ટિબેગર રિટર્ન (Multibagger stock) આપ્યું છે. આજે આપણે એવા સ્ટોક વિશે વાત કરી રહ્યા છે જેને સેંકડો ટકા રિટર્ન આપ્યું છે. આ અહેવાલમાં અમે કોન્ટિનેન્ટલ કેમિકલ્સ(Continental Chemicals stock )ના સ્ટોક વિશે વાત કરી રહ્યા છીએ જેને રોકાણકારોને ટૂંક સમયમાં માલામાલ બનાવ્યા છે.
આ સ્ટોકે તેના શેરધારકોને માત્ર ત્રણ મહિનામાં આશરે 1,500 ટકા વળતર આપ્યું છે. 24 જૂન, 2021 ના રોજ આ શેર રૂ 21.49 થી વધીને રૂ 343.5 થયો છે. છેલ્લા ત્રણ મહિનામાં શેરએ 1,497.25% વળતર આપ્યું છે.
રોકાણકારો બન્યા માલામાલ
કોન્ટિનેન્ટલ કેમિકલ્સ સ્ટોક પ્રાઇસના રેકોર્ડ મુજબ ત્રણ મહિના પહેલા આ સ્ટોકમાં રૂ 1 લાખનું રોકાણ કર્યું હતું એટલે કે આ વર્ષે 24 જૂને રોકાણ કરનારના રોકાણનું રિટર્ન આજે રૂ 15.98 લાખ થઇ ગયું હશે. કોન્ટિનેન્ટલ કેમિકલ્સનો શેર BSE પર તેના અગાઉના બંધ કરતા 5% ની વૃદ્ધિ સાથે રૂ 343.25 ની ઓલ ટાઈમ હાઈ સપાટીએ બંધ રહ્યો હતો. ટ્રેડિંગ સેશન દરમિયાન આ સ્ટોક 5% ની અપરસર્કિટ પર રહ્યો હતો. છેલ્લા 21 દિવસમાં શેર 177.94% વધ્યો છે. શુક્રવારે BSE પર શેર 4.99% ના વધારા સાથે 343.25 રૂપિયા પર બંધ થયો હતો.
એક મહિનામાં 164% નો વધારો
કોન્ટિનેન્ટલ કેમિકલ્સનો હિસ્સો 5 દિવસ, 20 દિવસ, 50 દિવસ, 100 દિવસ અને 200 દિવસની મૂવિંગ એવરેજ કરતા વધારે છે. આ વર્ષની શરૂઆતથી શેર 1,706.58% વધ્યો છે. એક મહિનામાં 164% નો વધારો થયો છે. ફર્મનું માર્કેટ કેપ વધીને રૂ 77.20 કરોડ થયું છે. 9 માર્ચ 2021 ના રોજ સ્ટોક 12.50 રૂપિયાની 52 સપ્તાહની નીચી સપાટીએ પહોંચી ગયો હતો. નોંધનીય છે કે આ સ્ટોક NSE પર લિસ્ટેડ નથી.
જાણો કંપનીનો વ્યવસાય શું છે?
નોઇડા સ્થિત કંપનીએ તેના Q1 ના ચોખ્ખા નફામાં 2000% નો વધારો કરીને 0.03 કરોડ રૂપિયા નોંધાવ્યા છે. જૂન 2020 ક્વાર્ટરમાં ચોખ્ખો નફો 0.01 કરોડ રૂપિયા રહ્યો હતો. ચાલુ નાણાકીય વર્ષના પ્રથમ ક્વાર્ટરમાં વેચાણ 140% વધીને રૂ 0.12 કરોડ થયું છે જે અગાઉના નાણાકીય વર્ષના સમાન ગાળામાં રૂ 0.05 કરોડ હતું. કોન્ટિનેન્ટલ કેમિકલ્સ હેન્ડ મેડ સોપ, ડિટર્જન્ટ અને કોસ્મેટિક્સ બનાવે છે. તેનું મેન્યુફેક્ચર યુનિટ નોઈડા સ્થિત છે.
આ પણ વાંચો : IPO : 29 સપ્ટેમ્બરે આવી રહી છે કમાણીની વધુ એક તક, રોકાણ પહેલા જાણો ઓફર વિશે વિગતવાર
Published On - 9:08 am, Sun, 26 September 21