18 જૂલાઈથી કેટલીક સેવાઓ વસ્તુઓ મોંઘી થઈ જશે. GSTમાં કરાયેલા ફેરફાર બાદ કેટલીક વસ્તુઓ પર GST રેટ્સ (GST Rates) વધારવામાં આવશે.. કેન્દ્રીય નાણાંમંત્રી નિર્મલા સીતારમણની અધ્યક્ષતામાં મળેલી GSTકાઉન્સિલ (GST Council)ની બેઠકમાં આ નિર્ણય લેવામાં આવ્યો હતો, જેમા તમામ રાજ્યો અને કેન્દ્રશાસિત પ્રદેશોના પ્રતિનિધિઓ સામેલ થયા હતા. કાઉન્સિલે બેંક ચેકબુક (Cheque Book) અથવા લીફ ચેક પર GST વસૂલવાનો નિર્ણય લીધો હતો. આ સાથે મેપ, એટલાસ અને ગ્લોબ પર 12 ટકા GST લગાવવાની જાહેરાત કરવામાં આવી હતી.
આ સિવાય પ્રી-પેક્ડ અનબ્રાન્ડેડ દહીં, લસ્સી, છાશ, ખાદ્યપદાર્થો, અનાજ વગેરેને GSTના હેઠળ લાવવાનો નિર્ણય કરવામાં લેવામાં આવ્યો હતો. ચાલો આપણે વિગતે જાણીએ કે GSTમાં ફેરફાર બાદ 18 જુલાઈથી કઈ વસ્તુઓ સસ્તી અને મોંઘી થશે.
આ વસ્તુઓ થશે મોંઘી
પ્રી-પેકેજ અને લેબલવાળા માંસ, માછલી, દહીં, લસ્સી, પનીર, મધ, ઘઉંને હવે GSTમાંથી મુક્તિ આપવામાં આવશે નહીં અને આ વસ્તુઓ પર હવે 5 ટકાના દરે GST લાગશે. જો કે, પેકિંગ વગરના, લેબલ વગરના અને બ્રાન્ડ સિવાયની ચીજોને GSTમાં છૂટ આપવામાં આવી છે.
હવે બેંક ચેક અથવા ચેકબુક પર વસુલાતી ફીમાં 18 ટકાના દરે GST વસૂલશે. એટલે હવે ચેકબુક પણ મોંધી થવા જઈ રહી છે.
GST કાઉન્સિલે નિર્ણય કર્યો છે કે 1000 રૂપિયા પર ડે ચાર્જના હોટેલ રૂમ પણ 12 ટકાના GST સ્લેબ હેઠળ આવશે. હાલમાં આના પર ટેક્સમાં છૂટ છે.
રૂમનું ભાડું (ICU સિવાય) જે રૂ. 5000 પ્રતિ દિવસથી વધુ હોય તેના પર 5 ટકાના દરે ટેક્સ લાગશે.
LED લાઇટ્સ, લેમ્પ્સની કિંમતો વધવા જઇ રહી છે. આ બાબતો પર GST કાઉન્સિલે રેટ 12 ટકાથી વધારીને 18 ટકા કરવાનો નિર્ણય લીધો છે.
કટિંગ બ્લેડ, કાગળની છરી, પેન્સિલ શાર્પનર વગેરેને 18 ટકાના GST સ્લેબ હેઠળ રાખવામાં આવ્યા છે. અગાઉ તેના પર 12 ટકાના દરે ટેક્સ લાગતો હતો.
પાણી માટેના પંપ અને સાયકલ પંપ પરનો GST 12 ટકાથી વધારીને 18 ટકા કરવામાં આવ્યો છે. સફાઈ માટે વપરાતા મશીનો, પવનચક્કી વગેરે માટે પણ 12 ટકાને બદલે 18 ટકાના દરે જીએસટી લાગશે.
ફ્રેક્ચર માટે ઉપયોગમાં લેવાતી સામગ્રી, શરીરના અંગોના આર્ટિફિશિયલ પાર્ટ્સ, તેમજ અન્ય સામગ્રી જેને પહેરવામાં અને સાથે રાખવામાં આવે છે, અથવા શરીર પર કોઈ અંગના બદલે ફીટ કરવામાં આવે છે તે તમામ ચીજો.
સંરક્ષણ ક્ષેત્રને લગતી કેટલીક વસ્તુઓ પર ખાનગી વેચાણકર્તાઓ દ્વારા વસૂલવામાં આવતા IGST પર મુક્તિ આપવામાં આવી છે.