Deepak Parekh Quits HDFC : દીપક પારેખે 78 વર્ષની ઉંમરે HDFCને કહ્યું અલવિદા, 90 લાખ લોકોનું પોતાના ઘરનું સ્વપ્ન પૂરું કર્યું હતું

એચડીએફસીના ચેરમેન દીપક પારેખે(HDFC Chairman Deepak Parekh) એચડીએફસી બેંક સાથે કંપનીના વિલીનીકરણ(HDFC and HDFC Bank Merger) પહેલા વિદાય લીધી છે. HDFCની શરૂઆત દીપક પારેખના કાકા એચ.ટી. પારેખે 1977માં કરી હતી. 1978માં દીપકે પણ તેના કાકાના કહેવાથી કંપનીમાં કામ કરવાનું શરૂ કર્યું હતું. આ 45 વર્ષમાં દીપક પારેખે HDFCનું અથાક પરિશ્રમ કરી  આજે HDFC Group  લગભગ 14 લાખ કરોડ રૂપિયાનું થઈ ગયું છે. દીપક પારેખના કાકાને પોતાનું કોઈ સંતાન નહોતું અને દીપક તેમના માટે પુત્ર જેવો હતો. HDFC દેશની પ્રથમ કંપની હતી જેણે લોકોને ઘર ખરીદવા માટે લોન આપવાનું શરૂ કર્યું. આજે આ કંપનીએ 90 લાખથી વધુ લોકોનું પોતાનું ઘર હોવાનું સપનું પૂરું કર્યું છે. દીપકે તેના કાકાના કહેવાથી HDFCમાં એવા સમયે જોડાયા જ્યારે તેમને વિદેશી બેંકમાં નોકરીની સારી તક હતી પરંતુ તેણે પોતાના પરિવારને પ્રથમ સ્થાન આપ્યું અને આજે પરિણામ બધાની સામે છે.

તેમની કામ કરવાની રીત એક ઉદ્યોગસાહસિક જેવી રહી હતી

દીપક પારેખ 1978માં તેમના કાકાની કંપનીમાં કર્મચારી તરીકે જોડાયા હતા પરંતુ તેમની કામ કરવાની રીત એક ઉદ્યોગસાહસિક જેવી રહી હતી. તેમનો પરિવાર મુંબઈમાં એક ચાલમાં રહેતો હતો અને એચ.ટી. પારેખનું સપનું હતું કે ભારતમાં દરેક સામાન્ય માણસને પોતાનું ઘર હોવું જોઈએ. દીપક પારેખે પણ કાકાનું આ સપનું સાકાર કર્યું હતું.

દીપકે મુંબઈની સેન્ટ ઝેવિયર્સ હાઈસ્કૂલ અને સિડનહામ કોલેજમાં અભ્યાસ કર્યો છે. અર્ન્સ્ટ એન્ડ યંગ જેવી કંપનીમાં કામ કર્યું. તેઓ ચાર્ટર્ડ એકાઉન્ટન્ટ પણ બન્યા હતા, પરંતુ તેમનું જીવન કદાચ HDFCને ઊભું કરવા માટે જ બનાવવામાં આવ્યું હતું.

14 લાખ કરોડનો બિઝનેસ પણ  પોતાની સંપત્તિ ઓછી

બીજી એક વાત જે દીપક પારેખને અન્ય બિઝનેસમેન કરતા અલગ બનાવે છે તે એ છે કે તેઓ પોતાની જાતને છેલ્લી ઘડી સુધી એક કર્મચારી માને છે. એચડીએફસી અને એચડીએફસી બેંકના મર્જર બાદ નવી બનેલી કંપનીનું બજાર મૂલ્ય 14 લાખ કરોડ રૂપિયાથી વધુ થશે.

2022માં બ્લૂમબર્ગને આપેલા ઈન્ટરવ્યુમાં પારેખે જણાવ્યું હતું કે તેમના પરિવાર પાસે HDFCમાં માત્ર 0.04 ટકા હિસ્સો છે. એટલે કે નવી કંપનીમાં આ હિસ્સો આનાથી પણ ઓછો હોઈ શકે છે. તેની પાછળનું કારણ એ છે કે દીપક પારેખ પોતાને પગારદાર કર્મચારી માને છે. દીપક કહે છે કે તેના કાકા પણ આખી જિંદગી પગાર પર કામ કરતા હતા અને લાંબા સમયથી ભાડાના મકાનમાં રહેતા હતા.HDFC બેંક વિશ્વની ચોથી સૌથી મોટી નાણાકીય સંસ્થા છે.