ભારતીય શેરબજારમાં તેજી યથાવત , સેન્સેક્સ ૪૪૮ અને નિફ્ટી ૧૧૦ અંક વધ્યા

એક દિવસના અવરોધ બાદ ફરી ભારતીય શેરબજારોએ પ્રગતિ આગળ વધારી છે. આજના કારોબારી સત્રમાં ભારતીય બજાર મજબૂતીની સાથે બંધ થયા છે. આજે નિફ્ટી 11,873.05 ની ઊપર બંધ થયા. જ્યારે સેન્સેક્સે 40,431.60 પર બંધ થયા. આજના કારોબારમાં નિફ્ટીએ 11,898.25 સુધી પહોંચી તો સેન્સેક્સ 40,519.48 સુધી પહોંચ્યો. સ્મૉલકેપ અને મિડકેપ શેરોમાં ખરીદારીનું વલણ જોવા મળ્યુ. બીએસઈના મિડકેપ ઈન્ડેક્સ 0.58 ટકા વધીને 14,705.85 ના સ્તર પર બંધ થયા. જ્યારે બીએસઈના સ્મૉલકેપ ઈન્ડેક્સ 0.43 ટકાની મજબૂતીની સાથે 14,850.88 પર બંધ થયા.

આજે બેન્કિંગ, ફાઈનાન્શિયલ સર્વિસ, એફએમસીજી, રિયલ્ટી, પ્રાઈવેટ બેન્ક, પીએસયુ બેન્ક અને મેટલ શેરોમાં ખરીદારી જોવા મળી. જ્યારે ફાર્મા, આઇટી અને ઑટો શેરોમાં દબાણ જોવા મળ્યુ. દિગ્ગજ શેરોમાં આઈસીઆઈસીઆઈ બેન્ક, નેસ્લે ઈન્ડિયા, ગેલ, એક્સિસ બેન્ક, એસબીઆઈ અને આઈઓસી વધ્યા છે. જોકે દિગ્ગજ શેરોમાં ડિવિઝ લેબ, આઈશર મોટર્સ, હિરો મોટોકૉર્પ, સિપ્લા, બજાજ ઑટો અને ટીસીએસ ઘટીને બંધ થયા છે.