Cheap Car Deal : જો તમે Kia Seltos કાર ખરીદવા માંગો છો, તો મહારાષ્ટ્ર કરતાં ગુજરાતમાં મળશે સસ્તી, જાણો કિંમતમાં કેટલો છે તફાવત
જો તમે Kia Seltos કાર ખરીદવાનું વિચારી રહ્યા છો તો તમને આ કાર મહારાષ્ટ્રની સરખામણીએ ગુજરાતમાં સસ્તી મળશે. આ કાર ગુજરાતમાં ખરીદવાથી તમને રૂ.95 હજાર સુધીનો ફાયદો થશે.
Cheap Car Deal : ઘણા લોકોને પોતાના જીવનની પ્રથમ કાર (Car) ખરીદવી એ સપનું હોય છે. ત્યારે કારની કિંમતો સાંભળીને જ ઘણીવાર લોકો કાર ન ખરીદવાનું મન બનાવી લેતા હોય છે. પરંતુ જો તમે તમારી પસંદગીની કાર ખરીદવા માટે જો યોગ્ય સ્થળ પસંદ કરશો તો તમને ચોક્કસ ફાયદો થશે. આજે અમે તમને એ જણાવીશું કે જો તમારે Kia Seltos કાર ખરીદવી હોય તો કઈ જગ્યાએથી ખરીદવાથી ફાયદો થશે.
ગુજરાતમાંથી આ કાર ખરીદવાથી રૂ.95 હજાર સુધીનો થશે ફાયદો
જો તમે Kia Seltos કાર ખરીદવાનું વિચારી રહ્યા છો તો તમને આ કાર મહારાષ્ટ્રની સરખામણીએ ગુજરાતમાં સસ્તી મળશે. આ માટે અમે ચેક કર્યું તો જાણવા મળ્યું કે Kia Seltosના બેઝ મોડલની ગુજરાતના વાપીમાં ઓન રોડ પ્રાઇસ 13.40 લાખ રુપિયા છે, તો મહારાષ્ટ્રના નાસિકમાં આજ કારની પ્રાઇસ 14.35 લાખ રૂપિયા છે. તેથી જો તમે Kia Seltosનું બેઝ મોડલ લેવાનું વિચારી રહ્યા છો. તો તમને મહારાષ્ટ્ર કરતા ગુજરાતમાંથી ખરીદવાથી રૂ.95 હજારનો ફાયદો થશે.
ગુજરાતના વાપીમાં Kia Seltos કારની કિંમત 13.40 લાખ રુપિયા
Kia Seltos
મહારાષ્ટ્રના નાસિકમાં Kia Seltos કારની કિંમત 14.35 લાખ રુપિયા
જો તમે મહારાષ્ટ્રમાં રહો છો અને Kia Seltos ખરીદવા માંગો છો, તો તમારા માટે ગુજરાતમાંથી આ કાર ખરીદવી લાભદાયી છે. કારણ કે આ કાર પર તમને રૂ.95 હજાર સુધીનો ફાયદો થશે. મહારાષ્ટ્રનું નાસિક ગુજરાતના વાપીથી માત્ર 140 કિમી જ દૂર હોવાથી તમારે બહુ દૂર જવાની પણ જરૂર નથી.
Kia Seltos ટોપ મોડલને પણ ગુજરાતમાંથી ખરીદવાથી થશે ફાયદો
Kia Seltosના બેઝિક મોડલને મહારાષ્ટ્ર કરતા ગુજરાતમાંથી ખરીદવાથી રૂ.95 હજારનો ફાયદો થાય છે. ત્યારે તમને જણાવી દઈએ કે Kia Seltosના ટોપ મોડલને ગુજરાતમાંથી ખરીદવાથી કેટલો ફાયદો થશે. Kia Seltosના ટોપ મોડલની વાત કરીએ તો ગુજરાતના વાપીમાં ઓન રોડ પ્રાઇસ 22.24 લાખ રૂપિયા છે. જ્યારે મહારાષ્ટ્રના નાસિકમાં ટોપ મોડલની પ્રાઇસ 23.84 લાખ રૂપિયા છે. તેથી જો તમે Kia Seltosનું ટોપ મોડલ ખરીદવા માગતા હોવ તો તેમાં પણ તમને રૂ.1.60 લાખ સુધીનો ફાયદો થશે.