Breaking News : પેટ્રોલ અને ડીઝલના ભાવમાં પ્રતિ લિટર 3 રૂપિયાનો વધારો, જાણો ગુજરાતનો ભાવ!

આજે શુક્રવાર 15મી મે 2026 ના રોજ, પેટ્રોલ અને ડીઝલના ભાવમાં વધારો થયો છે. બંને ઇંધણમાં પ્રતિ લિટર 3 રૂપિયાનો વધારો જોવા મળ્યો છે. નવા વધારા બાદ, ગુજરાતમાં પેટ્રોલ અને ડીઝલના ભાવમાં 2.34થી 3.63 રૂપિયા સુધીનો વધારો જોવા મળી રહ્યો છે. ભાવ વધ્યા હોવાથી ટેક્સી, બસ, ટ્રક પરિવહન અને ઘરેલુ વસ્તુઓના સપ્લાય ખર્ચમાં વધારો થઈ શકે છે. ખાસ કરીને મધ્યમવર્ગ અને રોજિંદા વાહન ઉપયોગ કરતા લોકો પર તેનો વધુ પ્રભાવ જોવા મળશે.

પેટ્રોલના ભાવમાં 2.83થી 3.14 સુધી વધારો

દિલ્હીમાં પ્રતિ લિટર 3 રૂપિયાનો વધારો જોવા મળ્યો છે. કોલકાતામાં પ્રતિ લિટર 3.29 રૂપિયાનો વધારો જોવા મળ્યો છે અને મુંબઈમાં પ્રતિ લિટર 3.14 રૂપિયાનો વધારો જોવા મળ્યો છે. આ વધારા બાદ, દિલ્હીમાં પેટ્રોલ 97.77 રૂપિયા પ્રતિ લિટર પર પહોંચી ગયું છે. કોલકાતામાં તે વધીને 108.74 રૂપિયા પ્રતિ લિટર અને મુંબઈમાં 106.68 રૂપિયા થયું છે. ચેન્નાઈમાં પેટ્રોલનો ભાવ 103.67 રૂપિયામાં ઉપલબ્ધ છે. જે 2.83 રૂપિયાનો વધારો દર્શાવે છે.

ડીઝલના ભાવમાં 2.86થી 3.11 સુધી વધારો

દિલ્હીમાં ડીઝલના ભાવમાં પણ પેટ્રોલની જેમ જ 3 રૂપિયા પ્રતિ લિટરનો વધારો થયો છે. દિલ્હીમાં ડીઝલના ભાવ, જે પહેલા 87.67 રૂપિયા પ્રતિ લિટર હતા તે હવે 90.67 રૂપિયા પ્રતિ લિટર થયા છે. તેવી જ રીતે કોલકાતામાં ડીઝલના ભાવ 94.13 રૂપિયા પ્રતિ લિટર થયા છે. મુંબઈમાં ડીઝલના ભાવ 3.11 રૂપિયાથી વધ્યો છે. હાલમાં મુંબઈમાં ડીઝલનો ભાવ 93.14 રૂપિયા પ્રતિ લિટર થયો છે. જે તાજેતરના વધારા પછી કોલકાતાની જેમ જ છે. તમિલનાડુની રાજધાની ચેન્નાઈમાં, ડીઝલ 2.86 રૂપિયાથી મોંઘુ થયું છે અને 95.25 રૂપિયા પ્રતિ લિટરના ભાવે ઉપલબ્ધ છે.

ગુજરાતમાં પેટ્રોલના ભાવમાં 2.24થી 3.40 રૂપિયા સુધીનો વધારો

રાજકોટમાં પેટ્રોલનો ભાવ હાલમાં 97.29 રૂપિયા છે, જેમાં 2.24 રૂપિયા સુધીનો વધારો જોવા મળી રહ્યો છે. અમદાવાદમાં આજે પેટ્રોલનો ભાવ આશરે 97.49 રૂપિયા છે. નર્મદામાં પેટ્રોલના ભાવમાં 3.40 રૂપિયાનો વધારો થયો છે. નર્મદામાં પેટ્રોલના ભાવ આશરે 98.26 રૂપિયા સુધી પહોંચ્યો છે. છેલ્લા 10 દિવસ દરમિયાન ભાવમાં ઉતાર-ચઢાવ જોવા મળ્યો છે.

ગુજરાતમાં ડીઝલના ભાવમાં 2.34થી 3.63 રૂપિયા સુધીનો વધારો

આજે ગુજરાતના ગાંધીનગરમાં ડીઝલનો ભાવ પ્રતિ લિટર 93.73 રૂપિયા છે. જે ગઈકાલના 90.27 રૂપિયાની સરખામણીએ થોડો વધારો જોવા મળી રહ્યો છે. રાજકોટમાં ડીઝલનો ભાવ હાલમાં 93.08 રૂપિયા છે, જેમાં 2.34 રૂપિયા સુધીનો વધારો જોવા મળી રહ્યો છે. અમદાવાદમાં આજે ડીઝલનો ભાવ આશરે 93.26 રૂપિયા છે. નર્મદામાં ડીઝલના ભાવમાં 3.51 રૂપિયાનો વધારો થયો છે. નર્મદામાં ડીઝલના ભાવ આશરે 94.04 રૂપિયા સુધી પહોંચ્યો છે. બનાસકાંઠામાં ડીઝલના ભાવમાં 3.63 રૂપિયા વધારો થઈ 94.36 રૂપિયામાં ઉપલબ્ધ છે.

આ પણ વાંચો, Breaking News : મોંઘવારીનો વધુ એક ઝટકો! પેટ્રોલ અને ડીઝલ પછી CNGના ભાવમાં પણ વધારો, જાણો નવી કિંમત