7th Pay Commission: કેન્દ્રીય કર્મચારીઓ માટે ખુશખબર, બજેટ પછી 96000 રૂપિયા સુધી વધી શકે છે પગાર
ઉલ્લેખનીય છે કે કેન્દ્ર અને રાજ્યના કર્મચારીઓની લાંબા સમયથી માંગણી હતી કે તેમના ફિટમેન્ટ ફેક્ટરને 2.57 ટકાથી વધારીને 3.68 ટકા કરવામાં આવે છે. જો આમ થશે તો કેન્દ્રીય કર્મચારીઓનો લઘુત્તમ પગાર 18 હજાર રૂપિયાથી વધીને 26 હજાર રૂપિયા થઈ જશે.કેન્દ્ર સરકારના કર્મચારીઓને સરકાર મોટી રાહત આપી શકે છે.
કેન્દ્ર સરકારના કર્મચારીઓને ટૂંક સમયમાં સારા સમાચાર મળી શકે છે. ફિટમેન્ટ ફેક્ટર વધારવા માટે સરકાર ટૂંક સમયમાં મંજૂરી આપી શકે છે. મીડિયા રિપોર્ટ્સ અનુસાર બજેટ 2023 પછી સરકારી કર્મચારીઓના પગારના ફિટમેન્ટ ફેક્ટરમાં ફેરફાર થઈ શકે છે. મીડિયા રિપોર્ટ્સ અનુસાર જો સરકાર આ બાબતની મંજૂરી આપે છે તો કર્મચારીઓના પગારમાં મોટો વધારો જોવા મળી શકે છે. કર્મચારીઓનો લઘુત્તમ મૂળ પગાર 18 હજાર રૂપિયાથી વધીને 26 હજાર રૂપિયા થશે. આ રીતે બેઝિક સેલેરીમાં એક મહિનામાં 8 હજાર રૂપિયા અને વાર્ષિક 96 હજાર રૂપિયાનો વધારો થશે.
ફિટમેન્ટ ફેક્ટર શું છે?
ફિટમેન્ટ ફેક્ટર એ એક સામાન્ય મૂલ્ય છે જેનો ઉપયોગ કર્મચારીનો કુલ પગાર નક્કી કરવા માટે થાય છે. કુલ પગારની ગણતરી કરવા માટે તેને મૂળ પગાર સાથે ગુણાકાર કરવામાં આવે છે. હાલમાં સામાન્ય ફિટમેન્ટ ફેક્ટર 2.57 ટકા છે. આનો અર્થ એ થયો કે જો 4200 ગ્રેડ પેમાં કર્મચારીનો મૂળ પગાર 15,500 રૂપિયા છે તો તેનો કુલ પગાર 15,500×2.57 એટલે કે 39,835 રૂપિયા થશે.
કેન્દ્રીય કર્મચારીઓનો પગાર નક્કી કરવામાં ફિટમેન્ટ ફેક્ટર મોટી ભૂમિકા ભજવે છે. 7મા પગાર પંચની ભલામણો અનુસાર પગાર ભથ્થા સિવાય, કેન્દ્રીય કર્મચારીઓનો પગાર તેમના મૂળ પગાર અને ફિટમેન્ટ ફેક્ટર દ્વારા નક્કી કરવામાં આવે છે. આ તે પરિબળ છે જેના કારણે કેન્દ્રીય કર્મચારીઓનો પગાર અઢી ગણો વધી જાય છે. હાલમાં, 7મા પગાર પંચની ભલામણો અનુસાર ફિટમેન્ટ ફેક્ટર 2.57 છે.
ફિટમેન્ટ ફેક્ટર વધારવાની માંગ ઘણા સમયથી કરવામાં આવી રહી છે.
ઉલ્લેખનીય છે કે કેન્દ્ર અને રાજ્યના કર્મચારીઓની લાંબા સમયથી માંગણી હતી કે તેમના ફિટમેન્ટ ફેક્ટરને 2.57 ટકાથી વધારીને 3.68 ટકા કરવામાં આવે છે. જો આમ થશે તો કેન્દ્રીય કર્મચારીઓનો લઘુત્તમ પગાર 18 હજાર રૂપિયાથી વધીને 26 હજાર રૂપિયા થઈ જશે.કેન્દ્ર સરકારના કર્મચારીઓને સરકાર મોટી રાહત આપી શકે છે. કેન્દ્રીય કર્મચારી સંગઠનોની માંગ પર સરકાર ફિટમેન્ટ ફેક્ટરના નિર્ણય પર પુનર્વિચાર કરી શકે છે.
ડીએ અને ડીઆર વધી શકે છે
મીડિયા રિપોર્ટ્સ અનુસાર, ફિટમેન્ટ ફેક્ટરમાં વધારો કરવા ઉપરાંત, માર્ચ 2023માં કેન્દ્રીય કર્મચારીઓના મોંઘવારી ભથ્થા (DA)માં વધારો થવાની ધારણા છે. આ 1 જાન્યુઆરીથી લાગુ થશે. સરકાર પેન્શનરોની મોંઘવારી રાહત (DR)માં પણ વધારો કરશે. આ સાથે સરકારી કર્મચારીઓને 18 મહિનાના ડીએનું એરિયર્સ પણ મળી શકે છે.
Published On - 6:32 am, Tue, 17 January 23
