Bank Holidays in November 2022 : નવેમ્બર મહિનામાં કુલ 10 દિવસ બેંકો બંધ રહેશે, વાંચો રજાઓની સંપૂર્ણ યાદી

વર્ષનો 10મો મહિનો એટલે કે ઓક્ટોબર મહિનો પૂરો થવામાં અને નવેમ્બર મહિનાની શરૂઆત થવામાં ગણતરીના દિવસ બાકી છે. જો તમે નવેમ્બર મહિનામાં બેંક(Bank) સાથે સંબંધિત કોઈ મહત્વપૂર્ણ કામ કરવાનું વિચારી રહ્યા છો, તો તમારે નવેમ્બરમાં બેંક હોલીડેની યાદી(Bank Holidays in November 2022) ચોક્કસપણે તપાસવી જોઈએ. ઉલ્લેખનીય છે કે ઓક્ટોબર મહિનાના અંતિમ પખવાડિયામાં દશેરા અને દિવાળી જેવા મોટા તહેવાર હતા. દિવાળી દરમયાન ઘણા દિવસ વેપારી પ્રવૃત્તિઓ અને બેંક પણ બંધ રહી હતી. નવેમ્બરમાં લોકો પેન્ડિંગ કામ પટાવવાને પ્રાધાન્ય આપશે.

RBIએ યાદી જાહેર કરી

તમને જણાવી દઈએ કે ભારતીય રિઝર્વ બેંક લોકોની સુવિધા માટે દર મહિને બેંક હોલીડે લિસ્ટની યાદી બહાર પાડે છે. તમે કેન્દ્રીય બેંક આરબીઆઈની સત્તાવાર વેબસાઇટની મુલાકાત લઈને આ યાદી ચકાસી શકો છો. જો તમારે બેંકમાં મહત્વપૂર્ણ કામ કરવાનું હોય તો તમારે પહેલા જ પતાવટ કરી લેવું જોઈએ. આ સાથે તમે નેટ બેન્કિંગ, એટીએમ, ડિજિટલ પેમેન્ટ દ્વારા પણ તમારું કામ કરી શકો છો.

બેંકો 10 દિવસ બંધ રહેશે

ઘણી વખત લોકોને ખબર હોતી નથી કે મહિનામાં કયા દિવસે બેંક બંધ રહે છે. આ માહિતીના અભાવે તે બેંક સુધી પહોંચે છે અને તેનું મહત્વનું કામ અટકી જાય છે. આવી સ્થિતિમાં, જો તમે આ સમસ્યાથી બચવા માંગો છો, તો જાણી લો કે નવેમ્બર મહિનામાં બેંક કુલ 10 દિવસ માટે બંધ રહેવાની છે.

નવેમ્બર મહિનામાં કુલ 10 દિવસ બેંકો બંધ રહેશે

• 1 નવેમ્બર 2022 – કન્નડ રાજ્યોત્સવ/કુટ – બેંગ્લોર અને ઇમ્ફાલમાં બેંકો બંધ
• 6 નવેમ્બર 2022 – રવિવાર (સાપ્તાહિક રજા)
• 8 નવેમ્બર 2022 – ગુરુ નાનક જયંતી/કાર્તિકા પૂર્ણિમા/રહસ પૂર્ણિમા/વંગાલા ઉત્સવ – અગરતલા, બેંગ્લોર, ગંગટોક, ગુવાહાટી, ઇમ્ફાલ, કોચી, પણજી, પટના, શિલોંગ અને તિરુવનંતપુરમ સિવાય બેંકો બંધ
• 11 નવેમ્બર 2022 – કનકદાસ જયંતિ / વાંગલા ઉત્સવ – બેંગ્લોર અને શિલોંગમાં બેંકો બંધ
• 12 નવેમ્બર 2022 – શનિવાર (મહિનાનો બીજો શનિવાર)
• 13 નવેમ્બર 2022 – રવિવાર (સાપ્તાહિક રજા)
• 20 નવેમ્બર 2022 – રવિવાર (સાપ્તાહિક રજા)
• 23 નવેમ્બર 2022 – સેંગ કુત્સાનેમ- શિલોંગમાં બેંક બંધ
• 26 નવેમ્બર 2022 – શનિવાર (મહિનાનો ચોથો શનિવાર)
• 27 નવેમ્બર 2022 – રવિવાર (સાપ્તાહિક રજા)
  

આ બાબત ધ્યાનમાં રાખજો

ગ્રાહકોની સુવિધાને ધ્યાનમાં રાખીને બેંકોમાં રજા હોય તેવા દિવસોમાં ઓનલાઈન બેંકિંગ સુવિધા ચાલુ રહે છે. આ સાથે બેંક ગ્રાહકો માટે એટીએમની સેવા પણ પહેલાની જેમ ચાલુ રહે છે જેથી તેમને કોઈપણ પ્રકારની સમસ્યાનો સામનો કરવો ન પડે. હાલના સમયમાં મોટાભાગના કામ ઓનલાઇન થઇ શકે છે.