શું તમારી કાર કે બાઈકનો મેમો તો નથી આવ્યો ને ? ઘરે બેઠા આ રીતે કરો ચેક
ટ્રાફિક પોલીસ અથવા ઓટોમેટિક કેમેરાએ આપણા વાહનનો મેમો ઈશ્યુ કર્યો છે કે નહીં, તમને આ સંબંધિત કોઈ શંકા થાય છે, ત્યારે તમે તેને ઓનલાઈન ઘરે બેઠા પણ ચેક કરી શકો છો, કેવી રીતે ચેક કરવું તેના વિશે આ લેખમાં અમે તમને જણાવીશું.
ઘણીવાર રસ્તા પર ડ્રાઇવિંગ કરતી વખતે આપણને લાગે છે કે ટ્રાફિક પોલીસ અથવા ઓટોમેટિક કેમેરાએ આપણા વાહનનો મેમો ઈશ્યુ તો કર્યો નહીં હોય ને ? જ્યારે તમને આ સંબંધિત કોઈ શંકા થાય છે, ત્યારે તમારું ટેન્શન વધી જાય છે. ત્યારે તમારી કાર કે બાઈકનો મેમો આવ્યો છે કે નહીં, તે ઓનલાઈન ચેક કેવી રીતે કરવું તેના વિશે આ લેખમાં અમે તમને જણાવીશું.
આ માટે તમારે પરિવહન વિભાગની સત્તાવાર વેબસાઇટ પર જવું પડશે. તમે તમારા રાજ્ય પરિવહન વિભાગ અથવા પરિવહન સેવાની સત્તાવાર વેબસાઇટ પરથી મેમાની જાણકારી મેળવી શકો છો.
આ વેબસાઇટ પર ગયા પછી, તમને “Check Challan Status” અથવા “E-Challan Status”નો વિકલ્પ જોવા મળશે.
અહીં તમારે તમારો વાહન નંબર, ચલણ નંબર (જો તમારી પાસે હોય તો) અથવા ડ્રાઇવિંગ લાઇસન્સ નંબર દાખલ કરવો પડશે.
ત્યાર બાદ કેપ્ચા કોડ કાખલ કરો અને સબમિટ પર ક્લિક કરો. આ પછી તમારા Challanનું સ્ટેટસ દેખાશે. જો Challan ઈશ્યુ કરવામાં આવ્યું હોય, તો તમને Challanની વિગતો જોવા મળશે, જેમ કે Challanની તારીખ, તે કયા કારણોસર ઈશ્યુ કરવામાં આવ્યું છે અને દંડની રકમ.
જો Challan ઈશ્યુ કરવામાં આવ્યું હોય, તો તમે ત્યાંથી ઓનલાઈન પેમેન્ટ પણ કરી શકો છો. ચુકવણી માટે તમને ડેબિટ કાર્ડ, ક્રેડિટ કાર્ડ, UPI અથવા નેટ બેંકિંગનો વિકલ્પ મળશે.
આ રીતે તમે ઘરે બેઠાને તમારા વાહનના Challanની સ્થિતિ ચકાસી શકો છો અને સમયસર Challan ચૂકવી શકો છો.