Honda Activa EV : આતુરતાનો અંત…લોન્ચ થયું Honda Activa ઈલેક્ટ્રિક સ્કૂટર, જાણો કેટલી છે કિંમત
હોન્ડા 2-વ્હીલર્સ ઈન્ડિયાનું નવું ઈલેક્ટ્રિક એક્ટિવા સ્કૂટર ફિચર્સથી ભરપૂર ઇલેક્ટ્રિક સ્કૂટર છે. કંપની તેને બે વેરિઅન્ટમાં લોન્ચ કરવા જઈ રહી છે. તેની ડિલિવરી કંપનીએ કહ્યું છે કે તે 1 ફેબ્રુઆરી, 2025થી શરૂ થશે.
દેશના સૌથી વધુ વેચાતા સ્કૂટર Honda Activaનું ઇલેક્ટ્રિક વર્ઝન આજે એટલે કે 27 નવેમ્બરના રોજ ભારતમાં લોન્ચ કરવામાં આવ્યું છે. તેના લોન્ચિંગ પહેલા જ તેના ઘણા ફીચર્સ વિશે જાણકારી સામે આવી હતી. જેમ કે તેની રેન્જથી લઈને તેમાં સ્વેપેબલ બેટરી સુધીની વિગતો બહાર આવી હતી. લોન્ચ સાથે કંપનીએ જાહેરાત કરી છે કે તેનું બુકિંગ 1 જાન્યુઆરી, 2025થી શરૂ થશે.
હોન્ડા 2-વ્હીલર્સ ઈન્ડિયાનું નવું ઈલેક્ટ્રિક એક્ટિવા સ્કૂટર ફિચર્સથી ભરપૂર ઇલેક્ટ્રિક સ્કૂટર છે. કંપની તેને બે વેરિઅન્ટમાં લોન્ચ કરવા જઈ રહી છે. કંપનીએ કહ્યું છે કે તેની ડિલિવરી 1 ફેબ્રુઆરી, 2025થી શરૂ થશે. શરૂઆતમાં તે દિલ્હી, મુંબઈ અને બેંગલુરુ જેવા શહેરોમાં ઉપલબ્ધ થશે. તે પછી કંપની તેને અન્ય શહેરોમાં લોન્ચ કરશે, કારણ કે તે આ સ્કૂટર્સ માટે બેટરી સ્વેપિંગ સ્ટેશન પણ વિકસાવવા જઈ રહી છે.
કંપની Honda Activa EV ને સ્ટાન્ડર્ડ અને RoadSync Duo વેરિઅન્ટમાં લાવી રહી છે. આમાં, સ્ટાન્ડર્ડ વેરિઅન્ટનું વજન 118 કિલો અને RoadSync Duo વેરિઅન્ટનું વજન 119 કિલો હશે. આમાં વિવિધ ડિસ્પ્લે અને ફીચર્સ હશે.
સ્ટાન્ડર્ડ વેરિઅન્ટની જેમ તમને 5 ઇંચની TFT સ્ક્રીન મળશે. તેમાં મર્યાદિત બ્લૂટૂથ કનેક્ટિવિટી અને ફંક્શન હશે. જ્યારે RoadSync Duo વેરિઅન્ટમાં 7-ઇંચનું ડેશબોર્ડ હશે, જે તમને ટર્ન-બાય-ટર્ન નેવિગેશન, નોટિફિકેશન એલર્ટની સુવિધા આપશે.
Honda Activa EVની ઝલક સામે આવતાં જ તે સ્પષ્ટ થઈ ગયું છે કે તેમાં 1.5 kWhની ડ્યુઅલ સ્વેપ કરી શકાય તેવી બેટરી હશે. જે સિંગલ ચાર્જમાં કુલ 102 કિમીની રેન્જ આપશે. આ બેટરીને હોન્ડાના પાવર પેક એક્સ્ચેન્જર બેટરી સ્વેપિંગ સ્ટેશન પર બદલી શકાય છે. હાલમાં કંપનીએ બેંગલુરુમાં આવા 83 સ્ટેશન સ્થાપિત કર્યા છે. જ્યારે 2026 સુધીમાં, બેંગલુરુમાં આવા 250 જેટલા સ્ટેશન હશે, જે તમને દરેક 5 કિમી ત્રિજ્યામાં બેટરી બદલવાનો વિકલ્પ આપશે. કંપની આ જ કામ દિલ્હી અને મુંબઈમાં શરૂ કરશે.
બેટરી વગર પણ સ્કૂટર મળશે
ગ્રાહકો આ સ્કૂટરને બેટરી વગર ખરીદી શકશે અને બેટરી એઝ એ સર્વિસ મોડલ હેઠળ ભાડેથી લઈ શકશે. જોકે, કંપની તેનો પ્લાન પછીથી જાહેર કરશે. આ ઇલેક્ટ્રિક સ્કૂટર્સ માત્ર હોન્ડાના હાલના સ્ટોર્સ પરથી જ વેચવામાં આવશે, પરંતુ ટૂંક સમયમાં કંપની ફક્ત ઇલેક્ટ્રિક સ્કૂટર્સ માટે એક અલગ કન્સેપ્ટ સ્ટોર પણ ખોલશે.
મ્યુઝિક કંટ્રોલથી લઈને બ્લૂટૂથ કનેક્ટિવિટી સુધી
ઇલેક્ટ્રિક હોન્ડા એક્ટિવામાં મ્યુઝિક કંટ્રોલ, બ્લૂટૂથ કનેક્ટિવિટી અને મેપની સુવિધા હશે. જ્યારે દરેક ટ્રીપ માટે ટ્રીપ મીટર પણ હશે. જોકે, એ સ્પષ્ટ નથી કે આ ટોપ વેરિઅન્ટના ફીચર્સ છે કે કંપનીએ તેને સ્ટાન્ડર્ડ ફીચર બનાવ્યું છે.
ઓલ વેધર ચાર્જિંગ સોકેટ
કંપનીએ આ સ્કૂટરનું બીજું ટીઝર રિલીઝ કર્યું છે. તેના ચાર્જિંગ સોકેટની વિગતો તેમાં શેર કરવામાં આવી છે. આ ચાર્જિંગ સોકેટ ખૂબ જ સરળ ડિઝાઇનનું છે અને તેમાં વેધર કવર ફ્લૅપ આપવામાં આવ્યું છે. આ સોકેટથી ઘરે ચાર્જિંગની સાથે પબ્લિક ચાર્જર પર પણ ચાર્જિંગ કરી શકાય છે.
ઇલેક્ટ્રિક એક્ટિવા સ્કૂટર સ્વેપ કરી શકાય તેવી બેટરી સાથે આવશે
અત્યાર સુધી બહાર પાડવામાં આવેલી Honda Activa EVની વિગતો પરથી સ્પષ્ટ થાય છે કે તેમાં ડ્યુઅલ સ્વેપ કરી શકાય તેવું બેટરી પેક હશે. કંપનીએ આ માટે બેટરી સ્વેપિંગ સ્ટેશન પણ શરૂ કરી દીધા છે.
હોન્ડા મોટર્સે આંતરરાષ્ટ્રીય બજારમાં તેના ઇલેક્ટ્રિક સ્કૂટરની ઝલક બતાવી છે. તેનું ઈલેક્ટ્રિક સ્કૂટર 1994માં આવેલા વિશ્વના પ્રથમ ઈ-સ્કૂટર CUV-ES પર આધારિત હોવાનું કહેવાય છે.
Honda Activa EV કલર અને કિંમત
Honda Activa ઈલેક્ટ્રિક સ્કૂટર કુલ 5 કલરમાં ઉપલબ્ધ હશે. વાદળી કલરના બે વેરિઅન્ટ હશે. વ્હાઇટ, ગ્રે અને બ્લેક કલર ઓપ્શન પણ હશે. કંપનીએ હજુ તેની કિંમતનો ખુલાસો કર્યો નથી. જોકે, નિષ્ણાતોનું માનવું છે કે તેની કિંમત TVS iQube અને Ather Riztaની રેન્જમાં હશે.