આજે છેલ્લો દિવસ…1 એપ્રિલથી ઈલેક્ટ્રિક સ્કૂટર અને કાર થઈ જશે મોંઘા
ભારતમાં ઇલેક્ટ્રિક સ્કૂટર, કાર અને બાઇકને પ્રોત્સાહન આપવા માટે સરકાર FAME 2 સ્કીમ ચલાવે છે. આ હેઠળ, EV ખરીદનારાઓને સબસિડી મળે છે જેના દ્વારા ઇલેક્ટ્રિક વાહન ખરીદવું આર્થિક રીતે સહેલું બની જાય છે. FAME 2 યોજનાની મુદત 31મી માર્ચે પૂરી થઈ રહી છે. ઈવી ઈન્ડસ્ટ્રીની માંગ છતાં સરકારે આ યોજનાને આગળ વધારી નથી.
ભારતમાં છેલ્લા કેટલાક સમયથી ઈલેક્ટ્રિક વાહનોનો ક્રેઝ સતત વધી રહ્યો છે. પેટ્રોલ અને ડીઝલના વધતા ભાવના કારણે લોકો EV તરફ વળ્યા છે. આ ઉપરાંત, સરકાર EV સબસિડી દ્વારા ઈલેક્ટ્રિક સ્કૂટર, બાઇક અને કાર ખરીદવા પર પણ ડિસ્કાઉન્ટ આપે છે. જો કે, આવતીકાલથી એટલે કે 1લી એપ્રિલથી ઇલેક્ટ્રિક વાહન ખરીદવું મોંઘું થઈ જશે. EVની ખરીદી પર FAME 2 સબસિડી 31 માર્ચે સમાપ્ત થશે.
ભારતમાં ઇલેક્ટ્રિક સ્કૂટર, કાર અને બાઇકને પ્રોત્સાહન આપવા માટે સરકાર FAME 2 સ્કીમ ચલાવે છે. આ હેઠળ, EV ખરીદનારાઓને સબસિડી મળે છે જેના દ્વારા ઇલેક્ટ્રિક વાહન ખરીદવું આર્થિક રીતે સહેલું બની જાય છે. FAME 2 યોજનાની મુદત 31મી માર્ચે પૂરી થઈ રહી છે. ઈવી ઈન્ડસ્ટ્રીની માંગ છતાં સરકારે આ યોજનાને આગળ વધારી નથી.
FAME 2 સબસિડી સમાપ્ત થશે
FAME 2 સબસિડી સાથે, લોકોને ઓછા ભાવે ઇલેક્ટ્રિક સ્કૂટર, બાઇક અને સ્કૂટર ખરીદવાની તક મળી. પરંતુ હવે આ સ્કીમ બંધ થતાં ગ્રાહકોના ખિસ્સા પર બોજ વધશે.
જો કે, FAME 2 સબસિડીની મુદત વધારી નથી, પરંતુ તેના બદલે સરકારે નવી સ્કીમ ‘ઈલેક્ટ્રિક મોબિલિટી પ્રમોશન સ્કીમ 2024 (EMPS)’ શરૂ કરી છે. FAME 2 ની તુલનામાં, નવી યોજના હેઠળ સબસિડીની રકમમાં ઘટાડો કરવામાં આવ્યો છે.
ઇલેક્ટ્રિક સ્કૂટર મોંઘા થઈ શકે છે
ઈન્વેસ્ટમેન્ટ ઈન્ફોર્મેશન એન્ડ ક્રેડિટ રેટિંગ એજન્સી ઓફ ઈન્ડિયા લિમિટેડ (ICRA) અનુસાર, FAME 2 સ્કીમની સરખામણીમાં ‘ઈલેક્ટ્રિક મોબિલિટી પ્રમોશન સ્કીમ 2024 (EMPS)’ની સાથે ઇલેક્ટ્રિક સ્કૂટરની કિંમતમાં 10 ટકાનો વધારો થશે. ઇલેક્ટ્રિક સ્કૂટર બનાવવા માટે વધુ ખર્ચ થશે, તેથી સ્વાભાવિક રીતે તે ગ્રાહકો પાસેથી વસૂલવામાં આવશે.
ભારત સરકારના ભારે ઉદ્યોગ મંત્રાલયે ઇલેક્ટ્રિક મોબિલિટી પ્રમોશન સ્કીમ 2024 (EMPS) રજૂ કરી છે. આ અંતર્ગત સરકારે ઇલેક્ટ્રિક વાહનોને પ્રોત્સાહન આપવા માટે 500 કરોડ રૂપિયાની જોગવાઈ કરી છે. આ યોજના 1 એપ્રિલ 2024 થી 31 જુલાઈ 2024 સુધી એટલે કે માત્ર ચાર મહિના માટે છે. ઈલેક્ટ્રિક સ્કૂટર અને ઈલેક્ટ્રિક બાઈક ખરીદનારાઓને જ નવી સ્કીમનો લાભ મળશે.
આ છેલ્લી તક
ઇલેક્ટ્રિક કારને ઇલેક્ટ્રિક મોબિલિટી પ્રમોશન સ્કીમ 2024 (EMPS)માંથી બાકાત રાખવામાં આવી છે. જો તમે 31 માર્ચ પછી ઇલેક્ટ્રિક કાર ખરીદો છો, તો તમને સબસિડીનો લાભ નહીં મળે. આનાથી ઇલેક્ટ્રિક કાર ખરીદનારાઓને મોટો ફટકો પડ્યો છે. અગાઉની સ્કીમ હેઠળ લોકોને ઇલેક્ટ્રિક કાર ખરીદવા પર સબસિડીનો લાભ પણ મળતો હતો.
સરકારે EMPS હેઠળ સબસિડીની રકમમાં ફેરફાર કર્યો છે. ઇલેક્ટ્રિક ટુ-વ્હીલર માટેની સબસિડી રૂ. 10,000 kWhથી ઘટાડીને રૂ. 5,000 kWh કરવામાં આવી છે. આ સિવાય વધુમાં વધુ 10,000 રૂપિયાનું ડિસ્કાઉન્ટ જ મળશે.
ભારતમાં ઈલેક્ટ્રિક સ્કૂટરનું વેચાણ ઘણું વધારે છે. 1 એપ્રિલથી આને ખરીદવા માટે તમારે વધુ પૈસા ખર્ચવા પડશે. જો તમે મોટા ડિસ્કાઉન્ટ સાથે ઇલેક્ટ્રિક ટુ-વ્હીલર અથવા ફોર-વ્હીલર ખરીદવા માંગો છો, તો આજે છેલ્લી તક છે. FAME 2 સબસિડી 31 માર્ચ પછી સમાપ્ત થશે. આ પછી, તમારે EV માટે વધારે પૈસા ખર્ચવા પડશે.
