Monsoon 2023: અરવલ્લીના મોડાસામાં ધોધમાર વરસાદ, એક કલાકમાં એક ઇંચ વરસાદ , Video

અરવલ્લી જિલ્લામાં વરસાદી માહોલ જામ્યો છે. અરવલ્લી જિલ્લાના મોટાભાગના વિસ્તારોમાં વરસાદ નોંધાયો છે. જિલ્લાના મુખ્ય મથક મોડાસા શહેરમાં ધોધમાર વરસાદ નોંધાયો હતો. શહેરમાં એક કલાકમાં એક ઈંચ જેટલો વરસાદ બપોર બાદ નોંધાયો હતો. મોડાસા શહેરમાં ધોધમાર વરસાદ વરસવાને લઈ નિચાણવાળા વિસ્તારોમાં વરસાદી પાણી ભરાઈ જવા પામ્યા હતા. મોડાસા શહેરમાં આવેલા જૂના માર્કેટ યાર્ડ વિસ્તારમાં પણ વરસાદી પાણી ભરાઈ જવા પામ્યા હતા. જેને લઈ માર્કેટ યાર્ડના વહેપારીઓ પરેશાન થઈ જવા પામ્યા હતા.

અનેક દુકાનો આગળ વરસાદી પાણી ભરાઈ જવા પામ્યા હતા જેને લઈ વહેપારીઓની પરેશાની વધી ગઈ હતી. માર્કેટયાર્ડમાં આવનારા ખેડૂતોને પણ સમસ્યા સર્જાઈ હતી. મોડાસા અને તેના ઉપરવાસમાં વરસાદને લઈ શુક્રવારે સવારે માઝમ ડેમમાં પાણીની આવક નોંધાઈ હતી. માઝમમાં નવા પાણીની આવક શરુ થતા રાહત સર્જાઈ હતી. છેલ્લા 48 કલાકથી મોડાસા અને આસપાસના વિસ્તારમાં વરસાદી માહોલ જામ્યો છે.

આ પણ વાંચોઃ Monsoon 2023: ઉત્તર ગુજરાતના મહત્વના જળાશયો નવા નીર આવ્યા, દાંતીવાડા, માઝમ અને ધરોઈમાં પાણીની આવક વધી

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો