બાયડ અને તેની આસપાસના વિસ્તારમાં ધોધમાર વરસાદ વરસ્યો હતો. વરસાદને પગલે વિસ્તારમાં અનેક નિચાણવાળા વિસ્તારોમાં વરસાદી પાણી ભરાઈ જવા પામ્યા હતા. બાયડ શહેરની શ્રીનાથ સોસાયટીના લોકોએ ભારે હાલાકી વરસાદી પાણીને લઈ વેઠી હતી. વિસ્તારમાં બીજા દિવસે સાંજે પણ વરસાદી પાણી ભરાયેલા જોવા મળ્યા હતા.
ડ્રોન વીડિયો સામે આવ્યા છે. અલગ અલગ આકાશી વીડિયોમાં જોઈ શકાય છે કે, રહેણાંક વિસ્તારોમાં વરસાદી પાણી ભરાઈ જવા પામ્યા છે. વરસાદી પાણીથી ઘેરાયેલા મકાનોમાં લોકો ઉપરના માળ પર રહીને વરસાદમાં સલામત રહેવા માટેનો પ્રયાસ કરી રહ્યા છે. બાયડમાં રવિવારે 8 ઈંચ કરતા વધારે વરસાદ વરસ્યો હતો. આ ઉપરાંત આસપાસના વિસ્તારમાં પણ ધોધમાર વરસાદ વરસતા બાયડના રહેણાંક વિસ્તારમાં પાણી ભરાયા હતા.
Published On - 5:48 pm, Mon, 18 September 23