AHMEDABAD : હેડ ક્લાર્કની પરીક્ષાનું પેપર લીક થયા બાદ પરીક્ષાર્થીઓનું ભવિષ્ય અંધકારમય બની ગયું છે.સરકારે પરીક્ષા રદ્દ કરી દીધી છે.. ત્યારે હવે આ મામલે અચાનક જ રાજ્યમાં રાજકીય ગરમાવો આવી ગયો છે. પેપર લીક કાંડના સપ્તાહ બાદ આમ આદમી પાર્ટી જાગી અને કમલમ ખાતે વિરોધ કર્યો.ત્યારબાદ ત્યાં બબાલ પણ થઇ, એટલું જ નહિં આમ આદમી પાર્ટીએ ઠેર-ઠેર પ્રદર્શન પણ થયું.AAP એક્શનમાં આવ્યા બાદ કોંગ્રેસને પોતાના પર જોખમ દેખાયું અને એક દિવસ બાદ રાજ્યમાં કોંગ્રેસના કાર્યકરો રસ્તા પર ઉતર્યા.
અમદાવાદમાં પાલડી સ્થિત કોંગ્રેસના કાર્યાલય ખાતે કોંગ્રેસના કાર્યકરો વિરોધ પ્રદર્શન કરવા અને બાઇક રેલી કરવા એકઠા થયા હતા. જો કે, પોલીસે આ અંગેની કોઇ મંજૂરી આપી નહોતી.તેથી પોલીસે કાર્યકરોની અટકાયત કરી હતી. આ સમયે પોલીસ અને કાર્યકરો વચ્ચે થોડું ઘર્ષણ પણ થયું. પોલીસે આ મામલે શહેર કોંગ્રેસ પ્રમુખ, ચેતન રાવલ, ધારાસભ્ય ઇમરાન ખેડાવાલા, હિંમતસિંહ પટેલ, શૈલેષ પરમાર ,સહિત 30 લોકોની અટકાયત કરી હતી.
મહત્વનું છે કે, રાજ્યમાં વિધાનસભા ચૂંટણી નજીક છે અને AAP કોંગ્રેસને ટક્કર આપી શકે છે એ સમયે સ્વાભાવિક છે કે, આવા સળગતા મુદ્દાઓમાં AAP બાજી મારી જાય તો કોંગ્રેસને પોતાના પર જોખમ દેખાય જ. તેથી એ વાત સાબિત કરે છે કે, ઉમેદવારોને ન્યાય અપાવવાનું એક બહાનું છે. પરંતુ પોતાનું રાજકીય અસ્તિત્વ ટકાવવા માટે હાલ તેઓ રસ્તા પર ઉતરી રહ્યા છે.
આ પણ વાંચો : MEHSANA : જગદીશ ઠાકોર અને પ્રભારી રઘુ શર્માની અધ્યક્ષતામાં કોંગ્રેસની બેઠક યોજાઈ