કોંગ્રેસને લોકસભાની ચૂંટણી પહેલા જ મોટો ઝટકો લાગ્યો છે. કોંગ્રેસના ઉત્તર ગુજરાતના અગ્રણી પાટીદાર નેતા હવે ભાજપમાં જોડાઈ રહ્યા છે. મંગળવારે જિલ્લા કોંગ્રેસ સમિતિના પ્રમુખને રાજીનામું આપ્યુ હતુ. ત્યાર બાદ તેઓ બુધવારે ગાંધીનગર સ્થિત ભાજપના પ્રદેશ કાર્યાલય કમલમ ખાતે સીઆર પાટીલના હસ્તે કેસરીયો ધારણ કરવા માટે હિંમતનગરથી રવાના થયા હતા.
ડો વિપુલ પટેલ સાથે 500 થી વધારે લોકો ભાજપમાં જોડાવવા માટે ગાંધીનગર જવા હિંમતનગરથી રવાના થયા હતા. ભાજપમાં જોડવા માટે વિપુલ પટેલના કાર્યકરો અને ટેકેદારોએ અભિયાનની માફક પ્રયાસ કર્યો હતો. જેને લઈ કેટલાક સરપંચ અને દુધ મંડળીના ચેરમેન સહિત ખેડૂતો અને એપીએમસી હિંમતનગરના ડીરેક્ટર સુધીર પટેલ ભાજપમાં સામેલ થયા હતા.
Published On - 11:54 am, Wed, 24 January 24