વડોદરામાં કોરોના દર્દીઓને વેઈટિંગ દરમિયાન હાલાકી વેઠવી ન પડે તે માટે ડોમ તૈયાર કરી દેવાયો છે. ગોત્રી કોવિડ હોસ્પિટલમાં માત્ર 4 દિવસમાં 250 બેડ સાથેનો આ ડોમ તૈયાર કરાયો છે. જેમા OPD, ટ્રાઈ એજ એરિયાનો પણ સમાવેશ થાય છે. આ ઉપરાંત અહીં 240 ઓક્સિજન પોઈન્ટ પણ નાખવામાં આવશે. એટલે કે હવે જે દર્દીઓને હોસ્પિટલમાં બેડ ખાલી ન હોવાથી બહાર તડકે વેઈટિંગમાં લાગવું પડતું હતું તેમને અહીં બેડ પર જરૂરી સારવાર પણ મળી જશે. સારવારના અભાવે કોઈ વ્યક્તિનો જીવ ન જાય તે માટે આ પ્રયાસ કરાયો છે.