Ahmedabad : મહાનગરપાલિકાના ચૂંટણી જંગ માટે ભાજપે પ્રચારના શ્રી ગણેશ કર્યા. અમદાવાદના વટવા વિસ્તારમાં પેજ સમિતિ કાર્ડ વિતરણ સમારોહ યોજાયો. તે પૂર્વે દાસ્તાન ફાર્મથી જંગી બાઈક રેલી નિકળી. જેમાં ભાજપ પ્રદેશ પ્રમુખ સી.આર.પાટીલ, ગૃહ રાજ્ય પ્રધાન પ્રદિપસિંહ જાડેજા, સાંસદ, હોદ્દેદારો ઉપસ્થિત રહ્યાં. અમદાવાદમાં પેજ સમિતિના 51 હજારથી વધારે સભ્યોની રચના કરવામાં આવી છે. આ પેજ કમિટીના પ્રમુખ અને સભ્યોનો કાર્ડનું વિતરણ કરવામાં આવ્યું. આ કાર્યક્રમને સંબોધતા ભાજપ પ્રદેશ પ્રમુખે પેજ પ્રમુખોની મહેનતથી જ લોકસભામાં બે વાર 26માંથી 26 બેઠક જીતી છે. પાટીલે પેજ પ્રમુખોને અણુબોમ્બ ગણાવતા કહ્યું કે પક્ષના મહેનતુ કાર્યકરો જ કોંગ્રેસને નાબૂદ કરી દેશે.