Viral : ભૂલથી લગ્નના કાર્ડમાં લખાઈ ગયું એવું કે થઈ ગયો અર્થનો અનર્થ, હવે યુઝર પુછી રહ્યો છે ‘જાઉં કે નહીં જાઉં’

ભલે લગ્નની સિઝન હોય કે ન હોય, પરંતુ તેને લગતી તમામ પ્રકારની તસવીરો અને વીડિયો સોશિયલ મીડિયા પર વાયરલ થાય છે, જેમાંથી કેટલીક ખૂબ જ ફની હોય છે તો કેટલીક ભાવનાત્મક હોય છે. અત્યારે લગ્નની સિઝન ચાલી રહી છે અને સોશિયલ મીડિયા પર વિવિધ વસ્તુઓ ખૂબ વાયરલ થઈ રહી છે.

લગ્નમાં જે રીતે બેન્ડ-બાજા-બારાતનું મહત્વ છે, તે જ રીતે લગ્નનું કાર્ડ પણ ખૂબ જ મહત્વપૂર્ણ છે. આવી સ્થિતિમાં, લોકો કાર્ડ પ્રિન્ટ કરાવતી વખતે ઘણી બાબતોનું ધ્યાન રાખે છે, પરંતુ કેટલીકવાર ભૂલો થઈ જાય છે. આજકાલ આવું જ એક લગ્નનું કાર્ડ સોશિયલ મીડિયા પર વાયરલ થઈ રહ્યું છે, જેમાં જે લખ્યું છે તે વાંચીને તમે પણ હસી પડશો.

વાસ્તવમાં, આ કાર્ડમાં ભૂલથી એવુ છપાઈ ગયું છે કે જે બાદ મહેમાનો પણ વિચારતા હશે કે લગ્નમાં જવું કે નહીં જવું !. તમે જોયું જ હશે કે લગ્નના કાર્ડમાં પ્રેમનું આમંત્રણ પણ લખેલું હોય છે. આ કાર્ડમાં પણ કંઈક આવું જ લખવામાં આવ્યું છે, પરંતુ લખનારથી ભૂલથી એક શબ્દ રહી જાય છે, જેના પછી કાર્ડમાં લખાયેલ શબ્દ ‘અર્થનો અનર્થ બની જાય છે. તસવીરમાં તમે જોઈ શકો છો કે કાર્ડમાં લખેલું છે, ભેજ રહા હૂં સ્નેહ, નિમંત્રણ પ્રિયવર તુજે બુલાને કો, હે માનસ કે રાજહંસ તુમ ભૂલ જાના આને કો જેમાં ભૂલ ન જાનાના બદલે ભૂલ જાના થઈ જાય છે અને આખી વાત અર્થનો અનર્થ બની જાય છે. હવે મને કહો કે, કાર્ડમાં જ સ્પષ્ટ રીતે લખેલું છે કે ‘તુમ ભૂલ જાના આને કો’, તો કોણ આ લગ્નમાં જવાની તસ્દી લેશે.

આ ફની વેડિંગ કાર્ડ સોશિયલ મીડિયા પર ખૂબ વાયરલ થઈ રહ્યું છે. તેને ફેસબુક પર જોક્સ હાઈ જોક્સ નામની આઈડીથી શેર કરવામાં આવ્યો છે, જેને અત્યાર સુધીમાં હજારો લાઈક્સ મળી ચૂકી છે, જ્યારે સેંકડો લોકોએ વિવિધ ફની પ્રતિક્રિયાઓ પણ આપી છે.

કેટલાક કહે છે કે ‘આ મારા ગામનું કાર્ડ છે’, તો કેટલાક કહે છે કે ‘હું કહું છું કે ભૂલી જા’. તેવી જ રીતે એક યુઝરે લખ્યું છે કે, ‘માત્ર કાર્ડ આપીને અપમાન કર્યું છે. હવે ભાઈ કેટલું બધું કરવાનું છે. તમે ન જાવ તો સારું છે, તો બીજા યુઝરે લખ્યું છે કે ‘ન જાવ. તમારું ઘોર અપમાન કરવામાં આવ્યું છે.