માતાને મેક-અપમાં જોઈ બાળક ઓળખી ન શક્યું, જોરથી રડતા બોલ્યો- મારી માતા ક્યાં છે? VIDEO VIRAL

મેકઅપ કોઈપણ ચહેરાને સુંદર બનાવે છે અને કેટલીકવાર મેકઅપ કર્યા પછી વ્યક્તિનો ચહેરો પણ ઓળખી શકાતો નથી. આવું જ કંઇક આ દિવસોમાં એક વાયરલ વીડિયોમાં જોવા મળી રહ્યું છે, જેમાં એક માતા મેક-અપ કરીને તેના પુત્ર પાસે ગઈ તો બાળક તેની માતાને ઓળખતો ન હોય તેમ જોર જોરથી રડવા લાગ્યો. આ બાળકની રડવાની અને ક્યૂટ સ્ટાઈલ સોશિયલ મીડિયા પર ખૂબ વાયરલ થઈ રહી છે. ચાલો તમને એ પણ બતાવીએ કે કેવી રીતે બાળકે તેની માતાને ઓળખવાની ના પાડી.

સોશિયલ મીડિયા પર અવાર નવાર એકથી એક જબરદસ્ત વીડિયો વાયરલ થતા હોય છે. ત્યારે આજે એક જબરદસ્ત ફની વીડિયો વાયરલ થયો છે. જો કે આવો વીડિયો પહેલા પણ વાયરલ થયો હતો જે બાદ તાજેતરમાં વાયરલ થયેલો આ વીડિયો જોઈને લોકો પેટપકડીને હસી રહ્યા છે.

માતા અને પુત્રનો આ ક્યૂટ વીડિયો ઈન્સ્ટાગ્રામ પર visagesalon1 નામના પેજ પર શેર કરવામાં આવ્યો છે. આ વીડિયોમાં તમે જોશો કે એક મહિલા પોતાનો મેકઅપ કરાવીને તૈયાર થઈ રહી છે અને તેની પાસે બેઠેલું બાળક જોર જોરથી રડી રહ્યું છે અને કહી રહ્યું છે કે તેની માતા ક્યાં છે? જ્યારે મહિલા કહે છે કે હું તારી માતા છું તો પુત્ર તેને ઓળખવાની ના પાડીને ભાગી ગયો હતો. જ્યારે સ્ત્રી પાસે જઈને પુત્રની પાસે બેસે છે અને તેને ખોળામાં ઊંચકે છે, ત્યારે તે હજુ પણ જાણે કોઈ અજાણી વ્યક્તિએ તેને પકડી રાખ્યો હોય તેમ રડે છે.

મા-દીકરાનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે અને નેટીઝન્સ તેના પર ફની કોમેન્ટ્સ કરી રહ્યા છે. એક યુઝરે કમેન્ટ કરી કે આવા મેકઅપનો શું ઉપયોગ છે કે બાળક પણ તેને બરાબર ઓળખી શકતું નથી. એક યુઝરે લખ્યું કે ચહેરા પર પાણીનો ગ્લાસ ફેંકો, હવે ઓળખાઈ જશે. તો બીજી તરફ અન્ય એક યુઝરે લખ્યું કે માતા પાસે તૈયારી કરવા માટે વધુ સમય નથી અને જ્યારે તે તૈયાર થાય છે ત્યારે ક્યારેક આવી પરિસ્થિતિઓ પણ સર્જાય છે. ફની કમેન્ટ કરતી વખતે એક યુઝરે લખ્યું કે જો બાળક તેને ઓળખે નહીં, તો સારું રહેશે, જો બાળકના પિતા તેને ઓળખશે નહીં, તો ગડબડ થઈ જશે.