લગ્ન પહેલા જ વિવાદમાં રોનાલ્ડો-જ્યોર્જિયાનો સંબંધ ! છૂટાછેડા થયા તો કંગાળ થઈ જશે ફૂટબોલર ? સામે આવ્યો એગ્રીમેન્ટ

ફેમસ પોર્ટુગીઝ ફૂટબોલર ક્રિસ્ટિયાનો રોનાલ્ડો અને તેની મંગેતર જ્યોર્જીના રોડ્રિગ્ઝે લગ્નની તારીખો અંગે ચાલી રહેલી અટકળો વચ્ચે, તેમના લગ્ન પહેલાના કરારે હેડલાઇન્સ બનાવી છે. સ્પેનિશ મીડિયા આઉટલેટ મુન્ડો ડેપોર્ટિવોના અહેવાલ મુજબ, બંને પક્ષોની કાનૂની ટીમોએ લગ્ન પહેલાના એગ્રીમેન્ટની તૈયાર કર્યો છે, જેમાં મોટા પ્રમાણમાં પૈસાની જોગવાઈઓનો ખુલાસો કરવામાં આવ્યો છે.

રોનાલ્ડો થઈ જશે કંગાળ !

સ્પેનિશ અખબાર મુન્ડો ડેપોર્ટિવોના એક અહેવાલમાં જણાવાયું છે કે ક્રિસ્ટિયાનો રોનાલ્ડો અને જ્યોર્જીના રોડ્રિગ્ઝે માટે કાનૂની ટીમોએ તેમના લગ્ન પહેલાના એગ્રીમેન્ટને અંતિમ સ્વરૂપ આપ્યું છે, અને તેની અંદરની વિગતો દરેકને આશ્ચર્યચકિત કરે છે. મૂળભૂત રીતે, જો લગ્ન પછી સંબંધમાં કોઈ મુશ્કેલી આવે છે, તો રોનાલ્ડોને મોટી રકમ ચૂકવવાની જરૂર પડશે તે અંગે દાવાઓ સૂચવે છે. આ દાવાઓ હવે સોશિયલ મીડિયા પર ચર્ચાઈ રહ્યા છે, જેના કારણે યુઝર્સ વિવિધ પ્રતિક્રિયાઓ આવી રહી છે.

માંગવામાં આવેલા ખર્ચ અને ભથ્થું જાણી માંથુ ચકરાઈ જશે.

જો લગ્નમાં કઈ ઉચ-નીચ કે પછી સંબંધમાં તિરાડ પડે અને વાત છૂટાછેડા સુધી પહોંચી જાય તો આ એગ્રીમેન્ટ હેઠળ, જ્યોર્જીના રોડ્રિગ્ઝને વ્યક્તિગત ખર્ચ માટે માસિક $121,000, આજીવન ભથ્થા તરીકે $110,000 અને બાળકોની સહાય માટે માસિક $500,000 ચૂકવવાના છે જેથી બાળકો વૈભવી લાઈફસ્ટાઈલ જીવી શકે. પરંતુ વાત ત્યાં પૂરી થતી નથી; અહેવાલો અનુસાર, લગ્ન પહેલાના કરારમાં એ પણ નક્કી કરવામાં આવ્યું છે કે જ્યોર્જીના રોડ્રિગ્ઝને $5.6 મિલિયન (મેડ્રિડ અને લિસ્બનમાં રિયલ એસ્ટેટ સહિત), તેની જીવનશૈલી જાળવવા માટે વાર્ષિક $2 મિલિયન, બે લક્ઝરી કાર, ખાનગી ફ્લાઇટ્સ અને દર વર્ષે બે વેકેશનની ટ્રિપ પર પણ લઈ જવી પડશે.

યુઝર્સે કહ્યું ભાઈ મોકો મળે છે -ભાગી જાઓ!”

જોકે રોનાલ્ડો અથવા તેની મંગેતર દ્વારા આ લગ્ન પહેલાના કરાર અંગે કોઈ સત્તાવાર નિવેદન જાહેર કરવામાં આવ્યું નથી, આ વિષયે સોશિયલ મીડિયા પર ચર્ચા જગાવી છે. એક યુઝરે ટિપ્પણી કરી, “તે ખરેખર ઉલટુ દહેજ લઈ રહી છે.” બીજાએ લખ્યું, “ભાઈ રોનાલ્ડો, તમારી પાસે તક છે – ભાગી જાઓ.” આ દરમિયાન, ત્રીજા યુઝરે ટિપ્પણી કરી, “મારો આખો પરિવાર સાત જનમમાં પણ આટલા પૈસા કમાઈ શકશે નહીં.”

Trending Video : અરે ગજબ ! દાંતથી ખેંચી કાર, IGને કોન્સ્ટેબલે અનોખી રીતે આપી વિદાય, વીડિયો થયો વાયરલ, આ સ્ટોરી વાંચવા અહીં ક્લિક કરો