મે મહિનામાં ભારતની આ જગ્યાઓ ફરવા માટે સારી છે, કુલ પાંચ હજારમાંમાં થશે શાનદાર પ્રવાસનું સપનું સાકાર

Binsar – બિનસાર
તમે ઉત્તરાખંડની કુમાઉ પહાડીઓ પર સ્થિત આ નાનકડા અને સુંદર ગામ બિનસારમાં વાઇલ્ડલાઇફ સફારીની સફરની યોજના બનાવી શકો છો. આ સાથે, તમને પહાડોથી ઘેરાયેલા આ ગામમાં આરામની થોડી ક્ષણો કુદરતના ખોળે વિતાવવાનો મોકો પણ મળશે. બિનસાર પહોંચવાનો શ્રેષ્ઠ અને સસ્તો રસ્તો બસ દ્વારા નૈનિતાલ અથવા અલ્મોડાથી જઈ શકાય છે. રહેવા -જમવા અને બસ ભાડું 4000 રૂપિયા જેટલું આવી શકે છે.

Hrishikesh – ઋષિકેશ
ગંગા નદીમાં રાફ્ટિંગ માટે લોકપ્રિય, ઋષિકેશ સાહસ પ્રેમીઓ માટે સારું સ્થળ છે. જો તમે બજેટમાં આ સુંદર શહેરની મુલાકાત લેવા માંગો છો, તો સસ્તી મુસાફરી માટે અત્યારે જ બસ ટિકિટ બુક કરો. અહીં પહોંચવા માટે તમારે હરિદ્વાર જવું પડશે. અહીંથી તમે ઋષિકેશ માટે બસ અથવા શેરિંગ ઓટો સુવિધા મેળવી શકો છો. બસની ટિકિટ 200 રૂપિયાથી 1400 રૂપિયા સુધી શરૂ થઈ શકે છે. અહીંયા રૂમનું ભાડું 1 વ્યક્તિ માટે 150 રૂપિયાથી શરુ થાય છે.

Kasaul – કસોલ
તેના અદભુત ટ્રેકિંગ ટ્રેલ્સ માટે લોકપ્રિય, તમે કસોલમાં ભરપૂર કુદરતી સૌંદર્યના સાક્ષી બની શકો છો. માર્ચથી જૂન મહિનામાં દુનિયાભરમાંથી લોકો આ હિલ સ્ટેશન પર ખુશનુમા વાતાવરણનો આનંદ માણવા આવે છે.દિલ્હીથી તમે બસ દ્વારા કુલ્લુ અને અહીંથી કેબ અથવા ટેક્સી દ્વારા કસોલ પહોંચી શકો છો. બસનું વન-વે ભાડું રૂ.800 આસપાસ છે.

Udaipur – ઉદયપુર
તળાવો અને મહેલોના શહેર તરીકે વિશ્વપ્રસિદ્ધ સ્થળ ઉદયપુર બધા લોકોનું પ્રિય છે. આ શહેર જોવા અને મુસાફરીની દૃષ્ટિએ થોડું મોંઘું લાગે છે, પરંતુ જો તમે તમારા બજેટમાં રહીને અહીં ફરવાનું પ્લાનિંગ કરવા માંગો છો, તો તે પણ શક્ય છે. દિલ્હીથી ઉદયપુર સુધીની ટ્રેનની મુસાફરી લગભગ રૂ. 400 પ્રતિ વ્યક્તિથી શરૂ થાય છે. અહીં રહેવા માટે હોટેલ્સમાં તપાસ કરવાને બદલે, તમે હોસ્ટેલ શોધી શકો છો. અહીં એક દિવસ માટે રહેવા, ફરવા અને ખાવાનો કુલ ખર્ચ 800 થી 3000 રૂપિયા પ્રતિ વ્યક્તિ આવે છે.

Varanasi – વારાણસી વિશ્વનું સૌથી લોકપ્રિય અને સૌથી જૂનું શહેર બનારસ એટલે કે વારાણસી વિશ્વના પ્રખ્યાત પર્યટન સ્થળોમાંનું એક છે. તમે વારાણસીના ઘાટ પર ભવ્ય ગંગા આરતીનો અનુભવ કરી શકો છો. કાશી વિશ્વનાથ મંદિર સહિત તેની આસપાસના અનેક મંદિરોની પણ મુલાકાત લઈ શકો છો. વારાણસી પહોંચવાનો સૌથી સસ્તો રસ્તો ટ્રેન છે. વન-વે પ્રવાસ માટેની ટિકિટની કિંમત રૂ. 420 થી શરૂ થાય છે. રહેવા માટે ઘણી હોસ્ટેલ છે જ્યાં એક રાત્રિ રોકાણનું ભાડું રૂ.150 છે. અહીં એક રાત રહેવાનો કુલ ખર્ચ 200 થી 1000 રૂપિયા પ્રતિ વ્યક્તિ આવી શકે છે.