Fastag નો ઉપયોગ કરો છો તો જાણી લો આ 5 નિયમ નહીં તો ચૂકવવો પડશે ડબલ ચાર્જ
વાહનોમાં હવે ફાસ્ટેગ (Fastag) અનિવાર્ય થઇ ગયુ છે. ટોલ ટેક્સ હવે ફાસ્ટેગના માધ્યમથી જ લેવામાં આવે છે. તમારે ટોલ ટેક્સ પર ઉભા રહીને કેશ આપવાની હવે જરૂર રહેતી નથી. સેંસરની મદદથી તમારા એકાઉન્ટમાંથી જાતે જ પૈસા કપાય જાય છે.
વાહનોમાં હવે ફાસ્ટેગ અનિવાર્ય થઇ ગયુ છે. ટોલ ટેક્સ હવે ફાસ્ટેગના માધ્યમથી જ લેવામાં આવે છે.
તમારે ટોલ ટેક્સ પર ઉભા રહીને કેશ આપવાની હવે જરૂર રહેતી નથી. સેંસરની મદદથી તમારા એકાઉન્ટમાંથી જાતે જ પૈસા કપાય જાય છે.
ફાસ્ટેગને લઇને હવે કેટલાક નિયમો પણ બનાવી દેવામાં આવ્યા છે જેના વિશે તમારે જાણવુ જરૂરી છે. ફાસ્ટેગના આ નિયમોની જો તમને જાણકારી ન હોય તો તમારા માટે મુસીબત ઉભી થઇ શકે છે. તેવામાં જો તમે ફાસ્ટેગનો ઉપયોગ કરો છો તો જાણી લો આ નિયમો.
જો તમારી પાસે ફાસ્ટેગ નથી અને તમે જો તમારી ગાડીને ટોલ પ્લાઝા (Toll Plaza) પર ફાસ્ટેગની લાઇનમાં લગાવી દીધી તો તમારે બે ગણા રૂપિયા ચૂકવવા પડશે.
જો ઓછા બેલેન્સને કારણે તમારુ ફાસ્ટેગ કામ નથી કરતુ અથવા તો તમારુ ફાસ્ટેગ ડેમેજ થઇ ગયુ છે અને ફાસ્ટેગની લાઇનમાં ઘૂસી ગયા તો પણ તમારે ડબલ રૂપિયા ચૂકવવા પડશે.
જો તમે તમારી ગાડી માટે થર્ડ પાર્ટી ઇન્શ્યોરન્સ લઇ રહ્યા છો તો તેના માટે પણ ફાસ્ટેગની જરૂર પડશે. આ નિયમ પહેલા ન હતો એટલે જ્યારે પણ તમે ઇન્શ્યોરન્સ માટે જતા હોય તો ફાસ્ટેગનું ધ્યાન રાખો.
કોઇ પણ વ્યક્તિ એક જ ફાસ્ટેગને તેની અલગ અલગ ગાડીઓ માટે યૂઝ નથી કરી શકતો. એક ફાસ્ટેગ ફક્ત એક જ ગાડી માટે હોય છે. જો તમારી પાસે એક કરતા વધારે ગાડી છે તો તમારે અલગ અલગ ફાસ્ટેગ ઇસ્યૂ કરાવવા પડશે.
જો તમે કોઇ ટોલ પ્લાઝા પાસેથી વારંવાર ટ્રાવેલ કરો છો તો તમે બેન્કની મદદ લઇને મંથલી પાસ પણ બનાવડાવી શકો છો.
