Tik-Tok સહિત 59 ચાઈનીઝ એપ પર લાગ્યો હંમેશા માટે પ્રતિબંધ? શું કહે છે રિપોર્ટ

Tik-Tok Ban : ઇલેક્ટ્રોનિક્સ અને માહિતી ટેકનોલોજી મંત્રાલયે જૂન મહિનામાં વિડિઓ એપ્લિકેશન Tik-Tok સહિત અન્ય 58 ચીની એપ્લિકેશનો પર કાયમી પ્રતિબંધ લાદવા માટે નવી નોટિસ ફટકારી છે. એક મીડિયા સંસ્થાએ આ બાબતે થઈને મંત્રાલયનો સંપર્ક  કરવાનો પ્રયાસ કર્યો હતો પરંતુ કામકાજની કલાકો દરમ્યાન મુલાકાત નહીં મળતા  તેમનો સંપર્ક થયો નહીં. Tik-Tokના એક પ્રતિનિધિના એક નિવેદનમાં કહેવામાં આવ્યું હતું કે કંપની આ નોટિસનું મૂલ્યાંકન કરી રહી છે અને તે યોગ્ય જણાશે ત્યારે તેનો જવાબ આપશે.

Tik-Tok Ban

સિક્કિમના નાકુ લા ખાતે ચીની સૈન્ય સાથેના નવા ઝઘડા વચ્ચે હવે તે પ્રકાશમાં આવ્યું છે કે નરેન્દ્ર મોદી સરકાર અત્યંત લોકપ્રિય Tik-Tok સહિત 59 ચીની એપ્સ પર કાયમી પ્રતિબંધ (ban) લાદવાની તૈયારી કરી રહી છે.

એક અહેવાલ મુજબ, સરકાર દ્વારા ગયા વર્ષે જૂન મહિનામાં પ્રતિબંધ લાદવામાં આવ્યાના મહિના પછી, Information & Technology મંત્રાલયે લોકપ્રિય વિડિઓ એપ્લિકેશન Tik-Tok અને 59 અન્ય ચીની એપ્લિકેશનો પર કાયમી પ્રતિબંધ લાદવાની નવી નોટિસ ફટકારી છે.