Tokyo Olympics: ભારતીય રેસલર બજરંગ પુનીયા કિર્ગીસ્તાની પહેલવાનને હરાવી ક્વાર્ટર ફાઇનલમાં પહોંચ્યો

ટોક્યો ઓલિમ્પિક (Tokyo Olympics 2020) માં ફ્રિ સ્ટાઇલ રેસલીંગમાં ભારતના પહેલવાન બજરંગ પુણીયા (Bajrang Punia) 65 કિલોગ્રામ વર્ગમાં કિર્ગીસ્તાનના એર્નાઝર અકમાતાલીવ ( Ernazar AKMATALIEV) સામે મેદાને ઉતર્યો હતો. પ્રથમ પિરીયડમાં તેણે શાનદાર રમત દર્શાવી હતી. બજરંગ પ્રથમ બાઉટને જીત્યો હતો. પ્રથમ પિરીયડમાં બજરંગ હરીફને ભારે પડી રહ્યો હતો.

પુણીયાએ પ્રથમ પિરીયડ 3-1 થી પોતાના નામે કરી લીધુ હતુ. બીજા પિરીયડમાં બજરંગે હરીફના પગને પકડીને દાવ લગાવવાનો કોશિષ કરી હતી. પરંતુ બીજો પગ હાથમાં નહી આવતા તે ચુક્યો હતો. જોકે અંતિમ 30 સેકન્ડમાં બીજા પિરીયડમાં બજરંગ આગળ રહ્યો હતો. પરંતુ કિર્ગીસ્તાની રેસલરે અચાનક આક્રમકતા અપનાવી હતી. આમ બંને એ 1-1 પોઇન્ટ મેળવી બરાબરી કરી હતી. અંતમાં બજરંગ પુનિયાને મોટો દાવ રમવાને ળઇને ટેકનીક આધારીત વિજેતા ઘોષીત કર્યો હતો. આમ હવે થોડી વારમાં પુણીયાની મેચ ઇરાન સામે મોર્તઝા સાથે થોડીવારમાં થશે.