IND vs NZ T20 WC Warm up Matches: ભારતીય ક્રિકેટ ટીમે આઈસીસી ટી 20 વર્લ્ડકપ (T20 World Cup 2022)માં સોમવારના રોજ પોતાની પ્રથમ વોર્મ અપ મેચ રમી હતી. આ મેચમાં તેણે ઓસ્ટ્રેલિયાને માત આપી હતી. હવે ટીમ ઈન્ડિયાની આજે બીજી વોર્મ મેચ છે જે ન્યુઝીલેન્ડની સામે છે. પ્રથમ મેચમાં ભારતીય ટીમે (Ind Vs Nz) શાનદાર પ્રદર્શન કર્યું હતુ. આજ આત્મવિશ્વાસ સાથે ભારતીય ટીમ આજે મેદાનમાં ઉતરશે, ભારતીય ટીમ બીજી વોર્મ મેચ પણ જીતવાની કોશિશ કરશે.
ભારતીય ટીમ 23 ઓક્ટોબરના રોજ આ વર્લ્ડ કપમાં પોતાની પ્રથમ મેચ રમશે. આ પહેલા ભારતીય ટીમ વોર્મઅપ મેચ રમવાની છે. જેમાં ભારતીય ટીમ વોર્મઅપ મેચમાં શાનદાર પ્રદર્શન કરવા માંગશે.આ દૃષ્ટિએ આ વોર્મ-અપ મેચ તેના માટે ખૂબ જ મહત્વપૂર્ણ છે. ન્યુઝીલેન્ડ સામે પણ તે પોતાની તૈયારીઓને ચકાસવા માટે કોઈ કસર છોડવા માંગશે નહીં.
ન્યુઝીલેન્ડ સામે રમાનાર બીજી વોર્મ-અપ મેચમાં ભારતીય ટીમના કેપ્ટન રોહિત શર્મા પર ઝીણવટભરી નજર રહેશે. રોહિતનું તાજેતરનું ફોર્મ ચિંતાનો વિષય છે. . ઓસ્ટ્રેલિયા સામેની છેલ્લી મેચમાં રોહિત ખૂબ જ ધીમી બેટિંગ કરી રહ્યો હતો. જ્યારે રાહુલ 49 રન પર હતો ત્યારે રોહિતના ખાતામાં માત્ર એક રન હતો. પાકિસ્તાન સામેની મોટી મેચ પહેલા આ વોર્મ-અપ મેચમાં રોહિતને તેની ગતિ પાછી મેળવવાની તક મળશે.
મેચ ક્યારે, ક્યાં અને કેવી રીતે જોવી
ભારત અને ન્યુઝીલેન્ડ વચ્ચે પ્રથમ T20 વર્લ્ડ કપ વોર્મ-અપ મેચ 19 ઓક્ટોબરના રોજ રમાશે.
ભારત અને ન્યુઝીલેન્ડ વચ્ચે પ્રથમ T20 વર્લ્ડ કપ વોર્મ-અપ મેચ બ્રિસ્બેનમાં રમાશે.
ભારત અને ન્યુઝીલેન્ડ વચ્ચે પ્રથમ T20 વર્લ્ડ કપ વોર્મ-અપ મેચ બપોરના 1 30 કલાકે શરુ થશે.
ભારત અને ન્યુઝીલેન્ડ વચ્ચે પ્રથમ T20 વર્લ્ડ કપ વોર્મ-અપ મેચનું લાઈવ ટેલીક્સ્ટ સ્ટાર સ્પોર્ટ્સ ચેનલો પર હિન્દી, અંગ્રેજી, તેલુગુ, તમિલ અને કન્નડ ભાષાઓમાં થશે.
ભારતની પ્રેક્ટિસ મેચ હોટસ્ટાર પર લાઈવ સ્ટ્રીમિંગ થશે. તમે tv9gujarati.com પર મેચના લાઈવ અપડેટ્સ પણ વાંચી શકો છો.