ઈન્ડિયન ક્રિકેટરોને કરિયરમાં હાઈટ ક્યારેય બાધા નથી બની, જાણો ખેલાડીઓની ઊંચાઈ
કોઈ પણ રમત હોય તેમાં ખેલાડીની ઉંચાઈ મહત્વ ધરાવે છે. જો કે સારી ઊંચાઈ હોવાથી હંમેશા બોલરો અને બેટ્સમેન માટે એક મોટો ફાયદો પણ માનવામાં આવે છે. લાંબા બેટ્સમેન ટૂંકા બેટ્સમેન કરતાં વધુ સારી બેટિંગ કરે છે, ઊંચા બેટ્સમેન સરળતાથી વધુ સિક્સર મારી શકે છે એવી માન્યતા હોય છે પણ એવું ક્યારેય થયું નથી. કોઈ પણ ક્રિકેટરના કરિયર પર ક્યારેય ઊંચાઈ નડી નથી.
વોશિંગ્ટન સુંદર એ પણ ભારતીય ક્રિકેટના ઉભરતા સ્ટાર છે. જેમણે 2017માં ભારતીય ક્રિકેટ ટીમ માટે પદાર્પણ કર્યું હતું. 6 ફૂટની ઊંચાઈ સાથે તે ભલે સૌથી ઉંચો ક્રિકેટરોમાંનો એક ન હોય, પરંતુ તેની પાસે ચોક્કસ વધારે પ્રતિભા અને કુશળતા છે.
ક્રિકેટર તરીકે અક્ષર પટેલની ઊંચાઈ 6 ફૂટ છે. 16 ફેબ્રુઆરી 2021ના રોજ, ઈંગ્લેન્ડ સામેની 2જી ટેસ્ટ દરમિયાન તે તેની ડેબ્યૂ ટેસ્ટ મેચમાં પાંચ વિકેટ લેનારા નવમા ઈન્ડિયન બોલર બન્યા. દિલીપ દોશી પછી તે આવું કરનારા બીજો લેફ્ટિ સ્પિનર બન્યા છે.
ભારતીય ઓલરાઉન્ડર હાર્દિક પંડ્યા તેની વિસ્ફોટક બેટિંગ, સચોટ બોલિંગ અને એથ્લેટિક ફિલ્ડિંગ માટે ચાહકોનો પ્રિય છે. 6 ફૂટની ઊંચાઈ સાથે પંડ્યાએ ઝડપથી પોતાને ભારતીય ટીમના સૌથી રોમાંચક ખેલાડીઓમાંના એક તરીકે સ્થાપિત કર્યા છે.
ફાસ્ટ બોલર ઉમેશ યાદવ ભલે 5 ફૂટ 11 ઈંચ લાંબો હોય, પરંતુ તેણે ક્રિકેટની દુનિયામાં પોતાની ઓળખ ચોક્કસ બનાવી છે. તેણે 2010 માં આંતરરાષ્ટ્રીય ક્રિકેટમાં પ્રવેશ કર્યો હતો.
ભારતીય બેટ્સમેન કેએલ રાહુલની ઊંચાઈ 5 ફૂટ 11 ઈંચ છે. તેણે 2014માં તેની આંતરરાષ્ટ્રીય કારકિર્દીની શરૂઆત કરી હતી અને ત્યારથી તેણે પોતાને ભારતીય ટીમમાં સારા બેટ્સમેન તરીકે પોતાને સ્થાપિત કર્યો છે.
ઈશાન કિશન એક ભારતીય આંતરરાષ્ટ્રીય ક્રિકેટર છે જે ભારતીય રાષ્ટ્રીય ક્રિકેટ ટીમ માટે વિકેટ-કીપર બેટ્સમેન તરીકે રમે છે. તેની ઊંચાઈ 5 ફુટ 6 ઈંચ છે.
ભારતીય ક્રિકેટ ટીમના ભૂતપૂર્વ ખેલાડી અને ક્રિકેટના ભગવાન સચિન તેંડુલકરની ઊંચાઈ 5 ફૂટ 5 ઈંચ છે. સચિનની ક્રિકેટ કારકિર્દીમાં ઊંચાઈ ક્યારેય અડચણ ન બની. સચિન તેંડુલકરે લગભગ 24 વર્ષથી ભારતીય ટીમ માટે ક્રિકેટ રમી છે.
ભારતીય ક્રિકેટ ટીમના ભૂતપૂર્વ ખેલાડી અને વિકેટકીપર બેટ્સમેન પાર્થિવ પટેલની ઊંચાઈ 5 ફૂટ 4 ઈંચ છે. ઉંચાઈમાં નાના હોવા છતાં પાર્થિવ પટેલ ડોમેસ્ટિક અને ઈન્ટરનેશનલ ક્રિકેટમાં લાંબો સમય ક્રિકેટ રમ્યા છે.
