આજે રવિવારે ભારત અને શ્રીલંકા ( India vs Sri Lanka ) વચ્ચે વન ડે શ્રેણીની પ્રથમ મેચ રમાનારી છે. કોલંબોમાં રમનારી વન ડે શ્રેણીમાં ભારતીય ટીમમાં નવા ચહેરાઓ અને યુવા સામેલ છે. બેચ સ્ટ્રેન્થમાંથી તૈયાર કરેલી ટીમ આંતરરાષ્ટ્રીય કસોટી પાર પાડવા આજે મેદાને ઉતરશે. શિખર ધવન ( Shikhar Dhawan ) કેપ્ટન તરીકે આજે ડેબ્યૂ કરશે. ટીમ ઇન્ડીયા ( Team India ) માં આજે અનેક મોટા ખેલાડીઓની ગેરહાજરી છે. જોકે આમ છતાં શ્રીલંકા સામે ભારતીય ટીમ ખૂબ મજબૂત છે.
પ્રથમ વનડે મેચનો ટોસ શ્રીલંકાએ જીત્યો છે. અને પહેલા બેટીગ કરવાનો નિર્ણય કર્યો છે. ભારત તરફથી આંતરરાષ્ટ્રીય વન ડેમાં સૂર્યકુમાર અને ઈશાન કિશને પ્રવેશ કર્યો છે. જો કે શિખર ધવનની આગેવાની હેઠળની ટીમને, આઈપીએલ મેચ રમવાનો બહોળો અનુભવ છે. અને શ્રીલંકાની સરખામણીએ, ભારત વધુ મજબૂત જણાઈ આવે છે.
દિપક ચહર અને ભુવનેશ્વર કુમારે પ્રથમ ત્રણ ઓવરમાં રાહત આપ્યા બાદ, આ વખતે થોડી લગામ કસી લીધી છે. બંનેએ શ્રીલંકાના બેટ્સમેનને ઓફ સ્ટમ્પની લાઇનમાં બાંધી રાખ્યા હતા અને મુક્ત રીતે રમવાનો મોકો આપ્યો ન હતો. જોકે, શ્રીલંકાના બેટ્સમેન પણ કોઈ પણ પ્રકારની ઉતાવળના મૂડમાં નથી અને તેઓ પોતાની ઉપર સંયમ રાખી રહ્યા છે.
શ્રીલંકાના ઓપનર શરુઆતની રમતમાં કોઈપણ પ્રકારની મુશ્કેલીમાં જણાતા નથી. બંને બેટ્સમેન ભારતીય બોલરોને આસાનીથી રમી રહ્યા છે. ભુવનેશ્વર કુમારની બીજી ઓવર મુશ્કેલ નથી રહી અને શ્રીલંકાના ઓપનરોએ ભૂવીની બીજી ઓવરમાં પણ રન નિકાળ્યા.
શ્રીલંકાની ઇનીંગ શરુ થઇ ચુકી છે. ભારત તરફ થી ભૂવનેશ્વરે ભારત તરફ થી બોલીંગની જવાબદારી સંભાળી છે. શ્રીલંકા માટે અવિષ્કા ફર્નાન્ડો અને મિનોદ ભાનુકા ઓપનિંગ માટે માટે આવ્યા છે. ભાનુકા માટે આ બીજી વન ડે મેચ છે.
Published On - 3:38 pm, Sun, 18 July 21