ભારત અને શ્રીલકા (India vs Srilanka) વચ્ચે T20 સિરીઝની પ્રથમ T20 મેચ ભારતે જીતી લીધી હતી. મેચમાં શ્રીલંકાએ ટોસ જીતીને પ્રથમ બોલીંગ કરવાનો નિર્ણય કર્યો હતો. ભારતે પ્રથમ બેટીંગ કરતા 165 રનનુ લક્ષ્યાંક 5 વિકેટ ગુમાવીને રાખ્યુ હતુ. શ્રીલંકા એ 50 ના સ્કોરે પહોંચતા જ 2 વિકેટ ગુમાવી દીધી હતી. શ્રીલંકા 18.3 ઓવરમાં 126 રને સમેટાઇ જતા ભારતનો 38 રને વિજય થયો હતો. ભૂવનેશ્વર કુમારે (Bhuvneshwar Kumar) 4 વિકેટ ઝડપી હતી.
શિખર ધવન (Shikhar Dhawan) ની કેપ્ટનશીપમાં ભારતે T20 શ્રેણીમાં જીત સાથે શરુઆત કરી હતી. ત્રણ મેચ ની સિરીઝમાં ભારતીય ટીમ તરફ થી પૃથ્વી શો (Prithvi Shaw) અને મિસ્ટ્રી સ્પિનર વરુણ ચક્રવર્તી (Varun Chakravarthy)એ ડેબ્યૂ કર્યુ હતુ. બંને ખેલાડીઓને T20 આંતરરાષ્ટ્રીય સ્તરે મોકો આપ્યો હતો. ભારતીય ટીમ (Team India) તરફ થી ડેબ્યૂટન્ટ પૃથ્વી શો તેના T20 આંતરરાષ્ટ્રીય કરિયર અને મેચના પ્રથમ બોલે જ શૂન્ય પર આઉટ થયો હતો.
શ્રીલંક ઓપનર આવિષ્કા ફર્નાન્ડોએ શરુઆત સારી કરવા પ્રયાસ કર્યો હતો. જોકે ઓપનીંગ જોડી 23 રનના સ્કોર પર જ તૂટી ગઇ હતી. પ્રથમ વિકેટના સ્વરુપે મિનોદ ભાનુકા આઉટ થયો હતો. તે 10 રન કરીને પરત ફર્યો હતો. ધનજ્ય ડી સિલ્વા 48 ના સ્કોર પર આઉટ થયો હતો. તેણે 9 રન 10 બોલમાં બનાવ્યા હતા. આવિષ્કા ત્રીજી વિકેટના રુપે આઉટ થયો હતો. તેમે 23 બોલમાં 26 રન બનાવ્યા હતા. તેની વિકેટ ગુમાવતા જ શ્રીલંકા દબાણમાં આવી ચુક્યુ હતુ.
ચરીથ અસલંકાએ ટીમની જવાબદારી સ્વિકારી રમત રમી હતી. જોકે અસલંકા દિપક ચાહરની જાળમાં ફસાઇ ગયો હતો. તે 26 બોલમાં 44 રન કરીને વિકેટ ગુમાવી હતી. તેણે 3 સિક્સ લગાવી હતી. હસારંગા શૂન્ય રને જ બોલ્ડ થયો હતો. એશન બંદારા એ 19 બોલમાં 9 રન કરીને આઉટ થયો હતો. કેપ્ટન દાસુન શનાકા સ્ટમ્પિંગ આઉટ થયો હતો. તેમણે 16 રન બનાવ્યા હતા. ઇસુરુ ઉડાનાએ 1 રન બનાવ્યા હતો.
ભૂવનેશ્વર કુમારે કમાલની બોલીંગ કરી હતી. તેણે 4 વિકેટ મેળવી હતી. ભૂવી એ 3.3 ઓવર કરીને 22 રન આપ્યા હતા. દિપક ચાહરે 3 ઓવરમાં 24 રન આપીને 2 વિકેટ મેળવી હતી. વરુણ ચક્રવર્તીએ ડેબ્યૂ મેચમાં પ્રભાવી પ્રદર્શન કર્યુ હતુ. વરુણે 4 ઓવરમાં 28 રન આપી 1 વિકેટ ઝડપી હતી. યુઝવેન્દ્ર ચહલે 4 ઓવરમાં 19 રન ગુમાવી 1 વિકેટ મેળવી હતી. હાર્દિક પંડ્યાએ 2 ઓવર માં 17 રન આપી 1 વિકેટ મેળવી હતી. કૃણાલ પંડ્યાએ 2 ઓવરમાં 16 રન આપી 1 વિકેટ ઝડપી હતી.
ભારતીય ટીમ: શિખર ધવન (કેપ્ટન), પૃથ્વી શો, ઇશાન કિશન (વિકેટકીપર), સંજુ સેમસન, સૂર્યકુમાર યાદવ, હાર્દિક પંડ્યા, કૃણાલ પંડ્યા, દીપક ચહર, ભુવનેશ્વર કુમાર, વરૂણ ચક્રવર્તી અને યુઝવેન્દ્ર ચહલ.
શ્રીલંકા ટીમ: દાસુન શનાકા (કેપ્ટન), અવિષ્કા ફર્નાન્ડો, મિનોદ ભાનુકા (વિકેટકીપર), એશેન બંદારા, ધનંજય ડી સિલ્વા, ચરીથ અસલંકા, ચામિકા કરુણારત્ને, વાનીંદુ હસારંગા, ઇસુરુ ઉડાના, દુષ્મંતા ચમિરા અને અકિલા ધનંજયા.
શ્રીલંકાએ 8મી વિકેટ કેપ્ટન શનાકાના રુપમાં ગુમાવી હતી. વિકેટ કીપર ઇશાન કીશને ચપળતાપૂર્વક સ્ટંમ્પિગ આઉટ કરતા શ્રીલંકાએ વિકેટ ગુમાવી હતી.
દિપક ચાહરે કમાલ કર્યો, દિપક ચાહરે પહેલા અસલંકાની વિકેટ ઝડપવા બાદ 16 મી ઓવરમાં વધુ એક વિકેટ હસારંગાની ઝડપી હતી. હસારંગાને તેણે ક્લીન બોલ્ડ કર્યો હતો. શ્રીલંકાએ છઠ્ઠી વિકટ ગુમાવી હતી.
અસલંકાની વિકેટ મેળવવા માટે કેપ્ટન શિખર ધવન બોલીંગમાં પ્રયોગ કરવામાં સફળ રહ્યો હતો. દિપક ચાહરને બોલીંગ ની જવાબદારી સોંપી હતી. દિપક ચાહર ધવનની ઇચ્છાને સંતોષી લેવા સફળ રહ્યો હતો. આ સાથે જ ભારતના પક્ષે મેચ મજબૂત થઇ હતી. શ્રીલંકા માટે અસલંકાની વિકેટ ગુમાવવી ટર્નીંગ પોઇન્ટ રુપ બની રહેશે.
15 મી ઓવર ને યુઝવેન્દ્ર ચહલ લઇ આવ્યો હતો. કેપ્ટન શીખર ધવનની બોલીંગની હવેની ઓવરોમાં કસોટી થઇ રહી છે. તેણે બોલીંગમાં હવે ચહલને પરત ઉતાર્યો હતો. અસલંકાની રમતને અટકાવવી ભારત માટે જરુરી બની ચુકી છે.
અસલંકાએ બાઉન્ડરી લગાવીને સતત દબાણને હળવુ કરવા પ્રયાસ જારી રાખ્યો છે. તેણે વધુ એક બાઉન્ડરી મેળવી છે. આ પહેલા તેણે સીક્સ લગાવી હતી.
શ્રીલંકાએ 13.5 ઓવરમાં 100 રનના આંકે પહોચ્યુ હતુ. જીત માટે શ્રીલંકાને હવે 6 ઓવરમાં 65 રન ની જરૂર છે.
અસલંકાએ દબાણ વચ્ચે સ્કોર બોર્ડને આગળ વધારવાનો પ્રયાસ જારી રાખ્યો હતો. વરુણ ચક્રવર્તીના બોલ પર તેણે જબરદસ્ત સિક્સ લગાવી હતી.
13 મી ઓવરમાં હાર્દિક પંડ્યાએ હાર્દિક પંડ્યાએ જબરદસ્ત સમયે ભારતને સફળતા અપાવી હતી. એશેન બંદારાને ક્લીન બોલ્ડ કર્યો હતો. આમ શ્રીલંકાએ 4 વિકેટ ગુમાવી હતી.
11 મી ઓવર લઇને આવેલા યુઝવેન્દ્ર ચહલની ઓવરમાં અસલંકાએ બાઉન્ડરી લગાવી હતી. દબાણને દૂર કરવા માટે શ્રીલંકાને બાઉન્ડરી જરુરી બની ચુકી છે.
શ્રીલંકની ટીમ 3 વિકેટ ગુમાવ્યા બાદ દબાણની સ્થિતી અનુભવવા લાગ્યુ છે. 10મી ઓવરના અંતે હવે જરુરી રન રેટ નો આંક વધી ચુક્યો છે. જે હાલમાં 10.1 છે. જ્યારે શ્રીલંકન બેટ્સમેનો હાલમાં 6.4 ની સરેરાશ થી રમી રહ્યા છે.
હાર્દિક પંડ્યાએ બોલીંગમાં આવતા જ અસલંકાએ સિક્સ લગાવી હતી.
ભૂવનેશ્વર કુમારે 8 મી ઓવર લઇ આવવા દરમ્યાન આવિષ્કાને પેવેલિયનનો રસ્તો દેખાડ્યો હતો. આવિષ્કાએ 26 રન 23 બોલમાં કર્યા હતા. 8 મી ઓવરમાં ભૂવનેશ્વર કુમારે 2 રન આપ્યા હતા. આમ હવે શ્રીલંકન ટીમ પર દબાણ વધ્યુ હતુ.
કૃણાલ પંડ્યાએ પ્રથમ વિકેટ ઝડપી લઇને શ્રીલંકાની ઓપનીંગ જોડીને તોડી પાડી હતી. ભારતને કૃણાલે પ્રથમ સફળતા અપાવી હતી.
શિખર ધવને 46 રન બનાવ્યા હતા. તે સેટ થઇ ચુક્યો હતો અને તેણે આક્રમક રમત અપનાવી હતી. આ દરમ્યાન જ તે મોટો શોટ આગળ આવીને રમવા જતા કેચ આઉટ થયો હતો.
ઇસુરુ ઉડાનીનેી ઓવરમાં સૂર્યકુમાર યાદવે ચોગ્ગો લગાવ્યો હતો . શિખર ઘવન અને સૂર્યકુમાર યાદવે ભાગીદારી રમત લાંબી કરતા બંને એ હવે બાઉન્ડરી લગાવવાના પ્રયાસ શરુ કર્યા હતા.
ભારતને સેમસનના આઉટ થવાને લઇને બીજો ઝટકો લાગી ચુક્યો છે. સેમસન 20 બોલમાં 27 રનની શાનદાર ઇનીંગ રમ્યો હતો. તેણે 2 ચોગ્ગા અને 1 સિક્સ લગાવી હતી.
સંજૂ સેમસને છઠ્ઠી ઓવરના પ્રથમ બોલે વિશાળ સિક્સર લગાવી હતી.
ફિઝીયોને અંપાયરે કોલ આપ્યો હતો. જેને લઇને ફિઝયોએ દોડી આવી સેમસનનુ નિરીક્ષણ કર્યુ હતુ. ત્યાર બાદ સેસમનની રમત ફરી આગળ વધી હતી.
ભારતે પ્રથમ વિકેટ ઓપનર પૃથ્વી શોની વિકેટ ગુમાવી હતી. પ્રથમ બોલ પર જ ચામિરાએ શોની વિકેટ ઝડપી હતી.
Published On - 11:28 pm, Sun, 25 July 21