IND vs ENG 2nd Test Day 2 Highlights: બીજા દિવસની રમત સમાપ્ત, ઇંગ્લેન્ડ 3 વિકેટ ગુમાવી 119 રન કરી ભારત થી 245 રન પાછળ

રવિન્દ્ર જાડેજાએ રન આઉટનો ચાન્સ લેવા માટે ઝડપ થી થ્રો લગાવતા, બોલ સીધો જ બાઉન્ડરી પાર પહોંચ્યો હતો.

રોરી બર્ન્સ અર્ધશતક ચુક્યો હતો. તે 49 રને મહંમદ શામીના બોલનો શિકાર બન્યો હતો. અંપાયરે અપીલ પર LBW આઉટ આપ્યો હતો. બર્ન્સે રીવ્યૂ લેતા તેમાં તે આઉટ હોવાનો જ નિર્ણય સામે આવ્યો હતો.

ઇંગ્લેન્ડ 108-3

જો રુટે બુમરાહની ઓવર દરમ્યાન ચોગ્ગો લગાવ્યો હતો. આમ ટીમ હવે 100 રનની નજીક પહોંચવા તરફ આગળ વધી રહી છે.

ઇંગ્લેન્ડ 91-2

અંતિમ 10 ઓવર દરમ્યાન ઇંગ્લેન્ડની ટીમની રનની ઝડપ વધી હતી. સ્કોર બોર્ડ શરુઆતની ઓવર દરમ્યાન ખૂબ જ ઘીમે ચાલી રહ્યુ હતુ. પરંતુ બર્ન્સ અને રુટના ચોગ્ગાઓ ભરી રમતને લઇને સ્કોર બોર્ડ દોડવા લાગ્યુ હતુ. પરીણામે અંતિમ 10 ઓવરમાં ઇંગ્લેન્ડની ટીમના સ્કોર બોર્ડમાં 42 રન ઉમેરાયા હતા.

ઇશાંત શર્માની ઓવર દરમ્યાન  બર્ન્સે ચોગ્ગો લગાવ્યો હતો. આ સાથે ટીમનો સ્કોર 78 રન પર પહોંચ્યો હતો.

ઇશાંત શર્માના બોલ પર એક બાદ એક બે ચોગ્ગા રુટે લગાવ્યા હતા.  જેને લઇને એકાએક જ ઇંગ્લેન્ડનુ સ્કોર બોર્ડ ઝડપી બની ગયુ હતુ.

ઇંગ્લેન્ડ 62-2

સિરાજની ઓવર દરમ્યાન બર્ન્સે  ત્રણેય બાઉન્ડરી લગાવી હતી. ધીમી ધીમે કરીને ઇંગ્લેન્ડે રમતને આગળ વધારી હતી, ત્યા જ સિરાજની બોલીંગ દરમ્યાન રોરી બર્ન્સે ત્રણ ચોગ્ગા લગાવીને સ્કોર બોર્ડને એક દમ જ ફેરવી દીધુ હતુ. આમ ઇંગ્લેન્ડે 50 રનના સ્કોરને પાર કર્યો હતો.

ઇંગ્લેન્ડ 54-02

ફરીથી એ જ બોલ, એ જ અપીલ, એ જ બોલર, એ જ બેટ્સમેન અને એ જ સમીક્ષા બરબાદ. ફરી એક વખત સિરાજનો બોલ અંદર આવ્યો, જેનો રુટ બચાવ કરી શક્યો નહીં અને તેના પેડને અથડાયો. ફરી એક જોરદાર અપીલ થઈ અને અમ્પાયર માઈકલ ગફે સીધી જ અપીલ નકારી દીધી. આ વખતે ભારતીય કેપ્ટન કોહલીએ અત્યંત અનિચ્છા એ અને ઋષભ પંતના સતત ઇનકાર છતાં રિવ્યૂ લીધુ અને આ વખતે બોલ સ્ટમ્પથી ઘણો દૂર હતો. અત્યંત ખરાબ DRS કોલ. ભારતની બીજુ રિવ્યૂ બરબાદ થયુ હતુ.

મંહમદ શામીના બોલ પર જો રુટે ચોગ્ગો લગાવ્યો હતો. સળંગ બે વિકેટ ગુમાવવા બાદ આંચકો અનુભવી ચુકેલ ઇંગ્લેન્ડે તેની રમતને ધીમી અને સાચવી ને રમવાની જારી રાખી છે.

ઇંગ્લેન્ડ 28-2

ડોમ સિબ્લી બાદ તુરત જ હસિબની વિકેટ ઝડપીને ઇંગ્લેન્ડને સિરાજે મુશ્કેલીમાં મુકી દીધુ હતુ. સિરાજે જબરદસ્ત બોલીંગ કરી દર્શાવી હતી. સિરાજે આજે તેના સ્પેલની પ્રથમ બોલીંગ સાથે જ ધારદાર શરુઆત કરી હતી. જેની સફળતા ટી બ્રેક બાદ તુરત મળી હતી.

ઇંગ્લેન્ડ 23-0

બુમરાહ અને ઇશાંત શર્માના સ્થાને સિરાજ અને શામીને બોલીંગમાં લાવી દેવામાં આવ્યા છે. ઇંગ્લેન્ડની ઓપનીંગ જોડીને તોડવા માટે ભારતીય ટીમ પ્રયાસમાં છે.

જસપ્રીત બુમરાહ અને ઇશાંત શર્માએ 5-5 ઓવર કરી છે. બંને કસીને બોલીંગ કરવા માટે પ્રયાસ કર્યો છે. ઇંગ્લેન્ડના બેટ્સમેનો વિકેટ બચાવવાના પ્રયાસ થી રમત રમી રહ્યા છે.

ઇંગ્લેન્ડ 15-0

ઇશાંત શર્માની ઓવર દરમ્યાન સીબ્લીએ બાઉન્ડરી લગાવી હતી. જે ઇંગ્લેન્ડની બેટીંગ ઇનીંગની પ્રથમ બાઉન્ડરી હતી.

રોરી બર્ન્સ અને ડોમિનીક સિબ્લી ક્રિઝ પર

રવિન્દ્ર જાડેજાની વિકેટ ગુમાવવા સાથે જ ભારતની બેટીંગ ઇનીંગ સમાપ્ત થઇ હતી. ભારતીય બેટ્સમેનો મજબૂત સ્કોર ખડકવામાં સફળ રહ્યા હતા.

જેમ્સ એન્ડરસને જસપ્રીત બુમરાહની વિકેટ ઝડપીને લોર્ડઝમાં ઇનીંગની 5 મી વિકેટ ઝડપી હતી. બુમરાહ શૂન્ય રને પરત ફર્યો હતો.

ઇશાંત શર્મા થોડાક સમય અગાઉ રન આઉટ થી માંડ બચ્યો હતો. ત્યાં હવે એલબીડલબ્યુ આઉટ થતા પેવેલિયન પરત ફર્યો હતો. ઇશાંત શર્મા ની વિકેટ જેમ્સ એન્ડરસે રીવ્યૂ લઇ મેળવી હતી.

સ્વીપર કવર પર ઇશાંત શર્માએ બાઉન્ડરી લગાવી હતી. માર્ક વુડના બોલ પર ઇશાંતે આ ચોગ્ગો લગાવ્યો હતો.

ભારત 355-07

ભારતીય ટીમે 350 રનના સ્કોરને પાર કર્યો હતો. ધીરજ પૂર્વક રમત રમીને સાડા ત્રણસો રનના આંકને પાર કર્યો હતો. જે એક મજબૂત આંકને ટીમે પાર કર્યો છે. આ સાથે જ ઇંગ્લેન્ડની ટીમની ટોસ જીતીને ફીલ્ડીંગ કરવાની યોજના પર ભારતીય બેટ્સમેનોએ પાણી ફેરવી દર્શાવ્યુ છે.

લંચ બ્રેક બાદ ઓલી રોબીન્સન બોલીંગ લઇ આવ્યો છે. જાડેજા અને ઇશાંત શર્મા બંને ક્રિઝ પર છે.

રવિન્દ્ર જાડેજા અને ઇશાંત શર્મા ની જોડી લંચ બ્રેક સુઝી ક્રિઝ પર બની રહ્યા છે. જાડેજાએ 31 રન કર્યા છે. જાડેજાએ ધીરજપૂર્વક રમત રમી હતી.

ભારત 346-07

ઋષભ પંત એક દમ લયમાં રમત રમી રહ્યો હતો. તેણે સ્કોર બોર્ડને ફરતુ રાખવા માટે પ્રયાસ કરતી રમત રમી હતી. 37 રન 5 ચોગ્ગાની મદદ થી કરીને તે આઉટ થયો હતો.

આજે આંતરરાષ્ટ્રીય લેફ્ટ હેન્ડર્સ ડે છે. તો વળી સંયોગ મુજબ હાલમાં લોર્ડઝના મેદાન પર ભારતીય ડાબોડી બેટ્સમેન હાલમાં ક્રિઝ પર મોજુદ છે. રવિન્દ્ર જાડેજા અને ઋષભ પંત બંને હાલમાં ભારતીય ટીમને વધુ મજબૂત કરવા માટે પ્રયાસ કરી રહ્યા છે.

માર્ક વુડની ઓવરમાં પંતે ચોગ્ગો લગાવ્યો હતો. ભારતીય બેટ્સમેનોએ હવે ઝડપ થી મજબૂત સ્કોર તરફ આગળ વધવા માટે પ્રયાસ જારી રાખ્યો છે.

ભારતીય ટીમના બેટ્સમેનોએ મેચના પ્રથમ દિવસે ઇંગ્લીશ બોલરોને હંફાવી દીધા હતા. બીજા દિવસની રમતની શરુઆતે બે મહત્વની વિકેટો ગુમાવી હતી. રવિન્દ્ર જાડેજા અને ઋષભ પંત રમતમાં છે.

રોબિન્સનની ઓવર દરમ્યાન પંતે એક બાદ એક એમ બે સળંગ બાઉન્ડરી લગાવી હતી..

એન્ડરસનના બોલ પર ઋષભ પંતે ચોગ્ગો લગાવ્યો હતો. પંતે તેની ઇનીંગનો આ બીજો ચોગ્ગો લગાવ્યો હતો.

રહાણે 1 રન બનાવીને આઉટ થયો હતો. રહાણે અને કેએલ રાહુલે દિવસની રમતની શરુઆત કરી હતી. જે બંને બેટ્સમેનો પેવેલિયન પરત ફર્યા છે. રહાણેએ 23 બોલની રમત રમી હતી. જેમ્સ એન્ડરસને રહાણેની વિકેટ ઝડપી હતી.

રાહુલના આઉટ થવા બાદ ઋષભ પંત રમત આવ્યો છે. તેણે રોબિન્સનની ઓવર દરમ્યાન શાનદાર ચોગ્ગો લગાવ્યો હતો.

કેએલ રાહુલ બીજા દીવસની રમત શરુ થવા સાથે જ વિકેટ ગુમાવી હતી. 129 રન કરીને રાહુલ પેવેલિયન પરત ફર્યો હતો.