IND vs ENG 1st Test Day 2 Highlight: વરસાદને લઇ બીજા દીવસની રમત સમાપ્ત જાહેર કરાઇ, ભારત 125/4

નોટિંગહામમાં વરસાદને લઇને બીજા દીવસની રમત સમાપ્ત જાહેર કરાઇ છે. વરસાદ ત્રીજા સેશનની રમતમાં બે વાર વિક્ષેપ સર્જ્યો હતો. બીજા વાર વરસેલો વરસાદ લાંબો સમય સુધી નહી રોકાતા, અંતે બીજા દિવસની રમત સમાપ્ત જાહેર કરાઇ હતી. ત્રીજા દિવસે ભારતીય ટીમ 125-4 ના સ્કોરથી રમતને આગળ વધારશે.

ફરી એકવાર વરસાદ વરસ્તા ખેલાડીઓ ફરી એકવાર મેદાન થી બહાર થયા હતા. વરસાદને લઇને અંપાયરે મેચને અટકાવી દીધી હતી. ત્રીજા સેશનમાં વરસાદ ના વિઘ્ન બાદ 2 બોલની રમત રમીને તુરત અટકાવી દેવી પડી હતી. આ પહેલા 1 બોલની રમત રમીને વરસાદને લઇ મેચ અટકાવી દેવાઇ હતી.

કેએલ રાહુલ અને ઋષભ પંત મેદાને આવ્યા હતા. અને જેમ્સ એન્ડરસને બોલીંગ શરુ કરી હતી. વરસાદને લઇ અગાઉ માત્ર 1 જ બોલની રમત રમીને ત્રીજા સેશનને એટકાવી દેવામાં આવ્યુ હતુ.

અમ્પાયરોએ મેદાનનું નિરીક્ષણ કર્યું છે, અને ફરી થી રમત આગળ વધારવાનુ નક્કી કર્યુ છે.

લાંબી રાહ જોયા બાદ ખેલાડીઓ ફરીથી મેદાન પર આવ્યા હતા. જેમ્સ એન્ડરસને ફક્ત જ એક બોલ કર્યો હતો, પરંતુ ફરી થી વરસાદ શરુ થયો હતો. અંપાયરોએ મેદાન પર કવર્સ બોલાવી લીધા હતા. વરસાદ ઝડપ થી વરસી રહ્યો છે અને ખેલાડીઓ પરત ફરી ગયા છે.

જેમ્સ એન્ડરસન ત્રીજા સેશનની પ્રથમ ઓવર લઇને આવ્યો હતો. કેએલ રાહુલે ત્રીજા સેશનના પ્રથમ બોલ ને રમ્યો હતો.

થોડીક જ વારમાં રમત ફરી શરુ થશે. અંપાયરો વરસાદ રોકાયા બાદ મેદાનની સ્થિતીનુ નિરીક્ષણ કર્યુ હતુ.

વરસાદને કારણે બીજા સેશનને અહી જ સમાપ્ત જાહેર કરી દેવામાં આવ્યુ છે. આ સાથે જ ટી બ્રેક ઘોષીત કરવામાં આવી છે. હવે જો રમત ફરી શરુ થશે તો, સીધુ સેશન રમવામાં આવશે. અને વધારે વધારે ઓવર નિકાળવા માટે પ્રયાસ કરવામાં આવશે.

અપુરતા પ્રકાશને લઇને મેચ રોકી દેવાઇ હતી. કાળા વાદળો ઘેરાવાને લઇને પ્રકાશ પુરતા પ્રમાણ નહી હોઇ મેચને રોકવામાં આવી હતી. હળવો વરસાદ પણ ત્યાર બાદ શરુ થયો હતો. આમ હવે મેચ ફરી શરુ થવાની રાહ જોવાઇ રહી છે.

ખરાબ પ્રકાશને લઇને મેચને અંપાયરો દ્વારા રોકી દેવામાં આવી છે. ભારતીય ટીમ ઇંગ્લેન્ડની ટીમથી 58 રન હજુ પાછળ છે. જ્યારે ઋષભ પંત અને કેએલ રાહુલ રમતમાં છે.

એન્ડરસનની સામે વિકેટ ગુમાવવા બાદ વિરાટ કોહલીના નામે એક ખરાબ રેકોર્ડ નોંધાઇ ચુક્યો છે. તે ભારતીય કેપ્ટનના રુપમાં ટેસ્ટ ક્રિકેટમાં સૌથી વધારે વખત ‘0’ રન પર આઉટ થનારો બેટ્સમેન બની ચુક્યો છે.

અજીંક્ય રહાણે રોબીન્સના ડાયરેક્ટ થ્રો પર રન આઉટ થયો હતો. ભારતીય ટીમ વધુ એક વિકેટથી મુશ્કેલ સ્થિતીમાં મુકાયુ છે. એક બાદ એક ઝડપ થી ચોથી વિકેટ ભારતે ગુમાવી છે.

કેએલ રાહુલે તેનુ અર્ધશતક પુર્ણ કર્યુ હતુ. રાહુલે શરુઆત થી જ ધૈર્યપુર્ણ રમત દર્શાવી હતી. જેના ફળ સ્વરુપે તે અર્ધશતક કરવામાં સફળ રહ્યો હતો. આ સાથે ભારતીય ટીમનો સ્કોર 106-3 પર પહોંચ્યો હતો.

જીમી એન્ડરસનના બોલ પર વિકેટ ગુમાવીને વિરાટ કોહલી એ શૂન્ય રને જ પેવેલિયન પરત ફરવુ પડ્યુ હતુ. વિરાટ કોહલી ક્રિઝ પર આવવા સાથે જ પોતાની વિકેટ ગુમાવી દીધી હતી.

ચેતેશ્વર પુજારા સસ્તામાં આઉટ થયો હતો, 15 બોલમાં માત્ર 4 રન કરીને જ તે આઉટ થયો હતો. પુજારા અગાઉની મેચોમા તેની નાની ઇનીંગની માફક ફરી એકવાર ઝડપ થી પેવિલિયન ફર્યો હતો.

બીજા સેશનની રમત શરુ થઇ ચુકી છે. ચેતેશ્વર પુજારા અને રાહુલ બંને ક્રિઝ પર આવી ચુક્યા છે. ટેસ્ટ નિષ્ણાંત પુજારા હાલમાં કેટલાક સમય થી દબાણમાં છે. કારણ કે તે મોટી ઇનીંગ રમવામાં નિષ્ફળ રહ્યો છે. આજે તેની પાસે સારો મોકો છે. કારણ કે, ભારતીય ટીમનો પાયો મજબૂત છે અને તે ક્રિઝ પર ઇનીંગને આગળ વધારી શકે છે

આ દરમ્યાન ઇંગ્લેન્ડ ક્રિકેટ ટીમને મોટો ઝટકો લાગ્યાની સમાચાર આવ્યા છે. ટીમના સ્ટાર ઝડપી બોલર જોફ્રા આર્ચર ઇજાને લઇને એક વર્ષ માટે બહાર થઇ ચુક્યો છે. તેને જમણી કોણીની ઇજાની ફરી થી ફરીયાદ સામે આવી છે. જેના કારણે તે કેટલાક સમય થી બહાર ચાલી રહ્યો છે. આ કારણે તે ભારત સામે ટેસ્ટ સિરીઝમાં બાકી રહેલી મેચોમાં રમી નહી શકે

ભારતીય ટીમે રોહિત શર્માના રુપમાં પ્રથમ વિકેટ ગુમાવી છે. રોહિત શર્માએ 36 રન કરીને પોતાની વિકેટ ગુમાવી હતી.

રાહુલે પોતાની લય હાસંલ કરી લીધી છે. હવે તેના બેટ ની રેન્જમાં આવી રહેલી બાઉન્ડરી પાર જવા લાગી છે. બ્રોડ ફરી થી ભૂલ કરી બેઠો અને રાહુલે તેનો મોકો ઉઠાવીને કવર્સ પર ચોગ્ગો લગાવ્યો હતો.  રાહુલે તેનો વ્યક્તિગત સ્કોર 31 રન કર્યા હતા.

ભારતીય ટીમની બેટીંગ ઇનીંગના બીજા દિવસની રમત નો પ્રથમ કલાક વિતી ચુક્યો છે. ભારતીય ઓપનરોએ સમજદારી પુર્વક રમત રમી છે. વિના કોઇ નુકશાને રન નિકાળી રહ્યા છે. બંને એ 50 રનની ભાગીદારી રમત રમી છે. ઇંગ્લેન્ડને પ્રથમ સફળતા મેળવવાની આશા છે. હવે ઇંગ્લેન્ડના કેપ્ટને સેમ કરનને બોલીંગ લઇને બોલાવ્યો છે.

 ભારત 53-0

રોહિત શર્માએ રોબિન્સનના બોલ પર બાઉન્ડરી લગાવી હતી. આમ રોહિત શર્માએ 18 રનના સ્કોર પર પહોંચ્યો હતો.

બીજા દિવસની રમતનો પ્રથમ રન રોહિત શર્માના બેટ થી નિકળ્યો હતો. રોબિન્સનની ઓવર પર શરુઆતમાં રોહિત શર્મા ડિફેન્ડ કરવાની કોશિષમાં ચુક્યા. જોકે અંતિમ બોલ માટે એક દમ પરફેક્ટ હતી. રોબિનસને શોર્ટ બોલ નાંખ્યો હતો. જેમાં વધારે ઉછાળ નહોતો. રોહિતે તેને પુલ કરીને સ્ક્વેયર લેગની ઉપર થી નિકાળીને બોલને બાઉન્ડરી પર મોકલી 4 રન મેળવ્યા હતા.

ભારત 25-0

ઇંગ્લેન્ડે એન્ડરસનની સાથે ઓલી રોબિન્સને બીજા તરફ થી બોલીંગ માટે આવ્યો છે. આ જોડીએ પોતાની અલગ અલગ સ્ટાઇલ થી પરેશાન કરી રહ્યા છે. એન્ડરસનની સ્વિંગ અને રોબિનસના બોલના ઉછાળ સામે ભારતીય બેટ્સમેનો સંઘર્ષ રહેશે અને વિકેટ બચાવવા સાથે રન પણ કરવા પડશે.

શરુઆતની પ્રથમ 3 ઓવર મેડન, ભારત 21-0

બિજા દિવસની રમત શરુ થઇ ગઇ છે. જેમ્સ એન્ડરસનની પ્રથમ ઓવર શરુ કરી હતી. એન્ડરસને સતત ઓફ સ્ટમ્પની લાઇન પકડી છે. અને તે આઉટ સ્વિંગ કરાવી રહ્યો છે.

બીજા દિવસની રમતની શરુઆત થઇ છે. નોટીંગહામમાં આજે ખૂબ જ તડકો વર્તાઇ રહ્યો છે, જેનો ફાયદો બેટીંગ પર મળી શકે છે. રોહિત શર્મા અને કેએલ રાહુલે સારી બેટીંગ કરીને વિકેટ બચાવી રાખવી પડશે. ગઇકાલ જેવી રમત જો બેટીંગ કરવામાં સફળ રહેશે, ભારત માટે મોટો સ્કોર ખડકવાનો મોકો છે.