Breaking News: કોલંબો ટેસ્ટ ડ્રો, ભારતે શ્રીલંકામાં 1-0 થી જીતી ટેસ્ટ શ્રેણી

કોલંબોમાં ભારત અને શ્રીલંકા વચ્ચે રમાયેલી ટેસ્ટ શ્રેણીની બીજી મેચ ડ્રો રહી હતી. મેચના અંતિમ દિવસે ટીમ ઈન્ડિયાને જીતનો દાવો કરવા માટે શ્રીલંકાને બીજી ઇનિંગમાં ઓલઆઉટ કરવાની જરૂર હતી. શ્રીલંકા પાસે ફક્ત ચાર વિકેટ બાકી હતી અને તે ફક્ત 16 રન આગળ હતી. પરંતુ સોનલ દિનુષા ફરી એકવાર ભારતની જીતના માર્ગમાં આવી ગયો અને તેણે શ્રેણીની ત્રીજી સદી ફટકારી હતી. તેની સદીથી ભારતે જીતની તક ગુમાવી દીધી. જોકે દિનુષા ઉપરાંત શ્રીલંકાના અન્ય બે નીચલા ક્રમના ખેલાડીઓની 20 ઓવરની બેટિંગ પણ ટીમ ઈન્ડિયાને ભારે પડી હતી.

ટીમ ઈન્ડિયાના બોલરો વિકેટ લેવામાં નિષ્ફળ

કોલંબોના સિંહાલીઝ સ્પોર્ટ્સ ક્લબ (SSC) ગ્રાઉન્ડ પર ટીમ ઈન્ડિયા પાસે અંતિમ દિવસે મેચ જીતવાની તક હતી. બધાની નજર વરસાદ તેમની આશાઓ પર પાણી ફેરવી શકે છે તેની શક્યતા પર હતી. પરંતુ મેદાન પર જે બન્યું તેનાથી દરેક અપેક્ષા, આગાહી અને દાવા પર પાણી ફરી ગયું. આખા દિવસ દરમિયાન વરસાદનું એક પણ ટીપું પડ્યું નહીં, અને ટીમ ઈન્ડિયાના બોલરો એક પણ વિકેટ લેવામાં નિષ્ફળ ગયા. તેઓએ દિવસભર લગભગ 82 ઓવર સુધી બેટિંગ કરી, બરાબર 200 રન આપ્યા અને ફક્ત ત્રણ વિકેટ લઈ શક્યા.

Sonal Dinusha shines as Sri Lanka stand firm to earn an epic draw against India #WTC27 | : https://t.co/8NP3Qr1pnQ pic.twitter.com/mP4oRs6fIK

— ICC (@ICC) August 27, 2026

સોનલ દિનુષા ચમક્યો

શ્રીલંકા માટે આ ડ્રોનો હીરો ડાબોડી બેટ્સમેન સોનલ દિનુષા હતો, જેણે બંને ઇનિંગમાં સદી ફટકારી હતી. બંને ઇનિંગમાં, તે મુશ્કેલ પરિસ્થિતિઓમાં ક્રીઝ પર આવ્યો અને સદી ફટકારીને પોતાની ટીમની સ્થિતિ સુધારી હતી. પ્રથમ ઇનિંગમાં 103 રન બનાવ્યા પછી બીજી ઇનિંગમાં સોનલ દિનુષાએ આખો દિવસ બેટિંગ કરી અને અણનમ 132 રન બનાવ્યા, જેનાથી મેચ ડ્રો થઈ અને શ્રીલંકાને ઘરઆંગણે 0-2 ની શરમજનક હારમાંથી બચાવી લીધી. આ ટેસ્ટ શ્રેણીમાં સોનલની આ ત્રીજી સદી હતી, જેના કારણે તે બે મેચની શ્રેણીમાં ત્રણ સદી ફટકારનારી ત્રીજો શ્રીલંકન ખેલાડી બન્યો.

Braking News: આ ખેલાડીના કારણે વિરાટ કોહલીના કોચ મુશ્કેલીમાં, DPL 2026 માં એક મોટો ‘કૌભાંડ’